اغتيال
الحلقه السادسه عشر
قاسي:سمعتك علي فكره خلي ليلتك.تعدي علي خير ياسميه احسن لك
سميه:وان معدتهاش يعني هيحصل ايه هتموتني
موتني وريحني وتبكي
يدخل غاضب من تطاولها ورفع صوتها عليه ويهم بضربها
قاسي:مش عارف ايه اللي مخليني مستحملك
ماتستفزنيش ياسميه انتي حامل بدل مايحصلك حاجه ف ايدي
ويوقفها امامها ليمسكها من خصرها بقوه
انتي عاوزه ايه بالظبط
ماهو خروج من هنا مش هتخرجي الا بعد ماتولدي لو اخترتي تمشي مش همسك فيكي
سميه:انا عاوزه ابني
قاسي :وانا كمان عاوز ابني واخزي الشيطان وماتخليش العرق الصعيدي ينتر ف نفوخي
يلا يابنت الحلال استهدي ونامي
تعالي ف حضن جوزك ارقيكي هو شيطان بن حرام ودخل بينا
سميه:تصدق انك مستفز
قاسي:يووووه اعملك ايه بقي اتخمدي ياسميه وعدي الليله علي خير
..................
تخبط عليهم ناريمان
ناريمان:في ايه من ساعه ماجيت وصوتكو عالي
ماتسيبلها الاوضه ولا توديها اوضه تانيه
نايم معاها ليه طالما مهمه وخلصت عايز منها ايه تاني
انت ناسي انك بتخطب وخطيبتك مش هتوافق علي الوضع ده
قاسي:لو سمحتي ياماما ماحبش حد يدخل بيني وبين مراتي انا حر انام معاها انام لوحدي حاجه ماتخصكوش ولو مش عاجبها الوضع ده تولع بجاز وسخ ماحدش هيمشيني علي مزاجه
انا بس اللي اقرر اقعد.فين ومااقعدش فين ودلوقت بقي عن اذنك عاوز انام
وترك ناريمان مذهوله من طريقه كلامه وكذلك سميه اتغطت ونامت فقد احست لو نطقت بكلمه هياكلها ويولع ف البيت كله
...................................
اغلق عليها الباب واعطي المفتاح لداده رحمه
قاسي:دا مفتاح اوضتي فيه الست هانم مراتي تطلعلها الاكل ف مواعيده وتقفلي وراكي
واياكي تسيبي الباب مفتوح وتخليها تاكل عشان العيل اللي ف بطنها
رحمه:حاضر ياحبيبي من عنيا اطمن
قاسي:متشكر ياداده
......................
وكانت داده رحمه تطلعلها الاكل وتتحدث معها عن احوالها
رحمه؛ لازم تاكلي الاكل كله عشان اللي ف بطنك
سميه:ماليش نفس ياداده
رحمه:انتي عاوزه تضرينا بقي لو قاسي بيه عرف انك.ماكلتيش هيطلع روحنا
سميه:خلاص ياداده هاكل عشان خاطرك
رحمه:ربنا يصلحلك الحال يابنتي
سميه:ممكن ورق ابيض وقلم ياداده
داده:حاضر من عنيا هشوفلك ف المكتب
وفعلا احضرت لها
فقد كان ملاذها تقف ف البلكونه وترسم ماتراه
وفي يوم ما
سميه:ممكن انزل الجنينه اتمشي انا بقيت ف السادس وقربت ع السابع والمفروض اتحرك
قاسي :تعالي امشيكي واوريكي حدود ماشيك فين وابقي انزلي اتمشي
سميه:يلا هلبس اهو وارتدت نقابها ونزلت للحديقه
انا عاوزه ادوات رسم ولوح وحامل للوح
قاسي:هيكونو موجودين عندك بكره وورينا الابداع يمكن الواد يطلع موهوب لامه
وفعلا احضرلها الادوات وبدات ف الرسم والتلوين
............
دخلت صافي وجدتها ترسم
صافي:الله منظر الغروب ده جميل اوي انا هشتري منك اللوحه دي
سميه:لا ياحبيبتي دي هديه ليكي
صافي :لا انا هبقي اول زبونه لكي
سميه:واول لوحه لكي هديه مجانيه
صافي:خلاص اوك
أنت تقرأ
إغتيال
Actionظابط امن دوله مكلف بمهمه خطيره ومن اجل المهمه لابد ان يحصل علي فتاه منتقبه فيقبض عليها ويتزوجها لاتمام مهمته فماذا سيحدث بينهما ياتري وهي من نسج الخيال بعيده تماما عن الواقع ولكن شوفو ايه هيحصل بينهم
