لقد كسر قلبي (بقلم ليلى إسماعيل).

البارت الأول💙.

"قاعده بعيط وقاعده بفتكر كل حاجة جمعتنا ازاي هان عليه يحب بعدي وازاي هنت عليه أنا ليه حاسه أني كنت مجرد حب عابر بالنسبة لي"

اعرفكو بنفسي أنا ليل عندي ٢٣ سنة متجوزة بقالي سنتين بعد قصه حب تلت سنين مكناش بنكلم بس كنا بندعي نكون لبعض ازاي يعمل كده ازاي بعد كل ده يعمل معايا كده.

"فلاش بااك"
ليل:ايداا أدم حبيبي أنت جيت استني اقعد عشان أجبلك تأكل.
أدم ببرود:ماشي يلا عشان جعان وعاوز اكلمك في موضوع مهم.
ليل:مالك يحبييي في حاجة.
أدم:مفيش حاجة تعالى عشان عاوزك في موضوع قلت.
ليل:تمم اقعد على السفره وانا هجيب الأكل ونتكلم.

"ليل حطت الأكل على السفره وهما بيأكلو."
ليل:ها يا حبيبي كنت عاوز اي.
أدم:انا بس عاوز أقلك أني هجوز جهزي نفسك كتب كتابي الأسبوع الجاي.
ليل:اي الهزار البايخ بتاعك ده يا أدم.
أدم:وأنا ههزر معاكي لي انا بكلم جد جهزي نفسك.
ليل:ازاي يا أدم انت معتش بتحبني ازاي هتقدر تجوز عليه.
أدم:الصراحة بق يا ليل أنا حبيتها غير كده احنا بقالنا سنتين مجوزين وأنتي مخلفتيش.
ليل:بتعايرني يا أدم بتعايرني فين أيام ما كنت بتقلي متزعليش نفسك يا ليل هنصبر سواا للدرجة كنت بقلك اجوز عشان تخلف وطلقني بس على الأقل خد رأي مش تقلي حبيتها بس عمومًا على راحتك يا ريت تطلقني بأسرع وقت.
أدم:طلاق اي مش هطلقك أنا منكرش أني بحبها بس أنا عاوزك تفضلي جمبي غير كده اعتبرني يستي كنت سمعت كلامك واجوزت عشان نخلف ونعيش سواا ؤاعدل بنكوو.
ليل بإنفعال:تعدل بنا ازاي فهمني تعدل بينا بعد ما تقلي أنا حبيتها أنت مش متجوزها عشان الخلفه بس أنت حبيتها ويمكن أكتر مني يمكن أنا كنت هدف مكنتش عارفه توصله ووصلتله وحبيته بس مليت بعدين ده الواضح.
أدم:لا فكك بق من الكلام ده أنا مش هطلق وهتخضري معايا الفرح وكتب الكتاب كمان وتبيني للكل أنك مبسوطة.

"بااااك"
___________________بقلم ليلى إسماعيل _____________

صحيت الصبح وعنيا وارمه من العياط بقالي أيام على الحال ده وهو حتى مش مهتم معدش بيدخل البيت غير كل فين وفين مبقتش اشوفه فجأه لقيت الباب بيفتح لقيته داخل يقلي.
أدم:اه جهزي نفسك انهارده ومتنسيش تبقى مبسوطه انهارده كتب الكتاب واه مش هنعمل فرح كتب كتاب وبس وأنا اشتريت الشقة اللي فوق هتبقي ليها ويبقى يوم ليكي ويوم ليها.

ليل:ماشي يا آدم بس افتكر ان محدش هيعرف يستحملك أدى انا استحملت كل عيوبك عشان بحبك وقلت هتتغير سواا إنما أنت عاوز تبعد وخلاص مش شايف قلبي اللي كسرته وراك ميه حته.

آدم:يووه بق مش هنخلص من الموال ده أنا زي منا ومش هتغير حبتني كده تقبلني بق بكل عيوب،ايداا أنا ماشي عشان متعكننيش علياا ليلة فرحي.

ليل-خرج وسابني بعد ما خد كل طاقتي وقال إي تقبلني زي منا بس لا أنا مش هفضل على زمته لحظة واحدة بعد كل ده لازم اتصرف.
-قمت لبست وجهزت عشان احضر فرحه وأنا جوايه غيرة وزعل على نفسي وأفتكر أن أنا اللي كنت ماسكه العلاقة دي ومستحملاه دايمًا بس مكنتش شايفة أي عيوبه وسعات بقول هيتغير واحنا بعض أنا إي اللي عملته في نفسي ده بس.
قعدت واستنيته يكتب الكتاب وينبسط مش هنكر انها حلوه وزي القمر بس مش كان دايمًا يقلي من يوم ما شفتك وأنا عنيه معتش بتشوف حد غيرك.. قعدت وسرحت وافتكرت يوم كتب كتابنا..

"فلاش باااك"

المأذون" بارك الله لكما وبارك عليكما وجمع بينكما في خير".
أدم:أنا مش مصدق خلاص يا ليل أنك بقيتي مراتي ملكي أنا بحبك أوي يا ليلتي.
ليل:ولا أنا مصدقة خلاص يا أدم أنا حاسه أني في حلم وخايفة افوق منه.
أدم: متخفيش طول ما أنا معاكي يا ليل أنتي عارفة أني مقدرش أسيبك أبدًا يلا بق متعيطيش أنا مصدقت أنك بقيتي مراتي بق يعمري.
ليل:طب حاتلي شوكولاتة وشيبسي وحجات كتير بقي مش أنت بقيت جوزي😂.
أدم:مجوز بنت اختي ولا أي ماشي يحبيبتي هجبلك اللي أنتي عوزاه بس يلا نخرج عشان بابكي مينفخناش😂.
ليل:لأ بابا طيب وبيحبني وهيسبني أخرج معاك وبعدين ده لسه شهر على الفرح وأبقى معاك طول اليووم.
أدم:وأنا مستني لحد اليوم ده يحبيبتي.

"بااااك"
________________بقلم ليلى إسماعيل_______________

فقت من سرحاني على جملة" بارك الله لكما وبارك عليكما وجمع بينكما في خير".

بس للأسف مبتتقاليش أنا ده بتتقالها هيا وهو مبسوط والفرحة في عيونه ازاي ازاي حد يقدر ينسى حد بالسهولة دي لمجرد أن بق ملكه للدرجادي ممكن "الحب ميبقاش دايم".
نادالي وقالي يلا نروح ركبت معاهم العربية هيا قاعدة جمبه(في المكان اللي كان المفروض مكاني)وأنا قاعدة وره ببص عليهم بكل حزن وحاسه كأن قلبي بيخرج من بين ضلوعي.
وصلنا وطلع هو وهياا شقتهم وأنا داخلة شقتي قفلت الباب ودخلت جرى على أودتي أعيط وأصرخ بكل اللي جوايا بس بعدها هديت وقمت أتوضيت وقعدت أصلي وقعدت أدعي ربنا أني أرتاح أو الاقي حل انو يطلقني وأبعد عنه لأن مش هستحمل كده خلصت صلاه.
-لبست وخرجت عاوزه أشم هواا قلت أما أروح أقعد على البحر شويه وكده كده هو مش هيعرف أني نزلت.
"نزلت وانا ماشية"
.......:متحاسبي يا أنسة ماشية بسرعة كده لي.
ليل بإنفعال:أنا اللي ماشية بسرعة ولا حضرتك اللي ماشي ومش شايف ادامك.
.......:حضرتك متنرفزه عليه لي دلوقتي أنتي اللي ماشية بسرعة وشايفة أن مفيش غيرك ماشي يعني ولا اي.
ليل:غلطان وبجح كمان يا رب ارحمنا من الأشكال دي.
..... :أنا بجح يا آنسه وبعدين في آنسه محترمه تمشي في الوقت ده بالليل.
ليل:أنا محترمة غصبن عنك أنت اللي قليل الأدب أنا ماشية ايداا الواحد ناقص يعني.
رحت قعدت على البحر وأنا متنرفزة جدًا من الموقف ده.
قعدت حوالي ساعة كده وأنا ماشية مروحة سمعت حد قاعد قريب مني كده وبيعيط جااامد الصراحة مقدرتش استحمل حد بيعيط كده ومحاولش أخفف عنه مع إن أنا اللي محتاجة حد يخفف عني بس قلت لازم أحاول.
قربت منه سمعته بيقول لي كده يا رب كده أحبها وتسبني عشان تروح لغيري فين كلامها لما كانت بتقول مقدرش اعيش من غيرك وقعد يقول كلام كتير لدرجة خلاني أنا أعيط بس هو لاحظ إن في حد سمعه فلقته بيقرب كده فقلت له آسفه والله سمعتك غصبن عني
مشي ومردش عليه مشيت وراه.
ليل:يفندم يفندم والله سمعتك غصبن عني وكنت عاوزه أخفف عنك يفندم أقف مش قادرة أمشي أكتر من كده أنا آسفه والله.
لقيته لف وشه ولسه رايح يكلم.
لقتني قلتله ايداا هو أنت الأستاذ قليل الأدب اللي كان خبطني🙂.
.... :أنا برده اللي قليل الأدب الوقتي.
ليل:طب خلاص أنسى الموضوع ده الوقتي أنا مكرره أخفف عنك مالك بق يا أستاذ ولا استني الأول هو حضرتك اسمك إي.
...... :اي يبنتي تخففي عني دي أنا مفيش حاجة ثانيًا بقي اسمي أسر وبعدين أنتي مالك أنا كنت بعيط لي وتخففي عني إي يبنتي أنتي هبلة.
ليل:أنا غلطانة أني أعتذرت لواحد زيك أصلًا.
آسر:واحد زي تمم مش هرد عليكي اما ماشي اصلا فكك مني.
ليل:ايداا ده مشي بس أنا غلطانة أصلا أني اعتذرتله أما الحق اروح بقي عشان أشوف حل في مصايبي بدل منا عاوزه أحل مصايب الناس.

#يتبع.