فلسفيات قبل النوم

تكنولوبيا

هل التغيير والتطور والتقدم دائما شىء جدا ؟؟؟

" اكيد ... من غير التطور مكنش فيه تنولوجيا متقدمه زى دلوقت " 

<< او مش هيبقى فيه انترنت ... محدش يقدر يعيش من غيره  ومش هنعرف نتفرج على انمى >> 

( واهم حاجة مكنتش هيبقى فيه اندومى )  

_ واحد همه على اندومه هنا _ 

من راييى انا ليس دائما 

الشاب منذ زمن ليس ببعيد كان دائما يفكر فى مستقبله وماذا سيترك ورثا يفتخر به اولاده 

لكن كل شىء تعير ف عصرنا الان 

الشخص كان يفكر فى زراعه مزرعه نخيل تعيش حتى لاحفاده  يزرعون الان المزرعه السعيده 

من كان يفكر فى بناء قريه سياحية  حلمه الان يفكر كيف يطور قريه كلاش اوف كلانس 

بدل من ان يتدرب على فنون القتال والاسلحه   يقضى وقته  حساب ببجى 

بدل من حصد الاموال يسعى لحصد الليكات 

بدل من رسم اللوحات يتفاخر بصور الانستجرام 

بدل من صناعه الافلام يصنع فيديوهات التيكتوك 

الغريبة الذى كان ينجح فى صناعه حلمه فى الماضى لا يضاهى فرحه من ينجح فى صناعه هدفه حاليا وكانه حقق المستحيل 

هل تفكيرنا تغير او الزمن هو الذى غيرنا 

ام ان اهدافنا هى التى تغيرت

اتى اليوم الان الذى ممكن طفل صغير يقول لاباه انا اراك فاشلا 

فيسالة بتعجب لماذا صغيرى 

يخبرة لانه ليس تافها يرقص على تيكتوك

او لانه لا يصور عرضة ويعرضة على الانستا 

او لا يفرج الناس على حياتة فى اليوتيوب ويعرفهم كل صغيرة وكبيرة فى حياتة 

او ليس لدية اصدقاء وهميين على فيس بوك 

اصبح هذة هى معايير الشهرة والنجاح بل والثراء هذة الايام 

والطامه الكبرى انها تسمى مواقع تواصل اجتماعى وهى اكثر شىء تدمر التواصل والمجتمع 

بدل من ان كانت العائلة تتجمع ثلاثة مرات فى اليوم على مائده واحده تشارك افكارها واهتمامتها 

نتقابل فقط على الفيس ونشارك منشور مجاملة لشخص من العيلة لكي لا يتضايق 

 هل مزلت ترون ان التكنولوجيا نعمه على الانسان 

* سؤال بس هى اى علاقة التكنولوبيا بكل ده *

_يعنى اى  لوبيا !!!_

علاقتها انها مش معروف هى بقوليات ولا نبات فضائى 

مفيده ولا مضرة بالمعده وتفسد شكل المائده بشكلها الذى يشبه العيون الصغيرة 

والشىء الذى لا يتبين ضررة لا نستعملة ويجب قمعه

( انت بتقول كده بس علشان مش بتحب تاكلها -_-) 

احم 

قصدى مثل التكنولوجيا يجب قمعها حتى لا تفسد الباقى من الانسانية التى خلقت فاسده من الاساس . 

هى سلاح زو حدين المفترض انه يدفعنا للتطور للافضل 

لكن الاغلبية يذهب بها لطريق اخر ويجر خلفة الالاف للهاوية معصبين الاعين يسيرون بثقة خلف اسم التقدم والحداثة والموضه مهما كانت المسميات 

" هو احنا خلصنا خلاص ولا لسة " 

اه خلصنا ليه

" اصل قناه جدو حسن  نشر طريقة توليع عود الكبريت

وقناة تيتة زينب عملت طريقة صنع اللوبيا من غير النقطه السوده عاوز اتفرج عليهم بسرعه اصلهم كاتبين هام جدا "

روح اتفرج الهى يولع فيكو انتو واللوبيا 

-----------