كونى مثلهن👑🌸

صلاه الاستخاره☁

صلاة الاستخاره يعني ايه صلاة الاستخاره ؟؟

وازاي بتتصلي ؟؟ وازاي اعرف اختار بعدها ؟؟ ركز معايا
الاستخاره هي ركعتين بتصليهم لما تكون مقدم ع عمل أو قرار أو محتار بين أمرين وأي أمر في حياتك (مش بس في اختيار الزوجه او الزوج)

أزاي_بتتصلي بعد اى ركعتين سنه او ركعتين لله ..  هتدعى دعاء الإستخارة و بيتقال يا قبل التسليم من الصلاه يا بعدها مباشرة

امور_تاخد_بالك_منها عود نفسك ع الاستخارة في كل حاجه فى حياتك حتي لو بسيطه(ومفيش أمر هتدخله ويخيب بإذن الله)
اليقين مش تصلي علي أساس انك بتجرب جات ولا مجتش (الله لا يجرب)
ركعتين الصلاه دول لوحدهم في وقت غير الفريضة والأفضل قبل ما تنام مباشره
طيب لو بنت مستعجلة وعندها عذر شرعي تعمل ايه ؟؟ تكتفي بدعاء الاستخارة بس ..
ازاي اختار بعدها بقي؟  بص ياسيدي مش شرط خالص تشوف رؤيا بعدها أو ملائكه بجناحات أو حتي تحس أن الأمر خير ، انت تصلي وامضى في امرك و لو شر ربنا هيبعده عنك ، ولو لقيت الموضوع ماشي معاك ومتسهل اعرف انه صح وبرضه ع فكره ممكن يكون الخير في أول الأمر بس وبعده شر ساعتها مش هيكمل معاك ، ولو صليت الاستخاره وقلقت صليها تاني ، دعاء الاستخاره بيتقال زي ما هو 
أكتفي بالاستخاره بس ...لا طبعا لازم مع الاستخاره الاستشاره ، ابن تيمية قال(ما ندم من استخار الخالق وشاور المخلوقين وثبت في أمره) بس بلاش تستشير صاحبك اللي مقضيها فيس  ولا تستشيري صاحبتك اللي مقضياها افلام وواقفه قدام المرايا اكتر من نص عمرها ولا الشخص اللتات اللي قاعد ع شط البحيره بيجيب في سيرة الناس يفضل يكون شيخ أو حد عاقل نثق في رأيه..
ملحوظه صلاة الاستخاره تبقي في الحلال بس ،  ومينفعش شخص يصليها علشان يعمل حاجه مش صح وذنب وحرام لإنه كده استهزاء بحدود الله قال تعالى : إِنَّ اللَّهَ لَا يَأْمُرُ بِالْفَحْشَاءِ ..

دعاء_الاستخارة
اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِ
🕊🤍🌧
#مقتبس