أريد الهروب

Part 10

نبدأ البارت بالحسنات ليا وليكي زي ما اتعودنا💜💜
{اللهم صلي علي سيدنا محمد}
{سبحان الله وبحمده سبحان الله العظيم}
{استغفر الله العظيم}
{لا حول ولا قوه الا بالله}

‏💛🌸 Part 10

انس:يلا يا ست مليكه اتأخرنا

مليكه:انت شايفني بلعب يعني ما انا لبست اهوة هلبس الشوز واحصلك

انس:خلصينا المستر لو كرشنا احنا الاتنين ع التأخير كل مرة يبقي عنده حق

مليكه:ياريت انا مبقبلوش اصلا نفسي اطلع من عنده

انس:طب نشوف الحكايه دي مرة تانيه ابوس ايدك خلصي

مليكه:خلصت يلا بينا

كان انس يرتدي بنطال جينز وتيشيرت ابيض وكانت مليكه ترتدي بنطال جينز لونه ازرق فاتح وسويت شيرت قصير لونه اصفر وتربط شعرها ذيل حصان ويرتديان الاثنان حذاء باللون الأسود

انس:هو مينفعش حضرتك تلبسي حاجه اطول من كده التيشيرت ده قصير اوي

مليكه:معلش بكرة يطول

انس:مليكه ماتكبيريهاش ف دماغي واقولك غيريه ونتأخر معنديش مشكله

مليكه:خلاص بأه ي انس مش هبقي البسه تاني فاضل ربع ساعه ع الدرس والمشوار ربع ساعه اصلا

انس:لا ادخلي غيريه ملكيش دعوه بالوقت يلا دلوقتي عشان تتلامضي كويس

مليكه:اووووووووف بأه طيب طيب
ودخلت غرفتها وهي تضرب الأرض ب قدميها

انس:عاوزك تتدبدبي كمان وتنفخي

مليكه:حاضر اهووة هوووف هوووف هووووف هووووف

انس:يبت هاجي امد ايدي عليكي

مليكه:تمد ايدك ع مين هو البيت ده سايب هتمد ايدك ازاي يعني

انس:كده  *وقام برفع يديه ليضربها ف كتفها*

امير:انس انت اتهبلت ولا اييه هو البيت ملوش كبير هتضربها عادي يعني انا اكبر منها معملتهاش معاها

مليكه:عادي ي امير سيبه يضربني عادي مش رايحه معاك ف حته انت هتمشي لوحدك وانا لوحدي الناهيه بأه ماتتكلمش معايا تاني

*اخذت حقيبتها وهي تبكي ونزلت وشدت ورائها الباب بقوه*

امير:شايف!! انت عارف العند اللي هيا فيه امشي وراها ماتحاولش تتكلم معاها ف الشارع عشان هتمسكوا ف بعض وانت عارف ان لسانها ممكن يطول عادي

انس:طيب مش رايح ف حته

امير:انت اهبل يالا انت ولا ايه روح درسك خلص مش وراك درسين ورا بعض وهتسيب اختك تمشي لوحدها ف الشارع ماتت الشهامه خلاص

انس:عاجبك يعني

امير:مش انت اللي كنت هتضربهاا انت بجح لييه؟؟