🔥روايات نوزا الاماني🔥
#صديق_أبي
¤الحلقة2¤
علي:اليوم عرفت انها ليها فترة متزوجه وعندها ولد كيف جايبته
لمار:ككككييف😳...خشت لدار وهي تبكي
معقوله فيه أم هكي تنسى بنتها وتعيش حياتها وكأن ماعندهاش بنت من لحمها ودمها وفوقها تتزوج وتجيب اصغار علاش امي ماتحبنيش ،قفلت عليا باب داري وقعدت نبكي نشوف في اسيل و لين يتصلو بيا بس منيش نرد على حد نبي نقعد بروحي💔
علي:يحكي في التلفون...ايوا بنتي اسيل
اسيل:وين لمار نتصل بيها ماتردش و ع اساس اليوم بتجيني ماجتش
علي:لمار من لما روحت من المدرسه قافلة عليها دارها وتبكي مارضتش حتى تتغدا
اسيل:وعلااااش انشالله خير😳
علي:موضوع يخص امها ياريت تجيها بلكي تقدري تهديها
اسيل:حاظر تو نجي انا ولين...سكرت الخط
لين:خيرها الحيوانه ماجتش
اسيل:ياناري عليها قال بوها من لما روحت من المدرسه قافله على روحها الدار وتبكي
لين: وعلاش هدا كله
اسيل: منعرفش قال موضوع يخص امها
لين: كان يجبوهالي امها ناكلها بسنوني وكال😤
اسيل:ههههه وانتي كل شي عندك بطح وقتل😁يلا خلي نمشو نشوفوها
لين:من بيرفعنا ماتقوليش خوك الحقير
اسيل:هههه لو مش بابا هوا
لين:لو مش بوك مش حنمشي😒
اسيل:هههه لحظة نمشي نسأل بابا
رياض:خيرها مش قبل هيا اللي بتجيك
اسيل:كلمت بوها قالي تعاليلها مش راضيه تكلم حد ولاتطلع من دارها
رياض:باهي هيا نرفعك
لين:طالعه تلاقت هيا وعزو خو اسيل
عزو:اووو الانسة لين معانا تشرفنا
لين:انا اشرف منك🙂
عزو:انتي ماتبطليش نداله بكل
لين:هوا فيه حد يشوفك ومايكونش ندل زيك
عزو:وديني لو ماكنتيش في حوشنا ل...قاطعاته اسيل
اسيل:عزووو😠
لين:خليه بيتمرجل عليا😏
عزو:اقسم بالله لو ماترفعي صاحبتك من بحداي نقتلكم زوزكن😤
اسيل:ربي يهديكم وخلاص ،هيا يلا اطلعي بابا يرجى فينا برا
اسيل: بالله عليك لمورة ماديريش في روحك هكي سادك بكى
لين: اففف لمار صكري فمك وخلينا نحكو بلا دموع تماسيح
اسيل:قرصت لين واشرتلها بعيونها بمعنى اسكتي
لمار:هههه اصلا انا حمارة اللي درتلها قيمه ونبكي ع خاطرها💔
لين:ايوا كدا
اسيل:حشاك ماكش حمارة انتي عسل😘
لمار:اسفة نكدت عليكن
لين:انقنك نكدتي عليا واجد😒
لمار: حدفت عليها المخده...ههههه مبيخك
اسيل:واخيرا شفنا ضحتك😍
لمار:خاطري نطلع مليت من حوشنا
اسيل:مدام بابا قاعد هيا نرجعو لحوشنا مدايرتلكن جو غادي😍
لمار: ق ققصدك بوك هنا
اسيل:اي برا مع بوك
لين:لا وحقربي منيش ماشيه غير بنشوف الحقير الواطي الندل خوك
اسيل:ههههه غير هيا اصلا هوا توا في العمل
لمار:اي هيا والله خاطري نطلع من حوشنا
لين:اففففف خروات
اسيل&لمار:😂😂
رياض:خيرها لمار قلقتنا عليها
على:عرفت ان امها متزوجة وعندها ولد
رياض:ويعني شن فرق ماطول عمرها عايشه من غيرها
علي:صح هوا لكن اكيد حسيت بقهر
رياض:صار انت مش حيصير من موضوعك😂
علي:والله مش عارف طول الوقت نفكر
رياض:انت شاورها شوف رد فعلها لو موافقه ولا لا
علي:خايف يا رياض خايف
رياض: توا انا ولادي ماعندهمش مشكله نتزوج 😁
على:ع الاقل انت زوز وامهم متوفية مش زي بنتي وحيده وعانت واجد من طلاقنا انا وامها
رياض: بس انا مش متشجع للزواج
علي:هيا ديرها قبلي باش لمار تتقبل الفكرة لما تشوف اسيل قابله
رياض:ههههه لا ياحبيبي ماتغرينيش
