🔥روايات نوزا الاماني🔥
*الحلقه1*
#بدوي
مهرة:الحقني يامرعي بووي حرارته زادت ارتفعت😭
مرعي:جا يجري٠٠٠حولي ترا نشوفه😳بنمشي نجيب دكتور ونجي
قبل كل شي نعرفكم بالشخصيتين هادو*
*مرعي: ولد بدوي تربى وعاش مع البدو عمره26 وسيم وجميل جدآ لدرجه اي حد من مدينه يشوفه يستغرب الجمال هدا كيف بدوي ٠طويل شعره اسود قاري لعند لعدادي وقعد يخدم في لفلاحه والرعايه زي باقي اهل منطقته
*مهرة: اخت مرعي الوحيده عمرها22 بنت جميله😍بطوطه كربوجه شعرها اسود وطوييل وعندها غمازات
وحتى هيا مش مكمله قرايتها بس تحب تتعلم وخاطرها تكمل دراستها بس الوضع اللي عايشين فيه مايلايمش لازم يمشو للمدينه باش يكملو بس المدينه بعيده عليهم وتبي سيارة وهما ماعندهمش سياره وتساعد في خوها في لفلاحه والرعايه وامهم توفت من لما جابتها💔
بنوضح اشياء بسيطه عنهم باش تقدرو تتخايلوهم*
حياة بدويه يعني حياة متواضعه او ادنى من التواضع شبيهة بالقرى والريف الكل يخدم ف المزارع والسعي واكلهم وقوت يومهم من الخدمه هدي يسكنو في بيوت اشبه بالخيم مش الخيم المفتوحه تقدرو تقولو خيم متطوره مبنية بالخشب من داخل كلها نجع والوان حلوة لبسهم الاولاد عربيات وغترا او شماغ والبنات عبايات اوقفطان زي الاردنيات او الفلسطينيات
مرعي:هيا تفضل خش يادكتور
بو مرعي:متسطح في فراشه ع الارض ومش واعي بشي
الدكتور:حالته زادت خطورة عن امس لازم يكون في مستشفى تحت العنايه الفائقه
مهرة:😢😭💔
مرعي: والله مش عارف كيف نرفعه للمدينه
كان مرعي معنداش خبره في المدينه خايف يرفع بوه ومايعرفش كيف يتعامل ويتصرف غادي
مهرة:امشي كلم فرج يجي يرفعه
مرعي: اي والله صدقتي فرج عنده سياره ومابيقصرش معانا
مرعى مشى لفرج خطيب مهرة و ولد عمهم في نفس الوقت باش يرفع بوهم للمستشفي في لمدينه لانهم منطقتهم مافيهاش لا مصحات ولا عيادات لا شي عندهم دكتور واحد يعاين فيهم معاينه بسيطه وداير صيدليه صغير في حوشه
مرعي:سامحني يافرج جاي نبيك ترفع بوي للمدينه لان حالته زادت سائت والدكتور قال لازم ترفعو في اسرع وقت😓
فرج:ولا يهمك هدا عمي كان ماوقفتله منو بيوقفلك اسبقني انسخن السيارة ونجيك
مرعي:بارك الله فيك ٠٠٠ومشى
اهل المنطقه معندهمش هواتف الا الناس الكبيره زي الدكتور والعميد وهكي فكان اي حد يبي شي من حد لازم يمشيله وجه لوجه لان معنداش كيف يكلمه واللي مساعدهم في التواصل ان منطقتهم صغيره واحياشهم او خيمهم اقراب من بعض٠٠٠صح ماهمش في العصر القديم لكن تعودو على عيشة البدو ومشو على العادات والقاليد
المهم جو عمام فرج لبوهم اللي مريض على فراش الموت ومرعي يستنى في فرج خطيب اخته اللي تأخر لان سيارته ماتنفعش غير الله غالب💔
مهرة:وين فرج تأخر امشيله يامرعي
مرعي:تي انا كيف جيت منه قال بيسخن سيارته ويجي
عمهم مخلوف: بوكم بتكلم ومش قاد
مهرة:ها يابوي قوللي شن تبي😢
بوهم:يتكلم بصعوبه٠٠٠سامحوني ياولادي بنخبركم حاجه😴انا كنت متزوج مرة تانيه وجابت مني اولاد في اعماركم هادم خوتكم دورو عليهم في المدينه وعيشو معاهم ف البيت لانه بأسمي😴برو لجارنا مفتاح ويخبركم عن مكانهم😴
مرعي&مهرة:ككككيف😳😳
مرعي:تعصب من كلام بوه٠٠٠تي كيف يابوي وعمرك ما قلتلنا عليهم
مهرة:اهدى يامرعي مش وقته لكلام هدا شوف حالت بوك
بوهم:يتكلم بصعوبه٠٠٠سامحوني ياولادي😴
مهرة:مسامحينك يابوي ماتشغلش بالك
مرعي:طلع وهوا معصب وقف برا يستنى في فرج
بوهم:اش هد ان لااله الا الله😴واشهد ان محمد رسول الله😴💔
فرج:انا جيت وين بوك يامرعي
مهرة:بوووووووي لاااا😭😭
مرعي&فرج:سمعو صوت مهره وهيا تعيط خشو يجرو
عمهم مخلوف وعمهم ضاوي: غطو خوهم اللي مات ووقف يعزو في مرعي
مرعي:لا أله الا الله سامحني يابوي سامحني💔
مهرة:يابووو لمنو خليتنا😭حتى امي مشت قبل مانشوفها وانت توا مشييييت😭
مرعي:ضم اخته وقعد يهدي فيها٠٠٠استغفري ربك يامهره الله غالب ٠٠ويبكي ومايبيش يبنلها
عمامهم وفرج ومرعي:حطو بوه في سيارة فرج المفتوحه ورفعوه للمقبرة
اما مهرة التمو عليها بنات عمامها واهل المنطقه جو يعزو فيا وهي مش صابرة بكل حست بالوحده بعد مابوها وامها توفو💔
