اللهم صلى على النبي
شهد اني كاعده بصال واريد هدومي تبدل اريد انام بس شسوي كاعده انتضر الفرج
ام محمد يالله يمه كومي فوتي بغرفتچ شعندچ كاعده
شهد عمه خاف ميقبل
ام محمد شون ميقبل مو بكيفه يالله فوتي
شهد على اساس عمتي اله كلمه علي فطبينه شفته نايم فرشت العمتي وفرشت الي مبدلت مابيه ابدل هلكانه بس اريد انام ومالي خلگ صحيح ملابسي كله مبكحه ومن كعدت اني شعري شوي خشن چنت شايلته بقراصه بس من نمت مالي خلگ اجذله لان يضوجني من انام فبس وخرت القراصه ونمت وتونه نايمين
بلشت الصوايح اخ محمود كوم عليه تعال تعال عليه محمود وينك اني راسن گعدت ولبست الشال وكمت
ام محمد هاه وليدي اني يمك شنو تيد
كرار حركيني ضهري نكسر كلبوني مابيه ضهري
ام محمذ شهد تعاي ويايه خل نحركه
كرار اني بيه مابيه واسمع امي تصيحه تتداريني وصحت انتي طلعي من نا ماريد اشوف چهرتچ القذره يالله بره
ام محمد شبيك كرار هاي مرتك عيب عليك وخليه داريك ويانه
كرار كل عقلچ جايبلي هاي لمدلگنه مره وتيديه داريني خل توخر لا اگلب الدنيه تباعي عليه باوعي هاي مرتي
ام محمد شبيه تراه تخبل ستهدي برحمان روحي يمه سويله اكل
كرار لا تخبل ماريد منهه شي هين ماريد تسويلي شي انتي وخنزرت عليه
ام محمد رحي شهد مثل ماگتلچ
شهد بوعت على عمتي وطلعت اني رحت للمطبخ واسوي لاكل واني ابچي رحت على السنك تاغسل واشوف شون عيون عندي بانده والشال عبالك خيمه فوك راسي اني كلت الله يعنه من شافني نخرع فسكتت ورحت غسلت ولميت شعري ورجعت اكمل لاكل
ام محمد منو تيد يدارك الكل بزع منك اخوك متيده يرتاح ومحمد بيته وخواتك هم عدهم اعايل وكلمن ملتهي بلهوه ضل هيچ رافع خشمك ليمه الكل يتركك
كرار تركوني احسن واني لو باقي بلمهجومه ولا جاي يارب شجابني لو بس اموت موتني يارب وخلصني
ام محمد موت وحدك ولا احد يمك عندك مره وهيه تنجاز بيك خو مبتلينه بطلايبك وسوالفك لمكسرات موزين رضت بيك
كرار الله لايوفقه على رضاته عليه الله ياخذ رحي ورحه تأخلص صيحي محمود راح اموت تعبت من الچضعه صيحي
شهد اني اسمع الصوايح مالت عمتي وكرار وبعدين طلعت عمتي تبچي راحت على محمود صاحته ودخل عليه وكعده وطلع وجتي عليه عمتي كالت وديله لاكل والخاطر تحملي وسكتي شمايحچي مسحيه بيه بس هزيت براسي كملت لاكل وطببته واني خايفه من لسانه لان مابي يتحرك تيكتل
كملت لاكل عدلت نفسي وشلت الصينه ورحت للغرفه
أنت تقرأ
بنت الغربيه
Чиклитتدور احداثه عن احداث حصلت للعائله في العراق تدور احداثها عن واقعنا الحال الذي وقع فيه كثير من الناس ويختلف من شخص لاخر
