( معجزتي السريـة )

الجزء 6

( بيت سلطان )

سفط سيارته جنب بيته الشفاف اللي يبان الصاله والمطبخ المفتوح والدرج الأبيض من برا البيت

حس بسياره توقف ورا سيارته وتنهد يوم شاف ياسر ينزل من هالسياره

ياسر نزل من السياره بسرعه وبعصبيه : انت هييه! ماقلت لي وش صار مع ماجد

سلطان طنشه وضل يمشي لباب البيت ومعطيه ظهره

سلطان بدون ما يلف : لاتكلمني مزاجي مو كويس

ياسر يمشي وراه وبصراخ : وليه ان شاءلله معصب ؟ منو المفروض يعصب ؟

فتح الباب سلطان : عرضت عليه اوصله للبيت ورفض ! مين اللي يرفض سلطان راشد ؟ "وبتأفف" الله ياخذني انا بعدين ليه عرضت عليه اوصله ؟؟

ياسر بأستغراب وباقي يمشي وراه : شفيك انت مو هذا نوعك المفضل المهم "وبصراخ" انت قلت لي اذا ركبت السياره بتقولي وش صار مع ماجد خلصنني

سلطان : بس انت ماجلست فيها نزلت لي بالأخير تصارخ زي البزر

ياسر بصراخ : نزلت لأن الولد راح

سلطان ببرود : ماقلت لك انزل اذا هو راح

ياسر بصراخ : طيب خلاص انا الغلطان ارتحت الحين ؟

وقفوا بنص الصاله الوسيعه اللي يكسيها البياض من كل جهه، يعطي للعين منظر ان المكان وسييع

لف سلطان عليه : ياخي انت ماعندك عقل ؟ الحين تحسبني اذا ماسكتّه عن الموضوع بخليك تتسيخف عند الولد وتقول "يقلده" بس كنت بنفخ عليها يمكن تشفى  ؟؟؟

ياسر ضحك ضحكه غبيه وضرب كتفه : اجل حليييت الموضوع يا شرس "ورفع راسه فوق يضحك"

سلطان ابتسم على حركاته : زين كذا نكتب العقد صح ؟ المهم ترا بكرا بتبدأ فعاليات المتجر لازم تكون موجود للتوقيع للمعجبين

ياسر : تخسي ماراح اروح

أبتسم سلطان ومشى لغرفته

_______

( متجر سلطان )

الساعه 9 صباحاً

كان ياسر جالس على احد الكراسي وقدامه طاوله فيها كميه كبيره من بوستر اغانيه لجل التوقيع وكان قدامه مجموعه ناس كثيييره من معجبينه

رفع نظاراته الشمسيه وبطفش : الله ياخذك يا سلطان

هجموا الناس يتهاتفون بأسمه واللي يقط عليه باقات ورد ورسايل واللي يحاول يلمسه بينما كانوا الحراس الشخصيين واقفين حوله وحواليه أحتراس من الأذى، صراخ المعجبين غطى المتجر وصار اهتمام للموجودين بالمتجر بينما هو يبتسم ويوقع 
ويصور مع هذا وهذا ويسلم على هذا ويقبل هدايا هذا ..