➹✿ تعارفنا في المطعم➹✿ ( بلهجة الجزائرية )

☆★ البارت -1- ☆★

 ميلي تحكي : اليوم النهار الاول تاعي فلافاك 😁نضت بكري ستيكيت روحي كوم ايل فو 😂😂 رحت بست ماما و بابا و قلعت باش نلحق على البيس پاسكو ماري صحبتي تروح فالطنوبيل تاعهم و انا صراحة نحشم من باباها ، كنت نجري حتى وين حبست عندي طنوبيل ما حبيتش ندور حتى وين سمعت لاڥوا تاع ماري 

ماري : ميلي هذي انا اياي يوصلنا پاپا 

انا : نن مغسي معليش راهو قريب يلحق البيس

 ماري : اطلعي يا الهايشة نحللك ضوكا شوفي والله و ما تطلعيش غير نجي نكركرك من ذاك الشعر نطلعك بسيف عليك

 انا : 😅😅اوكي ني طالعة خلاص (وانا في قلبي اسناااااي يروح باباك و نوريلك يا المصفارة 😂😂الكلبة بهدلتني قدامو 😂😂) طلعت فالطنوبيل و قلعنا لحقنا للافاك و راح ، هو مع لي قلع و انا ندور عندها شديتها مرمدتها 😂😂

 انا : يا الكلبة بهدلتيني قدام باباك 😂😂 

ماري : 😂😂خلاص خلاص والله ما نزيد نعاود 😂😂تحلالي كي نكون نبرد فيك قلبي و نتي ما تقدريش تريپوندي واحد المتعة يا محاينك 😂😂 ا

نا : يا الكلبة تفوووو😂😂 مي نخلفهاك يا وجه البورديل 😂😂 دخلنا قرينا و خرجنا على الحداش ، وختكم منا لازم كل زوج سوايع تاكل 😂😂، ااا و نكركر معايا ماري و هي تضبح 😂😂

 ماري : واش كاين ، واش صرا بومبا حا تطرطق😱😱

 انا : يا ودي امشي لا نطرطقلك راسك قالو بومبا 😂😂، جعت فارصي ايا نضربو فيها زوج ليسوندويش كرانطيطة باش نسكت كرشي 😂😂

 ماري : يا ودي امشي تشو ناكلو كرانطيطة 😂😂، كاين واحد الغيستوغون سانك ايطوال واش نقولك موالفة يدينا پاپا ناكلو فيه 😍 انا : غيسوغون سانك ايطوال پاپاك ايخلصنا ناكلو فيه واقيل😂😂امشي تشو امشي الكرانطيطة تنادي 😂😂 

ماري : ياودي نولو كل نهار ناكلو فما پاپا قالي ما تاكليش فالريسطو تاع لافاك 😂😂هو عطالي الدراهم ،ايا ايا نروحو

انا : ايا خلاص انا ما نقولش لالا 😂😂 رحنا كانت ريسطورون ..

كبيرة مقابلة البحر واش نقولكم 😍😍، مع لي دخلنا رحنا باش نشوفو لاطابل لي ريزارڥاهنا بابات ماري ، واحد الباقلاوات يخدمو فما غير لي يقول لخوه انا خير 😂😂(رحت نرهج عشيت نكحل 😂😂) رحنا قعدنا في واحد الطابلة مقابلة البحر سواسوا 😍 كانت تبان فور مالفوق 😍😍 حنا مع قعدنا جا عدنا السارڥور ، الزين ماشي تاع هنا اوفيسيال 😍،انا خزرت في ماري نلقاها تبحلق فيه (كيما يقول المثل بحلقوا في خلق الله 😂😂)، زعما لاعبتها كلاص ڨاع واش كاين ، وانا نحب نقلقها 😂😂

 السارڥور : مرحبا بيكم عدنا ، واش تدي مادموزال (مع ماري )

 ماري : انا جيبلي كيما تاع البارح ، مالڨري ما سقسيتنيش مي روح برك 😂😂