اجتي مرت ابوي كلتلي نور اريد احجي وياج موضوع كتلها تفضلي گالت اني فديوم سمعتج حجي موزين گلتلها لا ابد گالت خمه فديوم اذيتج گلتلها لابالعكس اني كلش زينة معانا گالت كل هالسنين اصبر صيحيلي ماما حتى اخوانج صاحولي ماما بس انتي لا شنو السبب گتلها السبب انو اني مامتعودة گلتلي انتي حاولي وإن شاءالله مع الأيام تتعودين گتلها إن شاءالله گلتلي يلا بنيتي گومي غسلي وتاتريكين گتلها تمام مرت الأيام وطلعت القبولات وبالفعل طلعتلي هندسة وبأحد الجامعات فرحت وركضت حضنت مرت ابوية كتلها ماما اني نجحت هاي اول مرة اگللها ماما وحضنت بابا واخواني ورحت صليت صلاة شكر لله وبابا كال مناسبة هاي الفرحه خلونا نطلع نتعشه بالمطعم ونفتر بالحدائق وكذا وطلعنا وتونسنا چنت اشوف بابا كلش فرحان والأبتسامة الحلوة مافارگت بعد ماكلنا وفترينا رجعنا للبيت وقتها ماجاني نوم من الفرحه وچنت افكر شون راح ادخل الجامعه شون حياتي راح تتغير المهم گعدت الصبح تريگت كملت شغلي رجعت مسكت الموبايل ضليت اگلب بالموبايل طبعن اني ماچنت فاتحه بس واتساب جتني رسالة مكتوب بيها مبروك حبيبتي القبول إن شاءالله يوم زواجنا طبعن اني گبل عرفته ابن عمي گلت هذا منو وين جاب رقمي گمت حضرته ومارديت عليه بس دائما اضوج منه شگد لعد هوا يضوج المهم كضيت ايامي كلها فرح وسعادة الا ان قرب الدوام طبعن قبل الدوام ب ثلاثة ايام كلت لبابا اريد اروح للسوگ اشتري ملابس كالت ماشي اخذني بابا للسوگ طبعن بابا مو كلش منفتح يعني اكو لبسات مايقبل البسهم مثلا البنطرون المهم اشتريت تنورات وبديات وفساتين ثقافية مالات جامعة وشالات واحذية صعدنا للسيارة وكلت لبابا جوعانة كال تددلين جابلي اكل للسيارة بابا كام يضحك كال اليوم قطيتيني خلصتي فلوسي ورجع كال تدللين اني شكم نور عندي وصلنا البيت نزلت اركض شوفت ملابس لماما فرحت وكالت يخبلن مباركات عليج رحت رتبتهن بالكنتور طبعن اتمنه الوقت يمشي على السريع نمت اشوية لان چنت تعبانه من الفرات ههه كعدت العصر رحت رتبت البيت طبعن بيتنا يبقه نظيف اخواني مايوسخون ابد دگت عليه لارا گلتلي اليوم اجي ابات عدكم اجيكم باليل طبعن اني كلش فرحت گتلها تعالي تعشي گالت لا اجي باليل طبعن گلش افرح من تجي لارا لان هيه موبس صديقه هم اخت المهم رحت للمطبخ لكيت ماما طبعن ماما اسمها فرح لكيتها سوي العشة تعشينا رحت غسلت المواعين مال العشة طبعن اني كلش احب الغرفه مالتي ماحب اكعد كلش مع اهلي رحت للغرفتي مسكت الموبايل لعبت لعبة حسيت صار ملل رحت لصالة كعدت مع اهلي نطمش على تلفزيون وره نص ساعة اندگ الباب رحت اركض افتحه گلت منو گالت اني لارا فتحت الباب وحضنتها ولج اشو تأخرتي گلتلي وين تأخرت هتو الناس گتلها منو جابج كالت بابا شحسبالح اميري جابني حتى اميري ماكو گمنا نضحك وگتلها يلا فوتي فتنا سلمت على اهلي وگعدنا بالصالة كمت گتلها يمعودة ذولة يمللون امشي اروح للغرفتي رحنا للغرفه گتلها خلي اشوفج شنو. اشتريت اليوم طلعت الملابس وشوفتها كالت يخبلون ولج انتي حلوة وعلى هذولي الملابس تطلعين فدشي گتلها خجلتيني گمت كتلها خلي البسهم لبستهم وكالت اولي اني بنت وعشگتج كتلها شدعوة ولج المهم رتبت ملابس وگعدنا اني وياها وسولفنا اسرار وكذا هيه تحب واحد ويحبها فكعدت سولفلي عليه المهم ضلينا نسولف ل وحدة بالليل كتلها وناكل حلويات ونشرب ببسي ماحسيت على نفسي الا غفيت بابا اجه كعدنا على صلاة الفجر صلينا ونمنا گعدت الصبح بتسعه لارا چانت نايمة على تختي واني نمت جوه ماخلتني بس اني كتلها مايصير المهم گعدت ولارا نايمة كمت غسلت وجهي رحت للمطبخ بابا چان طالع لشغل بابا يشتغل بشركه مال لحيم وكذا لكيت ماما گاعدة گتلها صباح الخير كالت هلا نور صباح النور گتلها تريگتي گالت يي اني وابوج تريگنا كالتلي تعالي تريگي گتلها لا اگعد لارا ونتريگ فتت لغرفتي گعدت لارا كامت لارا رحنا للمطبخ تريگنا لارا گالت شوية واروح على بيت كتلها اليوم ماتروحين تبقين گالت لا ماگدر من البارحه عايفه اهلي گتلها واذا انتي بليل جيتي ماتروحين كالت اروح گتلها ماحجي معاج اذا رحتي كالت اتصل على ماما واشوفها شتگول
