(زين ) :: ي ماما كلميه وغلاوتي عندك
(غرام) ::زين انا مش ناقصة مشاكل مع علاء وكفاية عوزني ارجع المستشفى وانا مش عوزها وكل يوم نتخانق ومفكر انكم السبب عوزني اتخانق تاني
(زين وهو بيبوس ايديها) :: وغلاوة زينو كلميه ي ماما مش بيرفضلك طلب واخاف ضغطه يعلي كلميه في الوقت اللي تلاقيه مناسب ي غرامي وبعدين لزم ترجعي المستشفى قبل كده كنتي بتقولي انت صغير
(غرام) :: والله هيعلقك لو سمع غرامي دي وهتفضل صغنن قلبي وبعدين ما انت بطل اهو كلم انت بقي علاء
(زين) :: ي ماما هتحصل مشاكل ومش راضي يقولي ليه رافض هو بيرفض وخلاص بالله كلميه.
(علاء وهو بيدخل من الباب) :: تكلمني في ايه ي دكتور زين
(زين) :: ما هوو ما تتكلمي ي ماما
(غرام بضحك) :: جالك الموت ي تارك الصلاة
(علاء) :: انا بكلمك انت مش ماما
(زين ) :: نفس الموضوع وعوز اعرف سبب رفضك
(علاء) :: واظن ردي انت عارفه مفيش جواز دلوقتي ولو فيه مش من البنت دي وكده كفاية والموضوع يتقفل
(زين بعصبية) :: بس انا بحب جنة ومش هرتبط غير بيها وحضرتك بترفض من غير
مبرر وحقيقي انا زهقت
(غرام بتهدي الموقف) :: زين مش كده وكمان انت لسه بتتدرس اجل الموضوع شويه ممكن
(زين بهدوء) :: والله ما هقصر في دراستي طب ما انا من اول سنة نزلت المستشفي وبدرب وطالع عيني وعمري ما قصرت وبطلع الاول كل سنة
(علاء) :: زين انا قولت اخر كلام في الموضوع ده
(زين بصوت عالي) :: وانا مش موافق ع كلامك انا بحبها وهخطبها تحت اي ظرف
(علاء) :: خد بالك من كلامك وصوتك عشان شويه وهجيب اخري
(غرام) :: اهدوه بقي وانت ي زين ادخل اوضتك وانا هتصرف
(زين) :: اسف ي ماما بس لزم افهم سبب رفضه وخصوصا لجنة
(علاء بعصبية) :: تعرف انك غبي هكون برفض ليه معجب بيها مثلا
(زين) :: ي بابا انا هتجنن طول عمرك بتفهمني كل حاجة انا معرفتش الحب غير معاك انت وماما كل مشكلة بلقيك في ظهري اي تصرف مش بيعجبك بتفهمني اي اللي غلط فيه بالظبط وبحاول اصلح من نفسي لكن دلوقتي مش حابب تشاركني اي حاجة والله بحبها
(علاء) :: تعالي المكتب وهفهمك
(غرام) :: فيه اي ي علاء
(علاء وهو بيبوس ايديها) :: مفيش ي قلب علاء هوريه شويه ورق مش اكتر يمكن يرجع لعقله حضري بس الغداء عشان واقع من الجوع بس اعمل اي قدري ويبوص لزين يالا ي استاذ
***** في مكتب علاء
(زين بذهول) :: بابا الورق ده مظبوط
(علاء) :: زين لتاني مره بتغلط الورق قدامك هزوره مثلا عشان تبعد عنها
(زين) :: طب انت هتتصرف ازاي انت في خطر بلاش تتدخل في مشاكل معه
(علاء) :: ولا يهمك هو خلاص بيقع كلها يومين وهيتقبض عليه عشان يبقي عبرة لأي حد مش عارفة معني القسم اللي حلفه وعاهد ربنا عليه مستشفي كاملة لتجارة الاعضاء ياريت تفهم اشمعنا بنته انا لما لقيتك مصمم طلبت الورق من الظابط اللي متابع القضية عشان تعقل لما حسيت انهم هيضغطوه عليا بيك فهمت
(زين ):: انا مقدر خوفك عليا والله بحبك فوق الخيال بس هي ذنبها اي هو حد بيختار اهله ولا بيختار قدره ما انا لو مكنش حضرتك وصلتلي كان الله اعلم كان زماني فين وانا عارفها والله محترمة اوي صدقني اكيد غير بابها قلبي هيوجعني لو بتخدعني بعد كل الحب ده
(علاء) :: كلامك مظبوط بس مش عوز شك ولو واحد في المية ان حد هياذيك انت اغلي حاجة في حياتي ولو طلعت غير زاي ما بتقول انا اللي هخطبهالك كلها يومين اكيد وبابها هيتقبض عليه
( زين وهو بيقوم) :: انا محتاج انام
(علاء وهو بيمسك دراعه) :: تعالي ناكل وسيب الباقي ع ربنا يالا
