هلاوووو بعد شتريدون اليوم 3 بارتات تعويض
مهند // اليوم الخطوبه مالتي كعدت ب 10 رحت الحلاق زينت ورجعت للبيت و لكيت اقاربنا جايه و وشويه واجو جماعتي وضلو يركصون والطباخ كمل الغدة و صب و كعدنه ناكول كملنه صارت ب 3 بدلت ملابسي لبست بنطرون رصاصي وقميص ماروني نص ردان وشعري شسورته ورفعته ولبست ساعه لون فضي و كلادتي فضه ودخلته جوة القميص (لحد يجاوز ويحجي) وحذا ابيض وصارت ب 3 ونص نزلت كعد ب الصاله والبنات جنهن دود ايكمزن هاي اتكول وين الحمرة وهاي وين الفرشه وهاي وين الحذا دخت منهن طلعت يم الزلم والولد ضلت اتهوس ورحنه البيت عروستي كعدنه شويه وكالو خل يعقد كرار دخل جوة ضل اشويه وطلع كال يلا دخلت ولكيت اميرتي كاعدة و مغطيها ب البركع الابيض (اقماش ابيض) كعدت ابصفها والزلم يمنه واكفين عقدت وكملت وضلو ايباركون وشويه وطلعو فاطمه اني بقيت ب الغرفه و كرار يمي كال اشويه وادخل و ضليت كاعدة اشويه ودخلت وياريتني مادخلت طالعه اميرة والصدر طالع وجسمه ابيض اول مرة اشوف جسمه صح هيه متلبس حجاب بس لبسه مستور هيه شافتني وكفت اتقربت يمه بست راسه عطرة ايخبل واباوع ع بنت عمتي اتباوع ع فاطمه ابحقد خلي اعرفكم عليه ( نوال // اني نوال بنت عمته المهند اني احب مهند بس هوة لا ميحبني واني اتخبلت من سمعته راح يخطب وشفت خطيبته حلووة احلا مني ) طبعا اشكد اكره لان اتحبني وذابه نفسه عليه المهم جابو الذهب ولبسته وكول ساعه امرر ايدي ع ركبته حلوووة و بيضه وناسه ناعمه وبعدين جابو الكيكه والعصير وكلته وكلتني وبعدين خالتي كالت بوسه ولاتخاف من امه اني عيد وجابه العباس النه لزمت راسه ثبته وبست ركبته قوي هيه راسا بعدت نفسه استحت واشويه طلعت يم الزلم
فاطمه // بعد مطلع مهند وراحو اهله صحت ماما شاورته كتله ميته من الجوع ماما كالت هسه اجيبلج اكل والبنات ايركصن اشويه ودخلت بنت عمتي وبيده صينيه اشكبر بيه سمج شوي ودجاجه شوي كاملات وتمن (ارز) ومرق لحم وروبه ولبن ومقبلات وبيبسي كعدت ب الكاع اني والبنات وكعدنه ناكول طبعا اني جني طفل بنت عمتي اتوكل بيه ما اكدر لان بدلتي جبيرة واصير بالسفرة كتله اريد دجاج خلتلي اشويه ب خبزة اخذته وجان تنجر مني خالتي جرته اتكول موزين البنيه تاكل دجاج وسمج ب الخطوبه مالته طبعا البنات ممزوجات طبعا وكفت البنات وشمرت باقه الورد و دست ع رجليهم وكتبت اساميهن وانطيتهن هيل العروس ( اني جنت كاعدة بعرس بنت عمي وانطوني هيل العروس ووكعت الوردة عليه ونخطبت )المهم اكلت تمن وروبه كملت انطتني ببسي شربت وشويه ودخلو
خوالي وعمامي وبابا واخويه كرار سلمت عليهم وحضنت بابا وهوه هم حضني وكرار هم حضني وباركولي وطلعو وبعدين كرار كال الولد يردون ايسلمون عليج ولد عمامي وخوالي وعماتي وخالتي خليت البركع ع اجتافي وصدري لان الفتحه مال الصدر فضيحه الصدر طالع يطلع لبست ويا الستيان شفاف ورحت ب الغرفه ودخلو الولد وكرار وصلت ايركصون ويضحكون وباركولي وراحو و اغلب الناس راحت بقه عماتي وعمامي ونسوانهم وبناتهم ولدهم اني صعدت الغرفتي الساعه ب 8 بليل ويايه ماما حضنتني وباركتلي نزعت الفستان لان كرار راح ايجيب عشه جاهز ويودي بطريقه وماما فتحتلي التسريحه طبعا ما خليت ولا وحدة تدخل ماحب ودخلت للحمام سبحت ارتاحيت طلعت ب 8:42 من الحمام ماما مشطت شعري ولبست شورت فوك الركبه و كيمونه اصلوخ لون ابيض واصفر وشغلت السبلت وكتل الماما راح انام لو نحترك لحد ايكعدني ونمت وكعدت الساعه 4:00 الصبح شبعانه نوم وجوعانه
باي
