مشوار عمري

البارت (1)

البارت (1)

مشوار عمري

اللهم صلى على النبي

السلام عليكم ورحمه الله وبركاته

اليوم راح احچلكم قصه واقعيه بيه شوي اضافات وشوي حذف للضروره

اتمنه تعجبكم

اني ساره

راح ابدي اعرفكم على عائلتي بختصار
احنه عائله عاديه متكونه من خمس بنات واربع ولد اني الرابعه من البنات خواتي كلهم مزوجات والولد كذالك بس باقين اني واحمد الگعده 20سنه بعده ممزوج عائله مترابطه متفاهمين بابا وماما كل حياتي وماگصرم ويايه وماجبروني على اي شي اني الي قررت مصيري وحياتي فهذه مشواري الي اني ختاريته
وهسه راح اعرفكم على نفسي اني صاحبت القصه
اني ساره 25سنه الطول متوسط يكولون عليه حلوه ومحبوب واجتماعيه اني مدرسه بثانويه تجيني هوايه عروض لزواج واني ماقبل كل ماتجيني احد يخطبني ارفض ماحبيت فكره لارتباط و زواج مماقتنه بيه ابد اكول وضيفتي زايده عليه والعطل اگظيه سفرات كل سنه اطلع الدوله اني واحد من اخوتي احب السفر خواتي لاكبر مني ولازغر تزوجو واني ماريد اتزوج اگول بعد وكت اهلي ناطيني حريتي يكولون هاي حياتچ وانتي حره بيه واني تصرفت على هذه الشي ولا خذلت ثقتهم بيه

لكن القدر كان له شي ثاني غيرلي حياتي جذريآ

@@@@@@@@@@@

هسه نجي لبطل قصتنه

علي : اني علي عمري 27سنه ابن شيوخ اب عن جد واني ضابط بلجيش مالي بشغل بلشيخه والمشايخ احب شغلي وبس
اهلي يريدون يزوجوني من اقاربنه عدنه البنيه والولد ميطلعون خارج العائله لازم ناس تاخذ من ناس بس اني حبيت بنيه غريبه وردت ازوجه بس اهلي عارضم راح اعرفكم على اهلي

ابويه الشيخ صلاح ابو اسد 64سنه
امي الشيخه العنود عمره 55سنه

الشيخ اسد : اخويه الچبير ابو فيصل
عمره 35سنه مزوج من بنت عمي دلال وعنده 4 اولاد وهوه الي مبتلي بشغل ابويه كله

عمار : ابو فاضل 33سنه مزوج من بنت عمي هاله وعنده والد2 وبنيه يشتغل اعمال حره ويه ابويه واسد

قاسم : ابو محمد 30 سنه مزوج بنت خالي سهام وعنده ولد 2 موضف بلصحه و تقريبن مثلي بعيد عن الشيخه

اني علي : 27 سنه طويل اشگراني ماحبيت اتزوج لان جابريني الى اخذ من اقاربنه فگلت ماريد زيجه بس اهلي ميقبلون داگين عليه وتهرب منهم بي حجه
مالي بشغل الشيخه والمضايف احب شغلي

حسين : 22سنه يدرس كليه ويحب بنت خالي

هيثم : 15 سنه يدس متوسطه

البنات عدنه 2 ام احمد الجبيره اكبر من اسد الله يحفظه طبعآ ماخذه ابن عمي والصغيره هلا 18سنه مخطويه اكيد لابن عمي لاخ