منطقه 13

30

‎#منطقه__13

‎مريم السعدي

‎#بارت٣٠

‎سولفلي على جروحك
‎يروحي معلكه بروحك
‎تستصغر  عشق مجروح
‎بعيده وعاليه. سفوحك

‎الك يمي  نصيب يصير
‎لو للوحه  مالوحك
‎انه مكطم دهر يمك روحك انلميت
‎اكسبني اجر يم فرحك ونوحك
‎دكسبني اجر يم لطمك ونوحك

‎احمد- رجعت للمحل توني اعدل بالغراض ودك تلفوني بحدود  الثلاثه ونص الضهر كان حمزه

‎الو
‎الو شونك حمودي
‎هله ياب هله بيك شونك
‎سلمك الله اكولك بس ردت اسالك
‎كول
‎ابوي   شفته  اليوم

‎بلي تسوكت منه

‎شوكت بيش ساعه
‎ب٧ الصبح شكو حمزه
‎احمد ابويه ليهسا مرجع  للبيت ندك عليه مقفل  حتخبل  وهاي موتت روحها
‎يابه على كيفكم شحنه خلصان شي عده شغله شمتفاولينا انت وين
‎اني بالشورجه وي خليل هاي وصلنا محله
‎ها بشر مفتح
‎سكت
‎معود مفتتتتتح

‎سد التلفون
‎واني اعصابي رخت كمزت وره الميز وبس نزلت الباب مال محل الجينكو رد
‎ساكت

‎معود حمززززه

‎سكتت واسمع صياح العالم
‎ماكو هو وسبعه اختفو. طلعو سوا اجه عليهم رجال وراحو ويا

‎حمزه يصيح
‎ادري رجال شنوًمواصفاته سيارته صخام

‎عمي كلشي مندزي كلمن بدكانه بس شفنا طلع هو واصحاب المحلات رياهم رجال سمين يحاجيهم يكولهم هاي سيارتي هنا بالفرع وراحو وياه حتى دكاكينهم مفتحه

‎احمد- اسمع وارجف كريت تكسي كبل للشورجه ورحت لمحله شفت امه الثقلين واكفه وكلها تصيح ولدنا هم ماكو
‎لمحت حمزه ايده على راسه كاعد بالكع

‎وصلتله
‎حمزه احجي عمي وين
‎شحجي  شحجي عمك مشيول من الضهر وكدام عيون العالممم
‎بلعت ريكي وكت الخطف حان مشتغل
‎محد خابرك
‎لا هاي تلفوني وتلفون خليل وقاسم بيدي داانتضر وهمه راحو يدورون فرع.  فرع  ومركز مركز وبالمستشفيات

‎كعدت بصفه وحاير حيرته الدنيا سودت بعيني خاف هي بيضه اخر نفس من ريحه ابويه هذا

‎لليل جوي الولد بهدوم العسكريه محنيه ضهورهم  كالو

‎ماكو  اي اثر الهم  ومحد خابر

‎انهد حيلنا رجعت وياهم للبيت واشوف اسينات رايحه منتهيه ميته. راسن تذكرت مليكه وهاي دموعي مسيطرت عليها
‎جانت وحدها  يكلبي محد واساها
‎حمزه ركض عليها لمها بحضنه وتصيح ابويه اريده من شاربك

‎ولج  شبييييدي اكتل روحي وارده الج كون شالوني  ولاشالو
‎وامه تصيح وتبجي  يمه على بختك لتكول هيج
‎قاسم اخذها لاسينات غسل وجهه ويحاجيها مشاور ويبوس براسها وشوي وانترس بيتنا
‎بيت خالهم والولد
‎ومروه تلطم وتبجي ورجلها مثل وجه الحايرين