ربماَ بعضُ الوقتِ فقط ، بضع أيام و سنجد بين قلبانا الوئام .. أليس كذلك أيتها التوأمتان ؟
-الرواية باللهجة الجزائرية-
------------------------------------------------------
04:00 PM
الجزائرِ
فوقٰ هذاك الجسرٰ الخالي من العباد ، كانت واقفة هي و العروقٰ كالشلال فوق وجهها ، يديها شادين في هذاك الحديد بقوة تخزر في هذاك السلاح الموجه ليها و شعرها البني يضرب بوجهها من الريح
"Game over, boss"
و خرجتٰ ثلاثة رصاصات من سلاح هذاك الراجل الواقف قدامها ببرود ، وجه ملثم .. لبستو كحلة
إخترقت الرصاصات جسمها اللي كانت تفاصيلو بوحدها تطيح جيش من الرجال .. ولا كيما كانت تقول هي "أشباه الرجال"
توالت للور بالعياط ، طلقت هذاك الحديد و كان كلشي ظلام بين عينيها بعد ماطاحت في ذاك البحر اللي يرفد همومها .. هموم -عشق-
في مكان آخر
كنت راقدةٰ ونحلم في يما وبابا لي رباوني وانا ماشي بنتهم
لحتا وين حسيت بنغزة كبييرة في قلبي كأنه واحد يزير فيه
فطنت وانا مخلوعة ونستغفر شربت شويا ماء وعقلي مستوعبش واش صرا نضت للكوزينة جبدت ماكلة لأنو الماكلة هي الشيئ الوحيد اللي يقدر يحسن مزاجي في هذا الكون
جبدت كوكا ونوتيلا وشيبس شعلت لاطيلي نتفرج في امان الله لحتا وين حكمني لهبال
ايه جاري الحيوان باينة جاب كاش عقربة معاه لدار لاا وحاط لغنا
تحسب ساكن في حومة تع باباه خرجت من داري وانا نسب ونعاير رحت طبطبت محلش حرقت لاسونات والله مابغا يحل
قلتله بالعياط "نتا لي بغيتيها يا جاري العزيز الى ماكرهتكش في دارك مانتسماش ديانا"
ماشيا ونغني "الليلة تخلا يجيني الهم من النخلة"رحت مان قابس الضوء (نتاع دارو كاملا) كانو برا الدار بحكم اذا جاو الخدامين فليل يخدموه ويروحو رحت جبت قرعة ماء وكبيتها فوقو ونهدر بصوت راجل" هادي اللولة واللخرة لي تجيب بنات لهنا فهمتي؟"
ونسمع فيه يعيط "اااه واش صراا واش راهو صاري اه سمحلي والله ياعمي مازدت جبت وحدا"
تبسمت ابتسامة انتصار ورحت ننعس في نعيمي
" ايه انا ديانا 26 سنة بيضة متوسطة الطول ما رقيقة ما سمينة عينيا كبار وكحل وشفاري طوال وشعري لمنتصف الظهر وكحل تبناوني واحد ناس وكانو نعم الام والاب الحمد لله ولكن قدر الله وماشاء فعل ربي يرحمهم ماتو اكسيدون منعرفش والديا الحقيقيين نخدم مصممة ديكور"
------------------------------------------------------
السلام و عليكم 😻💞
واش حوالكم ؟ هذي كرو جديدة ، فكرة خارجة عن المألوف و بيان سور حماسية لآخر حدود
أولا واش رايكم بالتمهيد الصغير تاعنا ؟
ثانيا .. طريقة السرد واش رايكم ؟
واش تتوقعوها هذيك المرأة اللي طاحت من جسر ؟
ديانا ؟ شخصيتها ؟
باي باي .. 💞
فوت + كومنت
أنت تقرأ
الرئيسة-The President
Action"من هي الرئيسة ؟ و من هي الفريسة ....من هو الصياد ؟ و من هو الجلاد؟ هل يحب النساء؟ ام انه صلب عصبي لا يبالي بالنزوات" أتظنُ أنهمُ من يقودون البلاد ؟ ..بل هي ، إنّها تستطيع الإستحواذ على العقول قبل البلدان ، تحرقُ المكان ، بلا دخان .. تُذيب الرص...
