كنت قاعده والدموع بتنزل بغزاره ماكنت مصدقه النتيجه عاينته للدكتور
ريله:انت متاكد منها 💔
الدكتور:للاسف ايوه يامدام لاكين ماتخافي بنقدر نحل الموضوع
ريله:😭💔
طلعته وانا بجد ماعارفه حاسه بشنو جواي احاسيس ملخبطه اول ماطلعته لقيت ايهم في وشي
ايهم:ريله خير في شنو الحصل شنو 😠
مديت ليهو التقرير وانا منزله راسي فتحو وعاين ليهو مسافه بعدها ضماني عليهو
ايهم:ماتخافي حبيبتي حنتجاوز مع بعض وحكون ليك اكبر سند لحدي ما نتجاوز المحنه دي ok 😔💔
ريله:😭😭💔
ايهم:دا ابتلاء ولازم نصبر عشان نحصد الاجر يلا خلاص بطلي بكى😊💔
اشرح ليكم الحصل :-
بعد نقلوني للمستشفي وعملو الفحوصات اتضح لي حاجه غريبه في الفحص فطلبو مني كم فحص تاني عملتهم ومشيت للدكتور في المكتب وخالتو ونوره استنوني بره دخلته وللاسف اتضح لي كانسر في الدماغ وفي مراحل البدايه يعني بتعالج والحمد لله بس للاسف اتضح انو انا حامل وغير كده الكيماوي حياثر علي الجنين فلازم اجهاضو 😔💔
بس الحمد لله على كل حال🙇💛
طلعت من غرفه العمليات وانا حاسه انو جبال قاعده علي صدري معقول طفل لسه ماشاف الدنيا يموت 😔💔الحمد لله بس الحمد لله
اكبر سند كان لي ايهم واخواني كان واقفين معاي دائما ونوره برضو اما خالتو بسمه كانت بالنسبه لي ام عديل كده ربنا يخليهم لي
الدكتور حدد لي مواعيد لجرعات الكيماوي وكده كان لمده 3 شهور انا من الشهر الاول شعري وقع وشكلي بقي بشع مره وحده انا من شكلي جاتني نفسيات علي النفسيات حقت المرض وماف زول مستحمل دا كلو غير زول واحد الهو ايهم 😔💔
وكانت عندي مواقف كتيره معاهو ومع نفسياتي منهم وفي يوم:-
كنت واقفه قصاد المرايه وبعاين لراسي الكان صلعه تلمع كنت بحسس عليهم وفجاءه في زول جاني من وره وضماني وباسني في صلعتي دي😂وفي منو غيرو
ايهم :حبي 😙كيفك
ريله:عايشه😔
ايهم:يابت اتلمي خلاص 😑وشوفي عندي ليك مفاجاءه
لفاني عليهو وكان لابس طاقيه قلعها وكان حالق شعرو صلعه حرفيا كان زي حقي بقيت اعاين ليهو وانا فاتحه خشمي 😦😦
ريله:شعرك وينو😢
ايهم:حبيت اجرب استايل جديد رائيك😉
ريله:😭😭😭💔ياخ ماكان تعمل فيهو كده
ايهم:ياخ انتي مالك الاستايل دا عاجبني يابت ماليك شغله 😂😂
ايهم:حرفيا ياخ حاسي راسي خفيفه وزاتو ارتاح من التسريح والعبط داك اخخ كده راحه والهواء ضارب فيها كده يالله نعمه ياخ😂😂
خلاني اضحك غصب ياخ كان شكلو كيوت وهو بتكلم 😂😂
وغير الموقف دا كان في واحد تاني كنت منفسنه وقافله معاي بكل الجهات وكان اليوم بارد وانا زهجانه واخلاقي في منخير جا ايهم داخل انا كنت ماسكه كبايه عصير وواقفه في البلكونه هو كان جاي من الشغل وزي عادتو جا بي وراي وضماني بس الكبايه وقعت وادفق العصير في رجلي انا طوالي هجت فيهو وزودتها حبتين فهو زاتو انفعل معاي والشكاه دورت دخلته جوه وغسلت رجليني وجيت رقدته وغمضته عيوني وانا ببكي هو دخل واتحمم وجا طالع رقد وشال جوالو ولا زي الحاصل حاجه 😭😭💔فجاءه حسيت بيهو غطاني بي اللحاف زحيتو مني تاني غطاني تاني زحيتو وكنت مستعده اعمل كده لتاني يوم بس فاجئني لمن 3 مره زحيتو مني مارجعو لي لا بعد مسافه كده وخت يدو من فوقي كان ضاميني من فوق اللحاف عشان ما احركو تاني
ايهم بهمس :اسف بيب ما حعيدها تاني وعد مني خلاص 😙
ريله:😊
ونمت نومه عنيقه اليوم داك 😴💜
وغيرها مواقف كتير كمان لحدي جا يوم حاخد فيهو اخر الجرعه كيماوي وكانت كالعاده حارقه جدا علي جسمي وكان ظاهر كده من الدموع النازله مني بس ايهم كان قاعد جمبي وبيتكلم وبيحكي لي عن مواقف مضحكه وانا كنت بعض مرات وسط الالم بضحك😂
بعد اليوم انتهي وكده كان بعد كم يوم حيعملو لي العمليه وبالفعل جا اليوم وكانو كلهم موجودين وعاملين لي جو عجيب بحركاتهم وجنونهم حتي رحيق وفرح جو ياخ وآسر همس لي في اضاني
آسر:طلع كلامك صاح انا متيم بيها 🙈
ريله:😆👏👏l know it طلع كلامي صاح وحيكون عندي طلب كمان 😂😂
آسر:من عيوني ليك قولي
ريله:اممم تعزمني اسكريم في احلى مكان في الخرطوم بعد اطلع
آسر:ياخ لو دايره ببني ليك مكان بس انتي اطلعي😂😂
ريله:سمح😌
ايهم:اشم رائحه مؤامره بتتوسوس في شنو انتو الاتنين 😐
انا وإسر عاينا لبعض بعدها عاينا لايهم
ريله:بخطط اخونك واهرب انا آسر ونتزوج عشان انت مانافع😅
آسر:😦كذابه ماكده استني اشرح ليك
أيهم:اها 😐
إسر:بنخطط نهرب ل لندن ونركبك السمبك😂😂
ياخ كان اجمل وقت معاهم لحدي طلعوهم عشان ابدل ملابس للعمليه وساعدني ايهم ونقلني لحدي باب غرفه العمليات وبعدها مشي
بلسان ايهم:-
بعد مرور ساعات طويله انا بس كنت واقف جمب الباب مستني بس زول يطلع حسيت بدوخ كده فهد مسكني وقعدني في كرسي
فهد:انت من الصباح واقف كده لا اكلت ولا شربت
ايهم:ماعندي نفس واللهي يافهد😔بس مستنيها تطلع
ربت علي كتفي
فهد:ماتخاف حتكون كويسه هي قويه انا حنزل اجيب ليك حاجه تدخلها بطنك احسن تمرض
ما اتكلمته معاهو وبس بقيت اعاين للباب فجاءه الدكتور طلع مشيت عليهو بسرعه
ايهم:دكتور طمنا ريله كيف
الدكتور :عملنا كل الفي يدنا بس للاسف المريضه ما استحملت البقاء لله😔💔
انا اتكيت علي الحيطه الوراي وبقيت اسمع الكلام بعيد بعيد ماكنت مصدق ابدا
حبوبه:وااي يابتي مشيتي صغيره وااااي انا وااااي رجعوها لي والله ما اعترض علي قرار ليها تاني ابدا واخليها تعمل العايزاهو اكان دايره تحلق شعرها صلعه ماعندي اعتراض بس تجي 😭😭💔واااي انا يا الصغيره واااي انا 💔💔
توره:ايهم رجع لي ريله يا ايهم رجع لي ريله هي بقت اختي ما ممكن تروح يا ايهم ما ممكن واللهي ما ممكن 😭😭😭رجعها لي ياااخ انا حبيتها شديد ما ممكن تسيبني وتمشي واللهي ماممكن. 😭😭💔
آسر:ريلااااه كيف تمشي يا ريله نسيتي وعدك انو حنطلع وناكل اسكريم مع بعض نسيتي انو انا اخوك كيف تمشي وتسيبي اخوك براهو ريله لا 😭😭😭💔
كان كل زول حالتو اصعب حرفيا ماف زول كان قادر يتماسك عشان زول كل زول حالتو اكعب من التاني 😔💔اما انا فكنت حاسي الدنيا واقف في نقطه وحده نقطه اول ما الدكتور قال البقاء لله💔
