اول قصة اوخرافة💚💙💛
الهزوا والتعجيب😏😏😏
فيه مراة ديما تتعجب وتهزي على الناس
وتمشي لمناسباتهم لازم ادير في الرز عظام
واطلع في صاحب المناسب 60 لولة
وين هذه⁉⁉
وخيره هذيك ناقصة⁉⁉
وتتجعد وتقول لهم انا كان احياني الحي وراسكم حي
عرس ولدي ما داره حتى ولد البي
وبره بره بره
دارت هي عرس لولدها
والناس جت تبي تشوف هالمهرجان
ومولاته المقعارة اللي ماعاجبها عجب ولاصيام في رجب
جو الناس في السهرية
وجت سفرة الشاهي
ومعاها البشكتي محاديها
كلهم جتهم صدمة
القوها علي الخخي والحزام مرخي
قالولها:
خيرك يا أم العجب
نحسابو طواسيك ذهب
عامين بالعامين توتي
وفِي الاخر شاهي وبشكتي
وينه يا للاّ تفريقك
جينا بنشوفوا تجعيدك
دنقرت عيونها في الوطى ماعندها ما تقول
مسلفاته السبت القاته الأحد
هذا اللي ما يقول فجي في عباد ربي
والدنيا قش في قش واللي ينتفخ ينفش
وياما منهم 😉👍
#خرافات_ناس_زمان_ليها_عبرة_وشان
زواريستـــــا✨💘
أنت تقرأ
يوميات ليبية ❤️😂
Randomخير شباب و شبيبات 😂👏🏻 شن اخبارك 😂💕 شن اموركم 💘 طيبين انشاء الله 🤲🏻💙 حيكون الكتاب عبارة عن رمزيات ونكتب اغاني حسب الطلب وتصاميم ودعم روايات ودعم حسابات انستقرام وحندير سلسلة اسمها ذوق وقولي رائيك 😂🤤💕
