الفتاة المعنفة طبعا القصة خيالية وليس حقيقية😉
هلاااوو اني اسمي ماريا عمري 18 سنه عايشة بغداد طبعا اني اتمنى ارجع للدراستي بس اهلي ما قبلو اني بطلت من صف ثالث متوسط اني عندي 3 اخوان واحد اسمه علي عمرة 17ما مكمل دراسه و مامزوج هو وثاني اسمه حسن عمرة 24 سنه مزوج و عندة ثنين ولد واحد اسمه احمد وثاني اسمه عباس و مرته اسمها رهف واخوي ثالث اسمه كرار عمرة 26 هم مزوج و عندة بنيه وحدة كيوت اسمها مرام و مرته اسمها نور طبعا بابا يشتغل محل مال ملابس وماما ربة بيت واني اساعد ماما
ام ماريا : يلا ماريا كعدي تعاي ساعديني بلغدة
ماريا : أي ماما كعدت رحت غسلت وجهي و نزلت ساعدت ماما
علي : ها ولج ماريا ليش متأخر بلنوم
ماريا : اخويه والله مامتاخرة بلنوم اصلا بارحه نمت ب2 بليل مكدرت انام
علي : ديلا لا تترادديني ساعدي امي بدون حجي زايد
ماريا : اوك
ام ماريا : ماريا اليوم العصر نروح للسوك نشتري اغراض ونرجع أوك
ماريا : أوك ماما
علي : بس مو تتاخرن
ماريا : شلسالفه علي ماراح نتأخر بس نشتري اغراض و نرجع بسرعه
ام ماريا : لا ابني ماراح نتأخر
اجه بابا تغدينه و كملنه و رحت اسبح و بدلت بنطرون كابوي و قميص طويل ولبست حجاب طبعا اني محجبة لان بابا حجبني من عمري 9 سنوات واني ماردت هلشي بس شسوي المهم كملت و خلصت و ماما صاحتلي
ام ماريا : يلا ماريا خلصتي
ماريا أي ماما خلصت
علي : هاي شلابسه ماريا👿
ماريا شنو علي شلابسة قابل
علي : روحي غيري ملابسج شنو هاي مو عيب طلعين هيج لبسيلج عبايه جبة أي شي بس مو طلعين هيج
ماريا شلسالفه علي قابل ما لابسه شي عيب و بعدين اني ملابسي مستورة ما اغيرهن
علي : اذا ما راحتي غيرتيهن ماكو طلعه
ام ماريا : ماريا سمعي كلام اخوج صدك شنو طالعه هيج
ماريا بس ماما اني ملابسي مستورة مابيها شي
علي لعد اذا هيج ماكو طلعه
ماريا : وانت شنو الك علاقه بيه اصلا انت ازغر مني و تتحكم بيه شعليك
علي : أي مو اني اخوج صغير و سندج وادافع عليج هسة شنو هاي طالعه هيج الولد يشوفونج
ماريا : واني شدخلني بلولد شعلية بيهم و بعدين تعال اكلك انت عل أي أساس تتحكم بيه كيفي اني هاي ملابسي مستور
علي : انجبي و ترحين تغيرين ملابسج غصبن عليج لو ماكو طلعه😡
ماريا : كيفي ما اغير
أبو ماريا : لج اسمعي كلام اخوج لا هسة اجي اموتج👿
ماريا بس بابا اني هاذ لبسي
علي : لا بعد ماكو هيج لبس ترحين تغيرينه تلبسين أو جبه أو عبايه يلا
ماريا : أوك رحت لبست تنورة سودة و قميص بنفسجي طويل و نزلت
يلا ماما امشي
علي : ليش ملبستي جبه أو عبايه
ماريا : لا بعد البس بوشيه😕
علي : بعد احسن والله
ماريا : تحلم البس عبايه أو بوشيه
ام ماريا يلا ماريا تاخرنه
ماريا أي ماما يلا امشي
رحنه للسوك شترينه هواااي اغراض و صارت علينه مغرب و رجعنه للبيت
علي : اشو تاخرتو
ام ماريا لا ابني ما تاخرنه بس جبنه هواي غراض
علي أوك
ماريا : ديلا ماما اني راح اصعد فوك ابدل و إنزل اسوي عشة
ام ماريا: أوك
ماريا : رحت بدلت و نزلت سويت عشة و اجه بابا تعشينه كملنه رحت غسلت ماعين
و رحت للغرفتي تعبااانه ذبيت روحي على جربايه و غفيت فد ساعه كعدت الساعه ب9 بليل لكيت موبايلي 5 مكالمات من صديقتي فرح طبعا نسيت اعرفكم على صديقتي فرح
هلااووو اني اسمي فرح عمري 17 صديقت ماريا اني وياها جنه بلمتوسطه بس من بطلت ماريا من دراسه اني كولش انقهرت عليها لان اهلها ما خلوها تكمل دراستها واني هسة اهلي حمدالله يخلوني أكمل دراستي طبعا اني هسة بمرحله سادس علمي دادرس هواي علمود اتخرج وافرح اهلي واني مو محجبة اهلي منطيني حريه و جنت كولش مشتاقه ماريا وخابرتها 5 مكالمات ما ترد بس كلت يجوز مشغوله نرجع لماريا
ماريا : لكيت 5 مكالمات من صديقتي فرح و خابرتها
هلاوو فرح شلونج
فرح : هلاوات يعمري اني تمام انتي شلونج
ماريا : اني هم تمام حبي اشو 5 مكالمات شنو صاير شي
فرح : لا حبي مصاير شي بس كلت خن اسلم عليج مشتاقتلج
ماريا : اني هم مشتاقتلج بس جنت مشغوله العصر رحت للسوك اني و ماما شترينه كومات اغراض و سويت عشة و تعشينه و دبيت روحي على جربايه غفيت
فرح : اهاا أوك حبي الله يساعدج
ماريا : تسلمين حبي أي والله اليوم كولش تعبت
سولفنه لحد الساعه 12 و نص طبعا هي صديقتي المقربه و عزيزة عليه
اترخصت من فرح لان سولفنه هواي فرحت نمت كعدت الصبح ساعه ب9 ضبط كعدت سويت ريوك لبابا و ماما و اخوي علي و تريكنه كملنه ريوك غسلت ماعين و كعدت على تلفون راسلت صديقتي فرح كتلها هلاوو عمري
فرح : هلاوات حبي تمام انتي شلونج
ماريا اني تمام شلونها دراستج اليوم عندج عطله مو
فرح : أي اليوم عندي عطله الحمدلله زينه دراستي
ماريا ينيالج تكملين دراستج والله اتمنى ارجع للدراستي
فرح : أي والله الدراسه مستقبل بس شنسوي غير اهالينه
ماريا : لا مو كل اهالينه هيج بالعكس انتي اهلج ميتحكمون بيج و يهتمون بيج و خاصة اخوانج اني هسة اخوي أصغر مني يتحكم بيه
فرح : اووف يعمري بعدهم اخوانج يتحكمون بيج 😔
ماريا : أي والله بعدهم و خاصه اخوي حسن بابا مخلي يتحكم بيه و كوة اطلع من باب حوش
فرح : الله يصبرج باخوانج😉
ماريا أي والله الله يصبرني من شرهم
فرح بعد شنسوي حبيبتي غير مجتمعنه هيج اهالينه يتحكمون بينه اني زين من الله اخواني ميتحكمون بيه واخلي زينين وياي
ماريا : أي انتي اخوانج ميتحكمون بس اخواني شسوي على كولتج مجتمعنه هيج
ضلينه نسولف لحد الساعه 11 ونص كمت سويت غدة تغدينه خلصنه غدة رحت نضفت البيت و بعدين رحت صعدت فوك نضفت غرفتي و رتبتها اني من طبعي احب ارتب واعطر كملت ترتيب و تمضيف دبيت روحي بلجربايه لان كوولش تعبت نمت لحد العصر ساعه ب4 و ربع سمعت دكت الباب نزلت فتحت الباب لكيت اخوي كرار هو و بته و مرته نور سلمت عليهم ورحبت بيهم و ضيفتهم طبعا اخوي كرار ميتحكم بيه لان ما يحب يدخل و هو اعز اخو بس حسن و علي كولش متحكمين بيه من نوع يشدون علية بشي وبابا يدافعلهم وماما هم كذالك المهم كرار بقى عدنه للعشة و راحو الساعه ب8 بليل و بقيت اغسل ماعين و صعدت فوك خابرت صديقتي فرح
هلاوو فروح شلونج
فرح هلاوات ماري انتي شلونج شخبارج
ماريا تمام شلون دراستج
فرح الحمدلله دراستي باجر عندي امتحان رياضيات صعب
ماري : شدي حيلج و درسي عدل لان محد يفيدج غير دراستج و بس
فرح أي هو اني درست من صبح الهسة
ماريا : أي عفية هسة اني رايحه اخذي راحتج و درسي عدل مثل ما كتلج شدي حيلج بدراسة
وانشالله تنجحين واشوفج خريجه مو مثلي اني فكر😞
فرح : هههه انشالله حبي ترجعين للدراستج😉
ماريا : هههههه الله يسمع منج😅
فرح أوك حبي جااو اني هسة راح ادرس
ماريا أوك حبيبتي اخذي راحتج
فرح بااي 😘
ماريا : بايات❤️
سولفنه و خلصنه صارت الساعه ب11 و نص بليل رحت نمت
لهنا ينتهي البارت😘 طبعا اني اول مرة انشر قصة و راح استمر بنشر اذا تتفاعلون القصة و لا تنسون التصويت لخاطر تعبي وانشالله اشوفكم ببارت الثاني جاااو😘😉
