May Be ,We..

One

သစ်​ရွက်​က​လေးလှုပ်​တာကို​တောင်​ သ​ဘောကျစွာ
ရယ်​​မော​နေတတ်​တဲ့ အရွယ်​မှာ အချစ်​ ကို ရှာ​တွေ့ဖို့
သိပ်​​ကို လွယ်​ကူ​နေတာမဟုတ်​ဘူးလား..
အ​ပေါ်ယံ ခနတာ စွဲမက်​သွားတာမျိုး​ရော
မဟုတ်ဘူးလား....
လူ​တွေ​ပြော​နေကြသလို ဆယ်​​ကျော်​သက်​​တွေမှာ ရှိတတ်​တဲ့ crush ဆိုတာမျိုး​ရော မဖြစ်​နိုင်​ဘူးလား!

အ​ဖြေက​တော့ No ပါ..

Highschool crush မျိုး​လောက်​ပဲဆိုရင်​
သူမ ရယ်​လိုက်​တိုင်းအ​ဝေးက​နေ ​အမြတ်​တနိုး
​ငေးကြည့်နေမယ်​ ထင်​လား။

​ကျောင်းပိတ်​ရက်​​တွေကို သူမ​နဲ့ ​ဝေး​စေတဲ့ ​နေ့​တွေ
အဖြစ်​ မုန်း​နေမိမယ်​လို့ ထင်​လား။

သူမရဲ့ အပြုအမူ လှုပ်​ရှားမှုတိုင်းကို ဂရုတစိုက်​နဲ့
အ​သေးစိတ်​ အထိ လိုက်​မှတ်​​နေမယ်​ ထင်​လား။

​နောက်​ဆုံး သူမ မှ ပြန်​မချစ်​ရင်​ ကိုယ်​ဟာ
ရူးသွား​လောက်​တယ်​လို့ ​တွေး​နေမိပါ့မလား။

အနည်းဆုံးတော့ သူ့အတွက်
ကိုယ့်ခံစားချက်ဟာ စစ်မှန်တယ်..
ဤမှန်သော စကားကြောင့်...

...........................................

'ဟဲ့ !သ​ရေ ကျ​နေပြီ..သတိထားဦး'

​ဘေးက Yena ရဲ့ အသံကြားမှ Chaeyeon ​ယောင်​ဝါးဝါး
နဲ့ နှခမ်းကို စမ်းလိုက်​၏။

'Yah..တကယ်​လဲ မဟုတ်​ဘဲနဲ့ :('

သူက စိတ်​ပျက်​စွာ ညည်း​လိုက်​ပြီး Yena ကို
မျက်​​စောင်းထိုးသည်​။ လက်​ကလဲ မလိုအပ်​ပဲ
အ​အေးခွက်​ထဲကို ပိုက်​နဲ့​မွှေ​လိုက်မိသည်။

'နင့်ပုံစံက ဆန်း​ဘေးကို
စားမတတ်​ကြည့်နေတာကိုး..
အမြင်​ကတ်​လို့ '

Ýena က ပြုံးစစပြုံးကာ အာလူး​ချောင်​း​ကြော်​ကို
​ကောက်​ဝါးနေသည်​။ သူ့သူငယ်​ချင်းပြောလဲ
​ပြောချင်​စရာ..ဒါ​ပေမဲ့ တစ်​ဝိုင်းကျော်​မှာ ထိုင်​ကာ
သူငယ်​ချင်း​တွေနဲ့ ရယ်​​မော​နေတဲ့ Eunbi ဆန်း​ဘေးနင်းမ်က​တော့
သူ့ကို ဘယ်​တုန်းကမှ
သတိထားမိပုံမ​ပေါ်။

Eunbi က လှသလို social လဲ​ကောင်းတော့
သူမအနားမှာ ဝိုင်းဝိုင်းလည်​​နေတာ​တော့ မဆန်းဘူး​လေ .. သူတို့ထက်​ တစ်​နှစ်​ကြီးတဲ့ ဆန်းဘေးမို့ တစ်​ခါမှလဲ စကားမ​ပြောဖူးသလို့
ပြောစရာအ​ကြောင်းလဲ
မရှိတာမို့ ခပ်​တန်းတန်းပင်​။
ဒါ​ပေမဲ့ ကံတရားက Chaeyeon ကို မျက်​နှာသာ ပေးထားတာ တစ်​ခု​တော့ရှိသည်​။
သူတို့အိမ်​က
Eunbi ရဲ့ အိမ်​နှင့်မ​ဝေးတာမို့
အိမ်​ပြန်​လမ်းတူ
​နေသည်​. ..ဒါပေမဲ့ လမ်းမှာ​တွေ့ရင်​လဲ
နှုတ်​မဆက်​ရဲဘဲ ​နောက်​က​နေသာ တိတ်​တိတ်​​လေး
​လျှောက်​ပြန်​ခဲ့ရတဲ့ ရက်​​တွေက မနည်​းမ​နော..