ويريا مونو 😂💔

ذكرى تقتلني كل ما تذكرتها 😂💔

قبل سنتين لما كنت في اولى ثانوي كانت عندي أستاذة فيزياء دائما ترفع ضغطي

تقدروا تقولوا أكرها مررررررررة لعدة أسباب😠💪🏻👊🏻

في يوم من الأيام وصلت المدرسة الساعة ٩ صباحا بسبب أخوي نام وصحى متأخر

المهم وصلت على وقت الفسحة

كان يوم عويص لأنه الإدارة فحتتني أول ما استلمتني من الباب

وأنا كنت رايح للمعلمات اللي فاتتني الحصص حقتهم عشان اقول سبب تغيبي

وصادف في ذا اليوم انه حصة استاذة الفيزياء فاتتني 🤦🏻‍♀️

وبالصدفة وأنا وصحبتي قدام غرفة المعلمات بعد الفسحة لقطتني أبلة الفيزياء وهي في طريقها للمديرة وما قلت شيء إلا وبدأت

بصياح : ليش تهربتي من الحصة يا سلمى ؟

أحاول أكتم عصبيتي : يا أبلة أنا ما تهربت زي أستاذة ( إسم أبله الفيزياء ) أنا فاتتني الحصة ، أنا دخلت باب المدرسة اساسا الساعة ٩

رافعة حاجبها الأيمن : ايش السبب ؟

: السبب حتعرفيه من المديرة اللي حضرتك ريحالها ( اووه كنت بنت قصفات 😂💔)

: المهم جيبي ورقة التأخير من المديرة اللي حضرتي ريحالها وإلا بسجلك هروب وبتنقصي

: أبشري

هي راحة من هنا ولكمت الجدار من هنا

صحبتي : تدري يا سلمى

: لا ما أدري

: حسيتك انتي والابلة وانتوا تتكلموا انكم شوية وراح تضاربوا

: من جد ؟؟

: يب يب باين من نبرة صوتكم انتي والابلة شوية وراح تدخلوا في مضاربة ، الصراحة يريت كانت معاي الكاميرا 😂💔

وكملنا يومنا التعيس

وتخيلوا في الاخير جبتلها العذر وقامت سجلت لي غياب ونقصتني درجة ونص 🤧💔

عفوا بتنتقم مني ذي الابلة لسبب اجهله 😂💔

شكرا على دخولك 👏🏻
لاتنسوا تكتبولي آراءكم في الكومنت 👇🏻😂💔
ولا تنسوا الفوت " ⭐️ " إن أعجبكم الموضوع
لا تنسوا إضافة الكتاب لقائمة القراء ليعم الضحك 😂💔
جانا 😂💔