جميلة:مش معقول وحشتني ياجو فينك من زمان وحشتني أوي يايوسف
يوسف بحب:أنتي أكتر يانور عيني
محمد بعصبية:مين دا ياهانم مش تعرفيني
يوسف:أنت اللي مين يا أستاذ مين دا ياجميلة
جميلة بابتسامة:أعرفك يا محمد دا يوسف أخويا ودا محمد خطيبي يايوسف
محمد بصدمة:أخوك مين لاموخذه
يوسف بسخريه:أيوه أخوها عندك مانع
جميلة :هو يبقي إبن خالتي يامحمد بس ماما هي اللي كانت بترضعه فهمت
محمد وهو يحرك رأسه :أه كدا فهمت إحم إتشرفت بمعرفتك يا أستاذ يوسف
يوسف بضحك:أستاذ إيه قولي ياجو الشرف ليا طبعا
جميلة:طيب يلا بقي نروح دي ماما هتفرح أوي
يوسف ومحمد:يلا
......................................................................
طيب ياللي بتخبط علي الباب
هتفت بتلك الجملة والدة جميلة فتحت الباب وجدت أمامها يوسف وجميلة
والدة جميلة بحب:يوسف حبيبي وحشتني ياقلب خالتك
إقترب منها يوسف وقام باحتضانها وهو يهتف
_إنت أكتر يا حجه وحشتني و وحشني أكلك خصوصاً صينية المكرونه بالبشاميل
جميلة بضحك:الواد دا فصلاني مبيفكرش غير في الأكل
والدة جميلة:بس يابت سيبي إبني حبيبي ولا يهمك يا حبيبي أحلي صينية مكرونه علي الغد إنهارده
يوسف:تسلميلي يا حجه الواحده من غيرك مكنش عارف هيعمل إيه
جميلة بمرح:هيعمل هيحشي ويعمل محشي
يوسف:يا خرابي علي تقل دمك
والدة جميلة:بس يا واد أنت وهي ويلا وكل واحد يروح يغير هدومه عشان الغد
ذهب كل واحد إلي غرفته
.........…...........................................................
في بيت محمد
نظرت مني إلي أخيها قائله
_هو أنتوا إتكلمتوا ولا لاء
محمد:وهو أنا لحقت يا ختي
مني بضحكه:خلاص يسطا ولا يهمك سيب المهمه دي علي محسوبك
محمد:أما أشوف هتعملي إيه أنا رايح الورشه سلام عليكم
مني:وعليكم السلام
ذهب محمد
مني بسرحانه :ياتري بتفكر فيا يا يونس ولا لاؤ
_إنتي يابت يامني دك قطع رقبتك قومي شوفي وراكي إيه
إنتفضت مني ونظرت إلي والدتها قائله
_أنا مش عارفه هو الواحد ميعرفش يقعد في البيت أبدا دايما هاتي دا وإعملي دا
والدتها:إتلمي وروحي شوفي وراكي إيه
مني بتافف :حاضر
......................................................................
كان يجلس في الورشه وعقله يفكر في تلك الجميلة
محمد:إمته بقي نعمل الخطوبه عشان تبقي بتاعتي ومحدش يبص عليكي
إنت بتكلم نفسك ياض
نظر إلي ذلك الصوت وجده صديقة وهو يسمي حسان
محمد:أعمل إيه يكنش هو دا الحب اللي بنسمع عنه بس معقول حبتها بالسرعه دي
حسان:ممكن عادي جدا بس أنا شيفاك مبسوط ربنا يسعدك يا صاحبي
محمد بابتسامة:حبيبي والله يا حسان عقبال ما أشوفك عريس
أنت تقرأ
نوفيلا: عٌروٌسِـيِّ أّلَجّـمًيِّلَةّ(بقلمي/مروة صلاح)
General Fictionأحببتك منذ أن نظرت إلي عيونك التي تشبه القهوه سألت نفسي هل أنتي حقيقه أم خيال هل يوجد جمال مثل هذا سألت نفسي كثيرا ولكن عندما تكلمتي عرفت إنك من البشر وأصبحت أنتي عروس المستقبل عروسي الجميله
