جنون الحب

البارت الثالث

هاي شنو الاتصالات والرسائل
محمد منين اخذ رقمي
لا اكيد شمس اليوم اموتهة
اتصل......

شمس : الوو
نرمين : انتي شلون تنطين رقمي لاخوج
شمس: اصبري شتحجين اني ما مطيه رقمج
بداخلي اتذكرت محمد اخذ جهازي وفتحة جانت
اول مره هاا عرفت السبب هسه

نرمين حبيبتي اعذرينه اني احاجي محمد وامسح رقمج

نرمين: ياريت وكليله مره ثانية يصير غير شيء يله
باي

شمس : سدته بوجهي 😡
اوف منك محمد شكاعد تسوي عفت البنات كلهن
واجيت على شمس شيخلصنة

انتظرت محمد لمن رجع لليل

12:30ص

فتح الباب
محمد : شمس شعندج كاعده لهسه
شمس : كاعده انتظرك 
محمد : ليش احجي شعندج
شمس : محمد شتريد من شمس اختصر
محمد : مرايد شيء الابنية عجبتني و اريد اتقدملهة
شمس : محمد بهل اليومين عجبتك هذا زواج مو لعبة
محمد :اعرف اخذت كلبي شسويلهة وهي عنودية مكاعد تفهم اني ماريد أذيهة اريد اتقدملهة مثل الناس جايهة من الباب

شمس : اعرف بيك انته اخوية واعرفك بس محمد
محمد : شنو بس شمس
شمس : محمد نرمين متوافق هسه اعرفهة
محمد : وليش متوافق مناقصني شيء الحمدالله
شمس :اعرف محمد بس نرمين تريد تكمل دراستهة وتحقق حلمهة تريد تصير دكتورة و علمود هذا مراح توافق
محمد : اني ما امنعهة من دراستهة ولا حلمهة اموافق عليهن ما ترفض بس انتي لازم تساعديني
شمس : شنو شلون اساعدك ؟ انته متصل عليهة وهي اتصلتلي متعصبة و كتلهة حمسح رقمج من يمه

محمد : فاتحيهة بالموضوع وشوفي شدكول من تعرف زواج اني ما اضحك عليهة
شمس : حفاتحهة بالموضوع واردلك جواب
محمد : اي عفية بأختي يله روحي نامي والصبح اخذكم
شمس : لا لا هلمره اروح وحدنه حتى اكدر احاجيهة ابتعد عنه هلايام
محمد : ماشي تصبحين على خير
شمس : وانته من اهله

صعدت لغرفتي و ممصدكه محمد معقولة انعجب بنرمين بس بيومين
بداخلي عادي هو امبين حباهة والحب ميعرف وقت
ان شالله اكدر اساعدهة واقنع نرمين
شفايتلي نرمين صديقة طفولتي واختي بس يتزوج انعيش سوه حيل فرحانه
نمت واني ادعي ان شالله تقنع وتوافق

7:40 ص

نرمين : دك دك ( باب بيت شمس )
انفتح الباب اباوع وعيوني يريدن يطلعن من الصدمة
من العطر الثولني ثول والصدر والعريض والطول والجمال رفعت راسي واشوف محمد حواجبي انعقجن
انطبكن مع بعض لا ارادي 😂

محمد : صباح الخير 😍
نرمين : صباح النور 😒 وين شمس صيحهة اتأخرنه
محمد : كاعد تتحظر فوتيلهة بالحديقة ميصير تضلين واكفة بالشارع
نرمين : لا شكراً مرتاحة هنا بس صيحهة اتاخرنه
محمد : براحتج يله عن اذنج هسه تجي