يوم الجمعه الساعه 8
كعدت وحس ليوم اني اسعد وحده بلعالم لان ليوم راح اكون زوجت لشخص لحبه كمت اخذت شور ولبست تراك ونزلت لان ليوم ماعندي وليوم لعقد مالتي نزلت لكيت خاله وميس وزينب ينضفون ويشتغلون وخطيه ميس حامل بشهر ل4 وبطنها شويه كبرانه
ليان/ صباح لخير
ردولي وهمه يشتغلون/صباح لنور
ريم/يلا بنتي ليان تريكي حتى تساعدينه هواي عدنه شغل
ليان/حاضر خاله
رحت سويتلي ساندوج وكوب جاي وكعدت كلت
خلصت وكمت ساعدتهم اني انضف لصاله وزينب لخطار وميس لمطبخ وخاله راحت تحضر لغده حتى نخلص كلشي لل11 خلصنه كلنه صعدنه اني وزينب راحت كل وحده لغرفتها اخذت شور ولبست تراك خفيف وشلت شعري بكماشه ونزلت كعدت بلصاله اتصفح على تلفوني لل12ونص فاتو بابا وعصام سلمو وصعدو فوك شويه ونزلو صبينه لغده وتغدينه دك عمران كال بل4 يجون وسده
ريم/يلا بنات اخذو ليان وصعدو حضروها وتحضرو اني اكمل لباقي ماعندي شي
زينب وميس/حاضر يلا ليان
صعدنه لغرفتي وكعدو يحضروني
لبست قفطان لون ابيض وبي زخرفه ذهبيه و بي تول من جوه كلش حلو وحطيت مكياج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشعري سويته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولبست حذاء حشاكم لون ذهبي وخلخال ولبست عقد لون ذهبي وتراجي ذهب ومحبس ذهب طلعت ماعرف نفسي
زينب/الهم صلي على محمد وال محمد ولج كسرتي علينه
ميس/اي غير ليوم عقدها خومه نلبسها جادر ونكفش شعرها انشالله تتهنون حبيبتي
ليان/ تسلمين حبيبتي يلا روحو تحضرو ساعه3 يادوب تلحكون
زينب/صخام شلحك اخذني لواهس بيج باي اروح اتحضر
طلعو ميس وزينب واني كعدت اتصفح على تلفوني لل3ونص جتي ميس لابسه فستان اسود ليحد لركب وبي حزام ماروني وبطنها بارزه شويه وطالعه سيقانها لبيض ولمكياج سموك طالعه كلش حلوه فديتها
ليان/هلا حبي طالعه اجننين لازم خاله اطكلج حرمل على هل جمال
ميس بخجل/شكرآ عيونج لحلوه حياتي المهم جيت اكلج عمتي تكول خلي تنزل بعد نص ساعه ويجون بيت اهل عمران
ليان/اها اوك
رفعت لفستان شويه ومشيت نزلت لاكتني خاله وشايله مبخره بخرتنه وتصلي على محمد وال محمد
كعدت عل قنفه لل4 جوي بيت اهل عمران امه وخواته وجناينهم سلمو عليه وكعدو لل4 ونص فات عصام مدنكر
عصام/يمه خلو لبنيه وره لباب حتى يعقد لشيخ
حجه هل حجي وطلع حطولي كرسي يم باب لخطار وكعدت حطو جوه رجلي طشط وبي ماي ورد ومادري شنو حطيت رجلي وحطو بيدي هيل وجوه لساني جكليته وهذني لسوالف وبده لشيخ يقره و وصل لموافقه كلتله نعم وانت وكيلي وبدت هلاهل ولجكليت رجعت لمكاني وكالو راح يفوت لولد يشوفها حسيت بروده صارت بجسمي ورجفه خفيفه تماسكت نفسي وبتسمت فات لابس دشاشه بيضه وجراويه لافها بطريقه عربيه ولعباة على كتوفه اجه باس راسي وباركولنه شاور امه وشفتهم بتسمو
حور/ عيني ام ليان خلي نخليهم براحتهم
ريم/اي خيه حجيج صحيح يلا بنتي زينب اخذيهم لغرفتي
زينب/ حاضر ماما يلا ليلو
لزم ايدي ومشينه لغرفت بابا فتنه و شاورتني زينب كالت صيرو عقال
وخرت وتغمزلي ولله لوما عمران موجود جان عؤفت شسوي على سوالفها
طلعت وسدت لباب وراها اندارلي عمران وشوفه يمسح بكصته عرفت سبب عركه بس سويت نفسي مانتبهت
عمران/مبروك عليج اني
ليان/الله يبارك بيك ومبروك علينه
عمران/اكلج شطالعه ليوم غير تموتين شيصبروني للعرس
ليان/عمران تره هيج اخجل
عمران/ فديت ليخجل اني
صار يتقدم عليه واني ارجع ليوره ونطبكت بلباب
ليان/عمر ششدسوي
حط اصبعه على شفتي
عمران/هششششش
رجع خصل شعري ورجعها لوره اذاني غمضت وحس بحراره صارت بجسمي وختالطت انفاسنه سويه باسني لحد منكطعت نفسي نتهينه ثنينه احس روحي راح اوكع وهوه سبحان من العرك
عمران/ راح اطلع اخاف اتهور عدلي شكلج
هزيت راسي بمعنه اي عافني وطلع رحت للمرايه شفت حمرتي سايله عدلتها وعدلت ملابسي وطلعت لكيتهم رايحين صعدت لغرفتي فتحت تسريحت شعري ومسحت مكياجي وخذت تراك وفتت اخذت شور طلعت سرحت شعري ورفعته بكماشه وحطيت مرطب لوجهي حتى باجر يكون مرطب مو جاف اخذت تلفوني ونزلت ساعدتهم نضفنه لهوسه لل7 سوينه عشه ولل8 اتعشينه وكعدنه بلصاله جاتني رساله من عمران
💬 شلونج مرتي
💬لحمدلله ونته
💬دومج اني بعد لصار شلون ماصير زين بس لعسل لمنج يرد لعافيه
💬ههههه دومك
بقينه نص ساعه نتراسل لل10 ضعدت لغرفتي ومددت دك عليه عمران رديت عليه وبقينه لل12 نتخابر ونمت ولمكالمه مفتوحه
_________________________________________
هلاوو
هاذه لبارت تعويض لبارحه ونشالله بين يوم يوم انزل بارت لان اعيد وكرر مريضه ودا اكتبلكم واني مريضه كلش ورجلي احتركت بلجاي وكلش اموتتني وجع ونشالله اول ما اصير زينه استمر بلنشر
شكرآ لدعمكم لحلو وتفهمكم وحبكم هواي
باي
