#صِراع_توأم_بقلم_ياسمين_الشام
نزلت الجزء الاول والثاني
#المقدمة…
لما يكون عندك توأم بتشبهك بأدق التفاصيل بس بنفس الوقت بتتناقض مع شخصيتك تمامًا
… كل وحدة بتختار تمشي بطريق مختلف عن التانية وكل وحدة منهم بتواجه مشكلة كبيرة بدون ماتعرف التانية
وشو راح يصير لما وحدة منهم تقرر تعمل شي تقلب كل الموازين وتشتغل مع اكبر شبكة مافيا بالبلد لحتى تتخلص من حياة الفقر؟!
اخت بتضحي بأختها وبتستغل الشبه بينهم لما بتحس بالخطر لحتى تنفد حالها من العصابة الكبيرة وكمان لتحصل على الشب الغني اللي بحب أختها بس مابتعرف انو هي كمان بيستناها مصيبة اكبر!!
لما جنيرال كبير بالأمن يقرر يتابع القضية بنفسه بس بتوقع بين ايديه البنت الغلط ليحاسبها على شي ماعملتو كيف رح تقدر تقنع الكل انها بريئة
شو رح يكون مصير الأخت اللي بين يوم وليلة صارت ضحية لأعمال اختها رح تنجو ولا لأ؟!
وشو مصير الأخت التانية لما تسرق حياة أختها وتسرق حبيبها ياترا رح تنجح بهالشي؟ وشو هي المشكلة اللي رح تواجهها بعد ماطعنت بضهر توأمها لتنقذ حالها؟
ياترا بالنهاية الحق رح ينتصر او لأ؟!!
#الجزء_الأول
كلنا بنعرف انه التوأم بكونوا روح وحدة ومتعلقين ببعضهم كتير وبحسوا بوجع بعض خاصاً اذا كانوا توأم حقيقي
بس انا قصتي مع توأمي مختلفة كتير
اسمي ميرا وعندي اخت توأم اسمها ميرنا بنشبه بعض بكل التفاصيل لدرجة كبيرة نفس الطول والشعر والعيون والصوت حتى اهالينا اوقات ما كانوا بيقدروا يفرقوا بيننا بالرغم من انه شخصياتنا كانت مختلفة تماماً ولا كننا توأم مثالي متل باقي التوائم بالعكس كننا نتخانق على اتفه سبب ويصير معنا مشاكل بالجامعة بسبب الشبه الكبير اللي بيننا بالأخير ماما اقترحت انه وحدة مننا تغير لون شعرها لحتى يقدروا يميزوا بيننا
وميرنا اقترحت انها تصبغ للأحمر وانا ضليت بشعري الأسود الطويل وهيك الكل صار يعرف مين فينا ميرا ومين ميرنا بس ماكننا بنعرف انو هالقرار رح يكون سبب دمار حياتي بيوم من الأيام واني رح ادفع ثمن اخطاء ما ارتكبتها؟!!
ميرا: يلا ميرنا صرلي ساعة عم استناكي اتأخرنا عالجامعة
ميرنا: وهي بتحط مساحيق التجميل على وجهها: اوف منك ميرا اتأخرليلك شوي عالمحاضرة شو رح يصير يعني
ميرا: عم استناكي برا، اخدت غراضي وطلعت عالمطبخ كانت ماما عم تلف سندويشة لأخي مراد ; صباحو
ماما ومراد: صباح النور
جميلة: بنتي قعدي افطري لبين ماتخلص اختك
ميرا: لا امي اتأخرنا كتير بسبب بنتك رح تروح علي المحاضرة صحيح ماما وينو بابا
جميلة: طلع عالكافي من بكير (بابا عنده كافي شوب عم يشتغل فيها ويصرف عالبيت وعلينا بيتنا صغير و وضعنا المادي ع قدنا و الحمدالله)
مراد: ميرنا ساعديني بحل الواجب هاد ماعم افهمو مشان امتحان بكرا
ميرا: مسكت ادانيه انا ميرا يادب مو ميرنا ايمتى بدك تصير تفرق بيناتنا
مراد: اااخ وجعتيني اي شو بعرفني انتوا كتير بتشبهوا بعض ماشاءالله ماما عاملة نسخ ولصق 😂
جميلة: اخراس ولاك خلي راسك بصحنك قليل ادب
ميرا: 😂🤣 بتستاهل
ميرنا: صباحو… يلا ميرا عم استناكي برا
ميرا: حبيبي مراد بس ارجع من الجامعة وعد اني درسك بس هلا مستعجلة كتير، باست اخوها وامها من راسهم وطلعت بعكس اختها اللي طلعت بدون ماتحكي معهم
وصلنا عالجامعة وكالعادة كل اللي بيمرق من جنبنا بيستغرب من درجة الشبه بيناتنا دخلنا عالمحاضرة و بعد ماخلصت رحت ع كافيه الجامعة انا ورفيقتي المقربة رنا وميرنا طلعت مع رفقاتها ماكانت تحب رنا لهيك مابتشاركنا قعداتنا
ميرا: اي رنوش قليلي شو الموضوع االي كنتي رح تحاكيني فيه
رنا: امممم انا وكريم خطبنا
ميرا: جدددد يا الله الف مبرووك واخيراً رح يجتمعوا عصافيرنا
رنا: هههههه عقبالك يا روحي
ميرا: لا دخيلك مرتاحة هيك لسا بكير لخلص جامعة ( وصلنا عالكافي وطلبنا قهوة )
رنا: ليكي ميرا شوفي مين عم يتطلع عليكي
ميرا: اتطلعت مكان مابتأشر رنا وشافتو اتغير ملامح وجهها للجدية : هاد كرم عم بتطلع ع كل البنات هيك مو بس علي مفكر اذا كان من عيلة غنية بيقدر يتلاعب بمشاعر الناس
رنا: بعرف هو شب سيء بس نظراتو لالك مختلفة طول القعدة وماشال عينو عنك
ميرا: دخلك شيلينا من سيوتو قومي هلا عندنا محاضرة تانية لازم نلحقها
رنا: اوف يااا اديشك مملة مابتشبعي دراسة
ميرا: اي خليكي عم تتمسخري علي متل ميرنا بدي،شوف وجوهكن وقت اترفع وانتو عم تتفرجو
رنا: ههههه دخيلو المعصب امشي قدامي الله بلاني برفيقة مثقفة بتاكل الكتب اكل ههههه
