روايه:#نصيبي✨
🔥❤واقعيه ممزوجه بالخيال❤🔥
للكاتبه:jod...alhmali🔥
الحلقه: التانيه✨
عبدالرحيم:خش للحوش....ياهناااء قهوه وتيها الراجل شوي تاني ويجي
هناء:ماشي
بسمه:ع تقرا في الشيت سمعت راجل بيجي نطت تجري لامها......من هدا الراجل ماما
هناء:مش عارفه من هو
بسمه:بالك عيسى يبي بيسان
هناء:ماهو طالعه بيسان يااااهمي
بسمه:اي حق
هناء:نوضي ديري القهوه
بسمه:حاضرر....وناضت للكجينه
شوي وسمعو عبدالرحيم
عبدالرحيم:تفل تفضل يا...........
_____________________
نزلو بيسان ووفاء وخشو مع الباب الخلفي
واما منتصر خش المربوعه
منتصر:اهليييييين بعمي عز الدين كيف الحال
عز الدين:اهلين بمنتصر اخبارك
منتصر:الحمد لله انشالله طيب
عزالدين:الحمد لله علي كل حاال
عبد الرحيم:عز الدين جااي وجايب معاه خدمه
وانت قولي شن رايك في الموضوع
منتصر:خير انشالله
عبد الرحيم:خير خير احكيله ياعز الدين
عزالدين:..............
______________________
بيسان: ماما من جي لبابا
هناء:هدا عز الدين صااحبه مش عارفه شن يبي
بيسان: اممممممم
وفاء:في خاطرها..... كييييييف مش عيسى مرات مزال شوي
بسمه:السلاام عليكم
كلهم:وعليكم السلااام
بسمه:هاا شن شريتي بيسان
بيسان:تحفه متع تلفزيووون😉😉😂😂
بسمه:نننننن بلا جو
بيسان:ههههه والله تحفه متع تلفزيون 😂😝😝
بسمه:😒😒😒😒....😂😂😂
هناء:هياااا وراي الكجينه الراجل متعشي هني
ومشت للكجيينه🍴🍴
بيسان:اهو بدي الجندي في الاوامر😂
هناء:بيساااااان سمعتك
بيسان:اعوذ بالله من الشيطان الرجيم😹😹😹
ومشو لحقو امهم في الكجينه وشوي ولحقتهم وفااء
___________________
منتصر:اي وليش لاا بوي خادي فرصه مليحه وزيااده بلاد عربيه حتكون التكلفه اقل
عبدالرحيم:ربي يجيب يلي فيه الخير
عز الدين:نفهم منك موافق ع السفره
عبد الرحيم:نتوكلو على الله وموافق
عزالدين:بعون الله غضوا نكملك الاورااق واانت تنظم امورك وتسافر
عبدالرحيم:تمام وكلمني لما تدير الاجرات
عزالدين:ع الاكيد
وكملو هدرزه ع الشغل وغيره طبعا عز الدين يكون صاحب عبد ابرحيم هلباااااا وهو جاه خبره ع السفريه هااادي باش يسافر بدال عز الدين للن عز الدين عنده ظرووف مايقدر يسافر ويقعد برا مده طويله اكتر من اسبوعين
_________________________
وفاء:بسسسسسمه يابسسسسسمه وين راحت هاادي
هناء:ماتقوليش قدام التلفزييون
بيسان:لالا في الحمام
هناء:تي باهي وينها سكنت تجي تتعشى
بيسان:ماشيتلها اني ....وناضت فجاءه لمحت فونها دار ضي ووصبتها رساله قرتها كانت من عيسى
*اليوم جايكم بعد شوي*
بيسان استغربت الرساله وقالت عادي مشت ضبحت ع بسمه ورجعو يتعشو
بيسان:ماما عيسى باعت رساله بيجي اليوم
هناء:مرحبتين بيه
وفاء: في خاطرها ...ووووه صار يلي نبيه...غريبه شن يبي في هالوقت عيسى
بيسان:الله اعلم شن يبي
