بعد يوم تافه ومافيهش الجديد.....
-فطنت البطلة ديالنا مارست روتينها بنشاط وحيوية دارت مايكاب ديالها اليومي وفجأة وصلها ميساج... مكتوب فيه:
"ثلاث ضيوف يأتون بلا موعد مسبق: الحب-الحظ-والموت....وثالثهم أثبثهم"
حست ديانا بشوية خوف من بعد قالت: انا ماعندي حتا اعداء ولا لي يكرهوني بلاك واحد غلط وبعتو ليا...(لم تعلم انها سوف تسقط في وادي لا نهاية له)
••••••••••••••••••••••••••••••••••••••••••••••••••
لبست قشها وراحت لخدمتها فلوطو ديالها....
بعد لحظات..
وصلت لقات فوق البيرو ديالها التصاميم لي ختارهم موسيو رعد لبارح......"ايه والله عندو الذوق مي العقلية كي شغل تبرات منو"
في جهة أخرى...
الرئيس:ايه كاش جديد؟
شخص1:سيدي لقيناها تخدم في شركة للديكور....
الرئيس:(بالعياط) كيفاه هادي في يومين بدات تخدم!
شخص1:سيدي والله معلابالي حتا انا مفهمتش كيفاه!!
الرئيس:بلاك غلطتيو فيها اتأكد وجيبلي الدليل
شخص1:اوكي Boss
على بعد كيلومترات....
رعد:اووف اخرجي من دمااغي!..... يا ربي واش درت ياخاه محبتش تخرج....جاتو عاهرة تتمختر بمشيتها ولبستها مامغطيا والو المكشوف كتر من المستور...
حضنتو وقالت:حبيبي توحشتك...
عباها ودخلها للبيت كدب قلبو وقال درك تخرج من بالي
وهو معمبالوش بلي ربي راهو يشوف فيه وفي المحرمات لي يدير...........
••••••••••••••••••••••••••••••••••••••••••••••••••
عند ديانا......
-اوووه وأخيرا فضينا الخدمة...
سوسن:مع تيليفون وتضحك (هههههههه)
ديانا:واشبيك اييي اوووو بسسسسس
خرية 🙂
سوسن:ختك لخريا..
ديانا:ااااه خرية سمعتيها ومن الحرب العالمية الثانية وانا نهدر معاك
سوسن:ويي ههههههه كنت نقرا في نكت
ديانا:ضحكيني تشو
سوسن:قالك واحد يغسل في طوموبيل تاعه شافه جاره قاله: واش! راك تغسل فيها؟ قاله لالا راني نسقي فيها باش تولي كار😒
ديانا:😒يوهوهوهوهوهو اصبر نوض مالارض هوهوهوهو اصبري نبدل الضحكة هاهاهاهاها لالا هادي ماعجبتنيش هيهيهيهيهي اه هادي مليحة😒
سوسن:يوووه تافهة اسمعي هادي ..قالك خطرة واحد فتح فايسبوك شاف صاحبها اونلين قاله:حبيت تسقسيك عندك التريسيتي؟ قاله:لالا راني نكونيكتي من الشمعة
ديانا:على الاقل اللولة ضحك شويا اما هادي بزيت الزيتون وماتتبلعش كي شغل حابسة في هبطا اك فاهم
سوسن:اطربينا سيدتي
ديانا: قالك وحدا ركبت في الطاكسي قالها الطاكسيور:وين رايحة؟
قاتلو:راجلي وماقتلوش تحب نتا نقولك؟ ههههههههه
سوسن:ههههههه قتلتني هادي
ديانا:هيا انا رايحا لدار ارواحي تباتي معايا بلييييز
سوسن:(قد ديانا فالعمر شعرها بني سمرا عينيها كحل وطويلة قاسية مع الناس وتحب ديانا بزاااف بالمختصر نصفها الثاني لي يجرح ديانا تمحيه من الكرة الأرضية )
سوسن👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سوسن:اوكيي حبيبتي هيا
ديانا:(بحماس) ياااااس
بعد دقائق....
هوما طالعين فالدروج ويسمعوا لغنا وضحك بنات!
ديانا ابتسمت ابتسامة شيطانية ودارت لسوسن لقاتها فهمتها وغمزتها..
دخلو للدار
ديانا:انا نروح نبدل وحتى نتي روحي بدلي وكي تفضي ارواحي نديرو خطة
سوسن:اعشق الخطط
بعد ما دارت الروتين المسائي...
لقات سوسن تستنا فيها
-شوفي نديرو هكدا....
سوسن:هوهوهوهوهو ليوم تخلا
بعد لحظات..
ديانا:ليوم ماتفراش اليوم الموس فالرقبة اليوم الدم لركبة اليوم ت..
سوسن:دودو حبي هيا راني يبست وانا نستنا فيك تفضي المقدمة
ديانا:ههههه اوكي تحمست سوريي
جابت سوسن بيدون ماء وكبتو حدا الباب تع حمزة(جارها الحيوان) وحاولت تدخلو الماء داخل الدار
اما ديانا حكمت موس وخربشتلو الباب تاع الدار وكتبت #غاضب
سوسن راحت لسقتلو لاسونات باللسقة
ديانا سرقتلو لومبة ديالو:اييه والله تاع طوالات تحرقتلي هيهيهيهيهي
منبعد هبطة وكالعادة لقيت ولاد الحومة الحمان والصياش قتلهم تحسب راهم في باب جهنم
عيطت عليهم جاو كاملين
"شكون فيكم ميحبش حمزة صوصيال؟"
"انا انا انا" "انا" "نكرهوو منحبووش" "يغزل" "والله مانحملو"
"الووغ بما انو انا لطيفة جدا واحب عمل الخير قررت نتطوع ونقولكم بلي طاقة تع حمزة هيا الشبكة ديالكم الجديدة ديرو مسابقة ولي يدخل حجر كتر لنص الدار هوا البوس ديالكم هيهيهيهيهي واهم حاجة كسرو الكارو هبلووه وخودو تاركم منو... 1 2 3 هجووووم "
طلعت لدارها وهيا فرحانة ومنتصرة وصلت حدا الباب ديالو لقات طابي tapis حدا الباب "خسارة اللومبة تبقا وحدها في طوالاط تاعي الوغ حتا نتي نديك معاها حوووبااي"
طبطبتلو فلباب باقصى قوة عندها ودخلت لدار
دخلت لقات سوسو تتفرج وتاكل فالفوشار وشيبس وعينيها مزالو مع لاطيلي
سوسن:لقيت عندو مزهرية حدا الباب الوغ ديتهولو وحطيتو فالكوزينة
ديانا:اووه عملتي مليح والله كان خاصني نروح نركب اللومبة ونحط طابي ونجي
بعد ما كلاو وتفرجو قررو يروحو ينعسو...
ديانا:هيا بون نوي سوسو
سوسن:بون نوي دودو
راحت نعست لانو غدوا تبدا خدمتها في دار رعد وتجي معاه ختو ويكون عندها خدمة بزااف لازم ترتاح
❤️❤️❤️❤️❤️❤️❤️❤️❤️❤️❤️❤️❤️❤️❤️
المهم ارنوباتي🐰🐰هدا هوا بارت ليوم عمبالي قصييير ولكن عندنا ظروف والبارت الجاي تكون محمسة جدااا❤️
مقتطفات البارت الجاي:
ديانا: واش راهو صاري...
رعد:دياناا اليين هبطو ريووسكم رصااص
شخص1: اوكي بوص النهاية ليوم
رعد:شكوون هادوو شوفيي الموطواات
ديانا:رعد شوف قدامك😧😧
ديانا:قرييب نعرف شكون هادو
أنت تقرأ
الرئيسة-The President
Action"من هي الرئيسة ؟ و من هي الفريسة ....من هو الصياد ؟ و من هو الجلاد؟ هل يحب النساء؟ ام انه صلب عصبي لا يبالي بالنزوات" أتظنُ أنهمُ من يقودون البلاد ؟ ..بل هي ، إنّها تستطيع الإستحواذ على العقول قبل البلدان ، تحرقُ المكان ، بلا دخان .. تُذيب الرص...
