Ayiti se yon peyi ki te rich,
Kote ki pat janm gen chich,
Kote ki pat janm gen trich,
Kounya, se la lamizè fè nich.
Ayiti se te yon boul lòt,
ak yon peyizaj miltikolò,
Kounya se yon inivè soufrans,
Kote tout moun san defans.
Ayiti se te yon fanm djanm,
Kounya li lage san nanm,
Ak yon bann pitit san grann,
tankou zo ki san vyann.
Lontan se te Ayiti gou myèl,
Kounya se Ayiti gou fyèl.
Lontan se te Ayiti konpa
Kounya se Ayiti chawa.
Lontan se te Ayiti "tèt ansanm"inyon,
Kounya se Ayiti "ti pati pa "divizyon.
Li lè li tan pou nou fè yon chwa
Ki pap lage nou nan dlo ni nan nwa.
VOUS LISEZ
encre dorée
PoetryLa poésie grâce aux mots ; est un concentré d'image, de sonorités, de rythmes. Ils servent de matériau pour évoquer les pensées graves, universelles.
