في الفندق عند فهد
محمد : ايوا يافهد الاجتماع هيبدا كمان نص ساعه
فهد : تمام انا عشر دقائق وهكون عندك
محمد : تمام انا جهزت كل بنود العقد
......
وبعد نص ساعه كان قد حان وقت الاجتماع
اجتمع كلا الطرفين
مارس : دا شرف لينا يا مستر فهد أننا نتعاقد مع شركة حضرتك
فهد بكل غرور معتاد عليه : طبعا دي أكبر شركه في العالم للإصدار والتصدير
مارس : طبعا طبعا مستر فهد
محمد : ودي العقود
مارس وهو يتطلع
مارس : جميل واحنا موافقين على كل البنود مستر فهد
فهد : تمام نوقع العقود
مارس : اكيد
فهد وهو يصافح مارس أتمنى أننا نكمل الشراكة دي على خير
مارس : اكيد مستر فهد
فهد يلا بينا يا محمد
محمد : يلا
فهد : جهز الطياره عشان هنسافر النهارده
محمد: كل حاجه جاهزه اطلع انت بس الفندق وجهز حاجتك وانا هستناك تحت في صالة الاستقبال
فهد : تمام
___________________________
في منزل محمود الخولي
الأم : انتي لسه نايمه يا موكوس
أسيل : نفس الاسطوانة المشروخه بتاعت كل يوم ال مبتخلصش
الام: ما انتي لو بتصحي من غير مناحيه مكنش كل دا هيحصل
أسيل : اوووووف
الام : انتي لسه هتنفخي قومي يلا
أسيل : حاااااضر انا قومت اهووو
أميرا : انا مفيش يوم اعرف اخد فيه نومتي الكافيه من اصواتكوا العاليه والله الله يكون في عون الجيران منكم دا يا ال مع أهل البيت عايزه أروح أبلغ فيكوا بس يلا نعمل ايه بقا
الام : أنا مخلفه شوية بهايم ما هو كلوا من عمايلكوا السوده
أميرا : انا هروح ألبس احسن واروح مدرستي بدل ما اسمعلي كلمتين على الصبح يغموا نفسيتي
أسيل : خوديني في ديلك ونبي يا اخوتشي متسبنيش لوحدي مع أمك لترتكب فيا جريمه
أميرا : أجري بسرعه يا نصه قبل ما الشبشب يجي على دماغك
أسيل : اووووووبس لقد وقعت الفأس في الرأس الشبشب خلاص شرف على دماغي
أميرا : تستاهلي أما أروح الحق نفسي بدل ما اخودلي شبشبين على دماغي شكل ناس هناا
أسيل : ايوا ايوا اشمتي فيا بس بكره يجيلك يومك وانا ال اشمت فيكي
أميرا : بعينك
أسيل : طب يا ختي انتي وأمك هوينا خليني اعرف اغير هدومي
أميرا : يلا يا ماما روحي انتي جهزي الفطار على ما نكون جهزنا نفسنا
الام : ماشي بس متتأخروش
أسيل : تمام يا ست الحبايب يا حنونه انت
أميرا : على السمع والطاعة سيدتي
الام بضحك وهي تتجه الي المطبخ : مجانين
أسيل : سمعتك على
فكره هااا
الام : اتلمي يا بت
________________________________
عند فهد كان قد وصل الي قصره
فهد بأمر : يا صباح
صباح : حمدلله على سلامتك يا فهد بيه
فهد : الله يسلمك يا صباح
صباح : كنت عايز حاجه يا بيه
فهد : ايوا اعمليلي فنجان قهوه وهاتيه عندي المكتب صباح : حاضر يا بيه
فهد : متتأخريش
صباح : تمام
فهد : امال فين فريده هانم
صباح : والله ما اعرف يا بيه انت من ساعت ما سافرت وهي ماجتش الفيلا
فهد بغضب : يعني ايه الكلام دا ازاي لسه ماجتش الفيلا لحد دلوقتي
صباح بخوف : والله ما اعرف هي راحت فين يا بيه
فهد : روحي انتي دلوقتي وقام فهد بالاتصال ب أحد الأشخاص
فهد : في خلال خمس دقائق تكون عارفلي فريده هانم فين من ساعت ما أنا سافرت لأمريكا
الشخص بخوف : حاضر يا باشا
فهد وقد أغلق الخط في وشه كدا حسابك زاد معايا يا فريده هانم أما وريتك ما اباش اسمي فهد العمراني _________________________________
في الجامعه
وصلت تلك المجنونه الي الجامعه وقد لمحها شاب ما أحمد : هو المز في اهنه قسم
أسيل : ما تحترم نفسك يا جدع انت الله
أحمد : في ايه بس يا موزه
أسيل : لا وحيات أمك موزة مين ياض والله لو ما مشيت من وشي السعادي لأكون مسحه بكرامت أهلك الأرض
أحمد : ادا ما تهدي الدور شويه يا بت انتي انتي هتعملي عليا دور الخضرا الشريفه وانتي مقضياها
أسيل : انا أشرف من عشره زيك يا منتن
أحمد : انا ساكتلك من سعته يا بت انتي لاكن انتي طفولتي لسانك زياده عن اللزوم
أسيل وقد طفح بيها الكيل نزلت على وشه بالقلم
أحمد : انتي ازاي تتجرأي وتمدي إيدك عليا انتي متعرفيش انا مين ولا ايه يا بت انتي
أسيل : لا معرفش ومش عايزه اعرف
أحمد : يعني كدا طب وديني وما أعبد لاءدفعك تمن القلم دا الضعف
أسيل : ولا التخين في عيلتك يقدر يعملي حاجه وقامت منصرفه من وشه ذاهبه ال قسمها
محمد بتوعد: بقا حتة بت جربوعه زيك تضرب أحمد العمراني طب والله لاخليكي تندمي على ال انتي عملتيه واخليكي تقولي حقي برقبتي صبرك عليا بس أما وريتك ما اباش انا أحمد العمراني
________________________________
عند فهد
فهد : يعني ايه الكلام دا
المتصل : والله زي ما بقولك يا فهد باشا فريده هانم من ساعت منتا سافرت وهي قاعده في فيلا أيمن الفتوحي
فهد : أنت متأكد من الكلام دا
المتصل : ايوا يا باشا والله متأكد
فهد : أنت عارف لو كنت كدبت عليا ف حرف واحد عارف هيحصلك ايه
المتصل : عارف يا باشا عارف
وفي هذه الأثناء دق باب غرفة مكتب فهد
فهد : ادخل
صباح : فهد باشا
فهد : ايوا يا صباح
صباح : كنت عايز ه اقول لحضرتك يا باشا أن فريده هانم رجعت الفيلا
فهد وقد قام من مكانه : كويس وقام متجها ناحية غرفة فريده
فهد وهو يدق الباب بعصبيه
فريده : مين ال بيخبط بالطريقه دي
فهد : انا يا فريده هانم
فريده بغضب : انا ازاي تخبط على باب اوضتي بالطريقه دي
فهد : يا ترى يا فريده هانم قعادك في فيلا أيمن الفتوحي دا كويس
فريده بتعلثم: أ يم ن انت ازاي عرفت
فهد : يعني الكلام دا صحيح
فريده : أنت ملكش دعوه انا حره وأعمل ال أنا عايزاه أنت ملكش دخل
فهد : لييييييه انا عملتلك اييبييه عشان تعملي فيا كل دا مع اني عارف أن انتي السبب ورا موت ابويا ال أن انا مردتش ازيكي انتي ليه بتعملي كدا لي
فريده : والله أنا اعمل ال أنا عايزاه وانت أعلى نا في خيلك اركبه
فهد وقد ترك فريده تتحدث وذهب دون انا يتحدث بنص كلمه زياده
فريده : عيل ما عندهوش احترام سايبني بتكلم ويقوم يمشي ماشي صبرك عليا يا ابن حسن العمراني
________~~~~~_______~~~~~_______
انتهى البارت أتمنى انا يكون نال الإعجاب
بقلمي / لولو عامر ♡♡♡♡
