السلام عليكم غوالي🌹
قصة بقايا انسان🌹 البارت الخامس
رحمن : ثاني يوم الصباحيه مالتي كعت باوعت بصفي فاطمه
اوف هم زين خلصت مو زواجه جر وعر ........
فاطمه : كعدت من النوم يابه يمكن صارت سبعة واحنه بعدنه نايمين
البارحه رحمن طلع انطاهم النيشان ورجع فرحان ويضحك
بس اني متت من الخجل من سمعت ريسان ميت ضحك يكلة عبالي مدبرها
يااااا هذا شمدري صخاممممممم
نور : ثالث يوم من عرس رحمن اجه اخو فاطمه بس شكلة ميبشر بخير ويلمح يعني اجه دوري
رحمن : اجه هذا اخواها الجنه صخلة تطلك
ميعع ما ميععع شكد معمع
وسطرني والله كتلة يابه تعالو العصر اقرو الفاتحه حتى عكب باجر الزفه
ايه : العصر اجوي قرو فاتحه وبيني وبين الزواج يوم واحد يعني صدك ايتام وحياتنه بيدهم
رحمن مكيف بعرسه الصار بسرعه اطلاق النار
وخلص .....
بس المشكلة لازم اني هم يصير عرسي نفس عرسه لان صرنه تبادل
سالفة التبادل انطيني اختك واخذ اختي تزعل اختك تزعل اختي تطلك اختك تطلك اختي
البنات ساعدوني وحتى فاطمه خوش بنيه حبابه وساعدتني وحتى فهمتني شسوي ومااخاف
صار يوم الحنه بس الي ماعندها ام لو كل العالم تجي بهل يوم لازم تحس بفراغ بكد الدنيا واهلها
البنات حنوني وكرايبنه كولهم اجوي وبنات خالاتي وبنات عمتي
بس هل مرة من داهمون عمامي ملحكنه نعقد مثل ما سوة رحمن
بالحنه اجوي الصبح وتعاركو ورحمن
فهمهم انو السالفة تبادل
ومالهم حق يعترضون
بس الضحك مو هنا الضحك راح ياخذون مريم ونور لولد عمي وهل شي غصب مو من حق احد يعترض
هه مو بشر عبالك دجاج كلها تاجرو بينه رحمن من ضمن الي تاجرو لان اني لو معترضه مراح يقتنع
المراة بوقتنه سلعة بايع وشاري مالها حق تعترض
كل هل تفكير باليل بأخر ليلة اليه بيت ابويه
ونور ومريم راح يلحكوني وراح يفرغ بيت ابويه
مريم : طبيت اني ونور على ايه لكيناها تبجي جريت نور ....امشي نور
نور : يمعودة خلي نشوف شبيها؟
طلعتها لكيت رحمن بالغرفة مالته كتلة اطب خويه
كال تعاي يبعد اخوج
كتلة رحمن ايه تبجي يخوي ولو راح تزوج غصب راح تصير الخطيه بركبتك
جان ردة الي ضربني راشدي
وكال : لتصيرن زلم بروسنه جا شتريدن ؟ اديحن وتعنسن على كلوبنه وانتن بنات وكبرتن
أنت تقرأ
بقايا انسان
General Fictionرجل في السبعينيات يروي حكايته في كل ماحصل له من بدايات جده للان
