روايه ليلة زفاف زوجي

الجزء الأول

رواية ليلة زفاف زوجي الجزء الأول 

للكاتبة/حنان حسن

اصعب حاجة في الدنيا بالنسبة لاي زوجة ..

لما تعرف ان زوجها هيتزوج عليها زوجة تانية..

فما بالكم بقي ؟

لما الزوج يكون فاجر ومتزوج اربعة  ؟

وكمان  بيعمل علاقات قذرة مع الحريم الشمال

وفي غرفتي

وعلي سريري كمان ..

للكاتبة حنان حسن

ايوه ده زوجي للاسف..

وللاسف مقدرش اعترض

لان  اول حاجة  هيقولها لي..هي...

لو مش عاجبك اطلقك والباب يفوت جمل..

طبعا انتوا زمانكم

بتسالوني ؟

وبتقولوا..انتي ازاي صابرة علي كده وليه مطلبتيش الطلاق؟

هتعرفوا كل حاجة لما تسمعوا حكايتي

انا رانيا...32سنة.. من القاهرة

جميلة الحمد لله زي ما الناس بتقول

للكاتبة..حنان حسن

حكايتي بتبداء لما امي وابويا ماتوا في حادثة عربية

وكنت انا ساعتها في ثانوية عامة..

ومكنش ليا حد غير اختي اعتماد الكبيرة  ..وعمي نعيم ...وخالد ابن عمي

اختي اعتماد كانت اكبر مني بعشر سنين

وكانت ساعتها  بتشتغل محامية وناجحة في شغلها كمان ..

لكن للاسف مكنش فيه نصيب انها تتجوز  لسة..

وده لانها مكنش فيه عرسان بيتقدموا ليها..

ويمكن ده الي خلاها تاخد موقف من الرجالة

ومن الدنيا كلها ..

وممكن كمان يكون ده الي اتسبب انها تكون

شخصية عدوانية ..وجامدة ..وقاسية جدا..

ده غير انها اصلا حريصة لدرجة البخل المفرط

بس الحاجة الوحيدة الي كانت مصبراها علي سنوات العنوسة الي عاشتها

هو ..حبها لخالد ابن عمي

بالرغم من انه كان حب من  طرف واحد..

للكاتبة حنان حسن

لغاية ما في يوم عمي نعيم اتصل باعتماد اختي..

وقالها انه هيجي البيت عندنا ومعاه خالد ابنه

عشان الفرح يدخل بيتنا ويبقي زيدنا في دقيقنا..