بعد يومين....
كانت شهد مقضياهم في الاوضه مع رنا و صابرين و تسنيم و رحمه و باقي البنات كانوا بيروحوا يقعدوا معاهم في الاوضه اليوم كله و عرفوا كل حاجه عن بعض و بقوا اكتر من اخوات و بقوا قريبين من شهد اوي و بالذات رنا و صابرين و رحمه و تسنيم...
و كريم كالعاده يصحي و ينزل بدري و يرجع متأخر عشان مش يشوف حد منهم خالص
و يوسف مش بيطلع من الاوضه كتير و قاعد بيفكر ازاي يرد الي شهد عملته فيه ده و ياسين و ادهم و رامي و اسر اقرب ناس ليه و كانوا صحاب من قبل ما يدخلوا المدرسه اصلا بيروحوا يتجمعوا في اوضة حد فيهم و بيحاولوا يخلوا يوسف يبعد عن شهد عشان عارفين انه ممكن يأذيها باي حاجه و مش هيسكت و هيرد عليها..
**********************************************
كريم صحي بدري خالص عشان يعمل زي كل يوم و ينزل بدري قبل ما يصحوا عشان عبدالله ميتخانقش معاه و يضربه و هو طالع من اوضته عدي من قدام اوضة عبدالله و سمعه بيتكلم بس الكلام جذبه و خوفه في نفس الوقت
عبدالله كان بيتكلم في الفون: ايوه..يعني انت موافق تتعاون معايا خلاص
...: ايوه يا عبدالله عشان انا كمان عاوز انتقم منهم
عبدالله: يااااه ده انت شكلك محروق منهم اوووي
....: اوووي يا عبدالله...هما كلهم احسن مني كل الناس بتحبهم ليه معرفش و علي طول ايد واحده الأربع اخوات مفيش حاجه بتكسرهم..
عبدالله: تمام كده و متخافش هتبقي في السليم حضرلي المكان بس و كلها الاسبوع ده او الي جاي و هي جايه اجازه انا هخطفها و اذلها و احرق قلب امها عليها زي ما حرقت قلبها علي ابنها قبل كده
....: تمام المكان هيبقي جاهز و الورق و كل حاجه
عبدالله: تمام كده حلو اوي باقي التنفيذ بس و هيبقي قريب ان شاءالله يلا سلام.
و قفل معاه........سميه صحيت من النوم
سميه: ايه يا عبدالله فيه ايه
عبدالله: قربت اخلص انتقامي و احرق قلبها
سميه: بجد هتعمل ايه
عبدالله: هقولك بعدين يلا كملي نوم و انا هطلع البلكونه
كل ده و كريم سامع كل الي عبدالله قاله و خايف لقي عبدالله طالع من الاوضه طلع جري و قفل باب الشقه وراه بالراحه و نزل شغله و هو ماشي في الطريق كل تفكيره مين دي الي هينتقم منها في بنتها و يارب عملوا ليه ايه عشان ينتقم منها في ابنها و بنتها و كل ده و هو خايف و قلبه مقبوض مش عارف ليه
وصل الشغل و دخل فضل يشتغل و هو لسه بيفكر برضو يا تري هيعمل فيهم ايه.....
**********************************************
شهد صحيت من النوم
أنت تقرأ
جنان رغم الظروف 💃🏻💃🏻😢😢
General Fictionفتاه جميله تركها والدها منذ الصغر لتعيش حياتها مع والدتها التي تعتبرها ام و اب ليأتي والدها مره اخري للاعتذار ام للقدر رأي اخر 🤔🤔🤔
