ﺍﻟﺴﺠﻴﻦ ﺍﻟﺤﻠﻘﻪ 2
ﺍﻭﺱ : ﻣﺤﻜﻤﺔ ﺷﻨﻮ؟ 😳 ﺍﻧﺎ ﻣﺪﺭﺗﺶ ﺷﻲ ﻭﻻﺯﻡ ﻧﻠﺤﻖ . ﻃﻴﺎﺭﺗﻲ
ﺍﻟﺸﺮﻃﻲ : ﺍﺭﻓﻌﻮﻫﻢ ﻟﻠﻤﺮﻛﺰ
ﺍﻳﻬﺎﺏ : ﻭﺍﺿﺢ ﺍﻧﻪ ﺑﺮﻧﺎﻣﺞ ﺍﻟﺼﺪﻣﻪ ﻭﺍﻭ ﺍﻧﺼﺪﻣﻨﺎ ﺧﻼﺹ ﻃﻠﻌﻮ ﺍﻟﻜﻤﻴﺮﺍﺕ 😒
ﺍﻟﺸﺮﻃﻲ : ﻗﺪﺍﻣﻲ ﺍﻧﺖ ﻭﻳﺎﻩ
ﻭﺍﺧﺬﻭ ﺍﻭﺱ ﻭﺍﻳﻬﺎﺏ ﻓﻲ ﺳﻴﺎﺭﺕ ﺍﻟﺸﺮﻃﻪ
ﻓﺮﺍﺱ : ﺷﻦ ﺻﺎﺭ ﻣﻌﺎﻛﻢ
ﻓﺮﻳﺪ : ﺍﻻﻣﻮﺭ ﻃﻴﺒﻪ ﺑﺪﻟﻨﺎ ﺍﻟﺸﻨﺎﻃﻲ ﻭﺑﻌﺪﻧﺎ ﺍﻟﺸﺒﻬﺎ ﻣﻦ ﻋﻠﻴﻨﺎ
ﺍﺑﺮﺍﻫﻴﻢ : ﺧﻮﺫﻱ ﺷﻨﺎﻃﻴﻬﻢ ﺍﺣﺮﻗﻮﻫﻢ ﻣﺘﺨﻠﻮﺵ ﺩﻟﻴﻞ
ﻓﺮﺍﺱ : ﺗﻤﺎﻡ
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨
ﻓﻲ ﺳﻴﺎﺭﺕ ﺍﻟﺸﺮﻃﻪ -:
ﺍﻭﺱ : ﺍﻧﺖ ﻭﺭﺍﺀ ﻳﻠﻲ ﻗﻌﺪ ﻳﺼﻴﺮ ؟
ﺍﻳﻬﺎﺏ : ﻻ ﻗﺪﺍﻣﻪ 😒
ﺍﻭﺱ : ﻧﺤﻜﻲ ﻣﻌﺎﻙ ﺟﺪﻳﺎﺕ ﺍﻧﺎ ﻛﻴﻒ ﻭﺻﻠﺖ ﺍﻟﻤﺨﺪﺭﺍﺕ ﻟﻲ ﺷﻨﻄﻲ
ﺍﻳﻬﺎﺏ : ﺯﻱ ﻣﻮﺻﻠﺖ ﻟﻲ ﺷﻨﻄﻲ ﺍﻛﻴﺪ ﻓﻲ ﺷﻲ ﻏﻠﻂ ﻭﺭﻡ ﻳﻮﺿﺢ ﻓﻲ ﺍﻟﻤﺮﻛﺰ
ﺍﻟﺸﺮﻃﻲ : ﻫﻴﻲ ﺍﻧﺖ ﻭﻳﺎﻩ ﻣﻨﺒﻴﺶ ﻧﺴﻤﻊ ﺻﻮﺗﻜﻢ ﻟﻴﻦ ﻧﻮﺻﻠﻮ
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨
ﻓﻲ ﺍﻟﺘﺤﻘﻴﻖ :
ﺍﻟﻀﺎﺑﻂ : ﺍﻟﻮﺍﺿﺢ ﺍﻧﻜﻢ ﺟﺪﺩ ﻋﻠﻲ ﺍﻟﺨﺪﻣﻪ ﻫﻴﺎ ﺍﻧﺘﻢ ﺍﻟﺰﻭﺯ ﻭﻣﺘﺒﻮﺵ ﺗﻘﻮﻟﻮ ﻣﻊ ﻣﻨﻮ ﺗﺨﺪﻣﻮ ﻭﻟﻤﻨﻮ ﺭﺍﻓﻌﻴﻦ ﺍﻟﺒﻀﺎﻋﻪ ﻧﻌﺎﻭﺩ ﻧﻘﻮﻟﻠﻜﻢ ﻟﻮ ﺍﻋﺘﺮﻓﺘﻮ ﺑﻠﺤﻖ ﺭﺡ ﻧﺨﻔﻒ ﺍﻟﻌﻘﻮﺑﻪ
ﺍﻳﻬﺎﺏ : ﺍﻧﺎ ﻧﻌﺘﺮﻑ
ﺍﻭﺱ 😳😳:
ﺍﻳﻬﺎﺏ : ﻧﻌﺘﺮﻑ ﺍﻧﻲ ﻣﺪﺧﻠﻲ ﻓﻲ ﺷﻲ 😂
ﺍﻟﻀﺎﺑﻂ : ﺗﺘﺴﻬﻮﻙ
ﺍﻳﻬﺎﺏ : ﻭﺍﻟﻠﻪ ﺷﻲ ﻳﻀﺤﻚ ﺗﻌﺮﻑ ﺍﻧﺎ ﻓﺪﻳﺖ ﻣﻦ ﺣﻴﺎﺗﻲ ﻧﺒﻲ ﻧﺴﺎﻓﺮ ﻭﻧﺒﻨﻲ ﻣﺴﺘﻘﺒﻠﻲ ﺑﺮﺍ ﻟﻘﻴﺖ ﺭﻭﺣﻲ ﻣﻘﻌﻤﺰ ﻓﻲ ﻣﺮﻛﺰ ﺷﺮﻃﻪ ﻭﻓﻲ ﻗﻀﻴﺔ ﻣﺨﺪﺭﺍﺕ ﺧﻠﻴﻨﻲ ﻧﻀﺤﻚ ﺑﺎﻟﻠﻪ ﻧﻬﻮﻥ ﻋﻠﻲ ﺧﺎﻃﺮﻱ
ﺍﻭﺱ ️♂臘:
ﺍﻟﻀﺎﺑﻂ : ﻭﻫﻜﻲ ﻳﻜﻮﻥ ﺗﺼﻜﺮ ﺍﻟﻤﺤﻀﺮ ﻳﺎ ﺳﻠﻴﻤﺎﺍﺍﺍﻥ ﺗﻌﻼ ﺍﺭﻓﻌﻬﻢ
ﺍﻭﺱ : ﺗﻲ ﻭﻳﻦ ﺑﻴﺮﻓﻌﻨﺎ ﻧﺒﻲ ﻣﺤﺎﻣﻲ ﺍﻧﺎ ﻛﻴﻒ ﻳﺼﻴﺮ ﻫﻜﻲ
ﺍﻟﻀﺎﺑﻂ : ﻏﻀﻮﺍ ﺭﺡ ﻳﺤﻮﻟﻮﻙ ﻉ ﺍﻟﻨﻴﺎﺑﻪ ﻭﻗﻮﻝ ﻃﻠﺒﺎﺗﻚ ﻛﻠﻬﺎ
ﺳﻠﻴﻤﺎﻥ : ﻫﻴﺎ ﺍﻧﺖ ﻭﻳﺎﻩ
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨
ﺩﺍﺧﻞ ﺍﻟﺰﻧﺰﺍﻧﻪ -:
ﺍﻭﺱ : ﻣﺴﺘﺤﻴﻴﻞ ﻧﻘﻌﺪ ﻧﺴﺘﻨﺎ ﻫﻜﻲ ﺍﻧﺎ ﻣﺴﺘﺤﻴﻞ ﻳﺎ ﻓﻨﺪﺩﺩﺩﺩﻱ
ﺍﻳﻬﺎﺏ : ﻭﺍﺍﺍﻙ ﻧﻔﺨﺘﻠﻲ ﺭﺍﺳﻲ ﺗﻲ ﻗﻌﻤﺰ
ﺍﻭﺱ : ﻋﻨﺪﻙ ﻋﺎﺩﻱ ﺍﻧﺖ ﺍﻣﻮﺭﻙ ﻃﻴﺒﻪ؟ﺗﻲ ﻛﻨﺖ ﺯﺍﺑﻂ ﺍﻧﻚ ﻭﺭﺍ ﺍﻟﻤﻮﺿﻮﻉ ﻭﺭﺡ ﺗﻄﻠﻊ ﻭﻧﻘﻌﺪ ﻓﻴﻬﺎ ﺍﻧﺎ
ﺍﻳﻬﺎﺏ : ﺗﻌﺮﻑ ﻣﺘﺴﻜﺘﺶ ﺑﻨﻮﺽ ﻧﻌﺠﻨﻚ ﻃﺮﻳﺤﻪ ﺣﺘﺎ ﺑﻮﻙ ﻣﻌﻄﻠﻬﺎﻟﻜﺶ
ﺍﻭﺱ : ﺑﺴﺒﺒﻚ ﺭﺡ ﺍﺿﻴﻊ ﺷﻐﻠﻲ ﻭﺳﻔﺮﺍﻱ ﻭﻛﻞ ﺷﻲ ﻛﻨﺖ ﻣﺨﻄﻄﻠﻪ
ﺍﻳﻬﺎﺏ : ﻳﻌﻨﻲ ﺍﻧﺎ ﻳﻠﻲ ﺍﻣﻮﺭﻱ ﺗﻤﺎﻡ ﻭﻣﺶ ﺭﺡ ﻳﻀﻴﻊ ﻋﻠﻴﺎ ﺷﻲ
ﺍﻟﺴﺎﻋﻪ 8 ﻓﻲ ﺍﻟﻠﻴﻞ -:
ﺍﻳﻬﺎﺏ : ﺍﻧﺖ ﺷﻦ ﺍﺳﻤﻚ؟
ﺍﻭﺱ : ﺷﻦ ﺩﺧﻠﻚ
ﺍﻳﻬﺎﺏ : ﺍﻟﻮﺍﺿﺢ ﺍﻧﻚ ﻣﺶ ﺍﻧﺖ ﺍﻟﺴﺒﺐ ﻓﻲ ﻫﺎﺫﺍ ﻛﻠﻪ ﻳﻌﻨﻲ ﺣﺎﻟﻴﺎ ﻣﻠﻴﻨﺎﺵ ﻏﻴﺮ ﺑﻌﺾ ﺍﻻﺣﺴﻦ ﺍﻧﻚ ﺗﺎﺧﺪ ﻭﺗﻌﻄﻲ ﻣﻌﺎﻱ ﺑﺎﺵ ﻧﻔﻬﻤﻮ ﻉ ﺑﻌﺾ
ﺍﻭﺱ : ﺍﻧﺎ ﺍﻭﺱ
ﺍﻳﻬﺎﺏ : ﻭﺍﻧﺎ ﺍﻳﻬﺎﺏ
ﺍﻭﺱ : ﻭﻳﻦ ﻛﻨﺖ ﻣﺴﺎﻓﺮ ﺍﻧﺖ؟
ﺍﻳﻬﺎﺏ : ﻟﻲ ﺗﺮﻛﻴﺎ ﻉ ﺍﺳﺎﺱ ﺑﻨﺒﺪﺍ ﻧﻜﻮﻥ ﺭﻭﺣﻲ ﺑﺮﺍ
ﺍﻭﺱ : ﻭﻟﻴﺶ ﻣﺘﻜﻮﻧﺶ ﺭﻭﺣﻚ ﻫﻨﺎﻳﺎ
ﺍﻳﻬﺎﺏ : ﺟﻴﺖ ﻓﻲ ﻋﻴﻠﻪ ﻭﺿﺮﻭﻑ ﻣﺘﻘﺪﺭﺵ ﺍﺩﻳﺮ ﺷﻲ ﻏﻴﺮ ﺍﻧﻚ ﺗﻤﻮﺕ ﺑﻲ ﻗﻬﺮﺗﻚ
ﺍﻭﺱ : ﻓﻬﻤﺖ ﻋﻠﻴﻚ 💔
ﺍﻳﻬﺎﺏ : ﻭﺍﻧﺖ؟
ﺍﻭﺱ : ﺣﺘﺎ ﺍﻧﺎ ﻛﻨﺖ ﻣﺎﺷﻲ ﺗﺮﻛﻴﺎ ﻋﻨﺪﻱ ﺳﻔﺮﻳﺔ ﺷﻐﻞ ﻧﺒﻲ ﻧﻜﻤﻞ ﺣﻮﺷﻲ ﺑﻲ ﺍﻟﻔﻠﻮﺱ ﻳﻠﻲ ﻧﺤﺼﻠﻬﻢ
ﺍﻳﻬﺎﺏ : ﺧﺎﻃﺐ 😳
ﺍﻭﺱ : ﺍﻱ
ﺍﻳﻬﺎﺏ : ﺭﺑﻲ ﻳﻜﻮﻥ ﻓﻲ ﻋﻮﻧﻚ
ﺍﻭﺱ : ﺍﻧﺸﺎﺀ ﺍﻟﻠﻪ ﺍﻫﻠﻚ ﻭﻳﻦ؟
ﺍﻳﻬﺎﺏ : ﺍﻣﻲ ﻭﺑﻮﻱ ﻣﻨﻔﺼﻠﻴﻦ ﺍﻧﻲ ﻋﺎﺷﺖ ﺣﻴﺎﺗﻬﺎ ﻭﺗﺰﻭﺟﺖ ﻭﺑﻮﻱ ﺗﺰﻭﺝ ﻭﻣﻴﻌﻠﻢ ﺑﻲ ﺍﻟﺪﻧﻴﺎ ﻭﻳﻦ ﺩﻳﻤﻪ ﺩﺍﻳﺦ
ﺍﻭﺱ : ﻋﻨﺪﻙ ﺧﻮﺕ؟
ﺍﻳﻬﺎﺏ : ﻋﻨﺪﻱ ﻭﺯﻱ ﻗﻠﺘﻬﻢ ﻣﺘﺰﻭﺟﻴﻦ ﻭﻛﻞ ﺣﺪ ﻻﻫﻲ ﻓﻲ ﺣﺎﻟﻪ
ﺍﻭﺱ : ﺍﺧﺨﺨﺦ
ﺍﻳﻬﺎﺏ : ﻭﺍﻧﺖ؟
ﺍﻭﺱ : ﺍﻧﺎ ﺍﻣﻲ ﻭﺑﻮﻱ ﻣﺘﻮﻓﻴﻴﻦ ﻭﻣﻌﻨﺪﻳﺶ ﻻﺧﻮﺕ ﻭﻻ ﺧﻮﺍﺕ ﻋﺎﻳﺶ ﻣﻊ ﺣﻨﺎﻱ ﻣﻦ ﺻﻐﺮﻱ
ﺍﻳﻬﺎﺏ : ﻓﻲ ﺷﻨﻮ ﺗﻮﻓﻮ
ﺍﻭﺱ : ﺣﺎﺩﺙ ﺳﻴﺎﺭﻩ
ﺍﻳﻬﺎﺏ : ﺭﺑﻲ ﻳﺮﺣﻤﻬﻢ
ﺍﻭﺱ : ﺗﺴﻠﻢ
ﺍﻟﺸﺮﻃﻲ : ﺍﻭﺱ ﺧﺎﻟﺪ
ﺍﻭﺱ : ﺍﻧﺎﺍﺍ
ﺍﻟﺸﺮﻃﻲ : ﺍﻟﻤﺤﺎﻣﻲ ﺗﺒﻊ ﺍﻟﻤﺤﻜﻤﻪ ﺑﺮﺍ ﺍﻃﻠﻊ
ﺍﻳﻬﺎﺏ : ﺗﻮﻛﻞ ﺭﺑﻲ ﻣﻌﺎﻙ
ﻓﻲ ﻏﺮﻓﺔ ﺍﻟﺘﺤﻘﻴﻖ ✨:
ﺍﻟﻤﺤﺎﻣﻲ : ﻣﺘﺄﻛﺪ ﻫﺎﺩﺍ ﻳﻠﻲ ﺻﺎﺭ
ﺍﻭﺱ : ﺍﻱ
ﺍﻟﻤﺤﺎﻣﻲ : ﺍﺳﻒ ﺑﺲ ﻣﻬﻤﺎ ﺩﺭﺕ ﺍﻟﻘﻀﻴﻪ ﺧﺎﺳﺮﻩ ﺷﺪﻭﻛﻢ ﻣﺘﻠﺒﺴﻴﻦ ﺭﻩ ﻭﻣﺨﺒﻴﻴﻦ ﺍﻟﻤﺨﺪﺭﺍﺕ ﺗﺤﺖ ﻏﻼﻑ ﺍﻟﺸﻨﺎﻃﻲ ﻳﻌﻨﻲ ﻣﻔﻴﻬﺎﺵ ﻛﻴﻒ ﺑﻜﻞ
ﺍﻭﺱ : ﺑﺲ ﺍﻧﺎ ﻣﺪﺭﺕ ﺷﻲ ﻛﻴﻒ ﻳﺼﻴﺮ ﻓﻴﺎ ﻫﻜﻲ
ﺍﻟﻤﺤﺎﻣﻲ : ﺍﺳﻒ ﺑﺠﺪ ﺭﺑﻲ ﻣﻌﺎﻙ ﻟﻮ ﻛﻨﺖ ﻣﻀﻠﻮﻡ
ﺍﻟﺸﺮﻃﻲ؛ ﺧﺶ ﺩﺍﺧﻞ
ﺍﻭﺱ : ﺑﺸﻮﻳﻪ ﻧﺴﻤﻌﻮ ﻓﻴﻚ
ﺍﻟﺸﺮﻃﻲ : ﻫﺎﻙ ﺍﻧﺖ ﻭﻳﺎﻩ ﻓﺮﺍﺵ ﻭﺑﻄﺎﻧﻴﻪ ﺗﺮﻗﺪﻭ ﻭﻣﻨﺒﻴﺶ ﻧﺴﻤﻊ ﺻﻮﺕ ﻟﻴﻦ ﺗﺘﺤﻮﻟﻮ ﻟﻠﻤﺤﻜﻤﻪ ﻏﻀﻮﺍ
ﺍﻳﻬﺎﺏ : ﺷﻦ ﺻﺎﺭ ﻣﻌﺎﻙ
ﺍﻭﺱ : ﺍﻟﻘﻀﻴﻪ ﺧﺎﺳﺮﻩ ﻭﻣﻔﻴﻬﺎﺵ ﻛﻴﻒ ﻧﻄﻠﻌﻮ
ﺍﻳﻬﺎﺏ : ﻣﻔﺮﻭﺽ ﺍﻧﺎ ﻓﻲ ﺗﺮﻛﻴﺎ ﺗﻮﺍ 😂😂😂😂😂ﻫﻬﻬﻬﻬﻬﻪ ﻭﺍﺍﺍﻙ ﻉ ﺍﻟﺠﻮ
ﺍﻭﺱ : ﺑﺎﻟﻠﻪ ﻓﻲ ﺷﻲ ﻳﻀﺤﻚ ﺗﻮﺍ ﻓﻲ ﻫﺎ ﺍﻟﻤﺼﻴﺒﻪ ﻳﻠﻲ ﻃﺎﻳﺤﻴﻦ ﻓﻴﻬﺎ
ﺍﻳﻬﺎﺏ : ﺗﻲ ﻏﻴﺮ ﺟﻮﻙ ﻳﺎﺭﺍﺟﻞ ﺍﻟﺪﻧﻴﺎ ﺳﺎﻋﺎﺕ ﻣﻌﺪﻭﺩﻩ ﺭﻩ
ﺍﻭﺱ : ﺍﺍﺍﺍﺍﺍﺍﻩ
ﻭﻓﺎﺗﺖ ﺍﻟﻠﻴﻠﻪ ﻛﺄﻧﻬﺎ ﺳﻨﻪ ﻋﻠﻲ ﺍﻭﺱ ﻭﺍﻳﻬﺎﺏ ﺍﻭﺱ ﻣﺴﺘﺎﺣﺶ ﺧﻄﻴﺒﺘﻪ ﻣﺮﻳﻢ ﻭﻳﻔﻜﺮ ﺷﻨﻮ ﺭﺡ ﻳﺼﻴﺮ ﻓﻴﻪ ﻭﺍﻳﻬﺎﺍﺏ ﻳﻨﺪﺏ ﻓﻲ ﺣﻀﻪ ﺍﻟﻨﺤﺲ
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨
ﺛﺎﻧﻲ ﻳﻮﻡ -:
ﺍﻟﺸﺮﻃﻲ : ﻫﻴﺎ ﺍﻧﺖ ﻭﻳﺎﻩ
ﺍﻳﻬﺎﺏ : ﺍﻟﻨﺎﺱ ﺗﺼﺒﺢ ﻗﺒﻞ ﻳﺎ ﻓﻨﺪﻱ
ﺍﻟﺸﺮﻃﻲ : ﻫﺪﺍﻛﺎ ﻓﻲ ﺣﻮﺷﻜﻢ ﻣﺶ ﻫﻨﺎﻳﺎ ﻳﺎ ﺑﺎﺑﺎ
ﺍﻭﺱ : ﺍﺳﻜﺖ ﺍﻳﻬﺎﺏ ﻣﺶ ﻭﻗﺘﻚ ﻳﺎ ﻓﻨﺪﻱ ﻧﻘﺪﺭ ﻧﺪﻳﺮ ﺍﺗﺼﺎﻝ ﻗﺒﻞ ﻣﻨﻄﻠﻌﻮ
ﺍﻟﺸﺮﻃﻲ : ﺍﻱ ﻣﺴﻤﻮﺡ ﺗﻌﺎﻻ ﻣﻌﺎﻱ
ﻣﺮﻳﻢ : ﺍﻟﻮﻭ
ﺍﻭﺱ : ﺣﺒﻴﺒﺘﻲ
ﻣﺮﻳﻢ : ﻣﻨﻮ ﻣﻌﺎﻱ
ﺍﻭﺱ : ﺍﻧﺎ ﺍﻭﺱ
ﻣﺮﻳﻢ : ﺳﻤﻌﺖ ﺑﻴﻠﻲ ﺻﺎﺭﻟﻚ ﻭﻛﻨﺖ ﻧﺴﺘﻨﺎ ﻓﻲ ﻣﻜﺎﻟﻤﺘﻚ
ﺍﻭﺱ : ﻳﺎﻗﻠﺒﻲ ﻣﺘﺨﺎﻓﻴﺶ ﺭﺡ ﻧﻄﻠﻊ ﻭﻧﺮﺟﻌﻠﻚ
ﻣﺮﻳﻢ : ﻻ ﻣﺶ ﻫﻜﻲ ﻗﺼﺪﻱ ﻛﻨﺖ ﻧﺴﺘﻨﺎﻙ ﺗﻜﻠﻤﻨﻲ ﻋﺸﺎﻥ ﻧﻔﻬﻤﻚ ﺍﻧﻲ ﻣﺴﺘﺤﻴﻞ ﻧﻜﻤﻞ ﻣﻊ ﺷﺨﺼﺨﺶ ﺍﻟﺤﺒﺲ ﻻ ﻭﻣﺶ ﻫﻜﻲ ﺑﺲ ﺑﻲ ﻗﻀﻴﺔ ﻣﺨﺪﺭﺍﺕ ﺯﻳﺎﺩﻩ
ﺍﻭﺱ : ﺷﺸﺸﺸﻨﻮ 😳😳😳
ﻣﺮﻳﻢ : ﻛﻞ ﻭﺍﺣﺪ ﻓﻴﻨﺎ ﻓﻲ ﻃﺮﻳﻖ ﻭﻣﻌﺎﺩﺵ ﺗﻌﺎﻭﺩ ﻉ ﺍﻟﺮﻗﻢ ﻫﻮﺍ .... ﻃﻮﻭﻁ ﻃﻮﻭﻁ ﻃﻮﻭﻁ
ﺍﻟﺸﺮﻃﻲ : ﻫﻴﺎﺍ ﺧﻼﺹ
ﺍﻭﺱ : ﻃﻠﻊ ﻭﻫﻮﺍ ﻣﺼﺪﻭﻭﻭﻡ ﻭﻣﺨﻨﻮﻕ ﻣﻦ ﻳﻠﻲ ﺳﻤﻌﻪ
ﺭﻛﺒﻮﻫﻢ ﻓﻲ ﺳﻴﺎﺭﺓ ﺍﻟﺸﺮﻃﻪ ﻭﺣﻄﻮﻟﻬﻢ ﺍﻟﻜﻠﺒﺸﺎﺕ ﻓﻲ ﻳﺪﻳﻬﻢ
ﻓﻲ ﺍﻟﺴﻴﺎﺭﻩ -:
ﺍﻳﻬﺎﺏ : ﺯﻱ ﺍﻻﻓﻼﻡ ﺍﻟﺰﺡ 😂
ﺍﻭﺱ : ﺍﻳﻬﺎﺏ ﺍﺳﺴﺴﺴﻜﺖ ﻣﺶ ﻧﺎﻗﺼﻚ 😡
ﺍﻳﻬﺎﺏ : ﺷﻨﻮ ﺻﺎﺭ ﻛﻠﻤﺖ ﻋﻴﻠﺘﻚ
ﺍﻭﺱ : ﻣﻌﺎﺩﺵ ﺍﺫﻛﺮﻧﻲ
ﺍﻳﻬﺎﺏ : ﻛﻠﻤﺘﻬﺎ ﺻﺢ
ﺍﻭﺱ : ﻛﻴﻒ ﻋﺮﻓﺖ
ﺍﻳﻬﺎﺏ : ﻭﺍﺿﺢ ﻋﻠﻴﻚ ﻣﻬﻤﻮﻡ ﺍﻟﻬﻢ ﻳﺠﻲ ﻣﻦ ﺍﻟﺤﺐ ﺑﺲ
ﺍﻭﺱ : ﺗﺼﻮﺭ ﺑﻲ ﻛﻞ ﺳﻬﻮﻟﻪ ﻫﻜﻲ ﺧﻠﺘﻨﻲ
ﺍﻳﻬﺎﺏ : ﺗﻲ ﻋﺎﺩﻱ ﻛﻞ ﺯﻱ ﺑﻌﺾ ﺭﻩ ﻣﺘﻔﺮﻗﺶ
ﺍﻭﺱ 💔:
ﻭﻗﻌﺪﻭ ﻓﻲ ﺍﻟﻄﺮﻳﻖ ﺍﻓﻜﺎﺭﻫﻢ ﺗﻤﺸﻲ ﻭﺗﺠﻲ ﺷﻨﻮ ﺭﺡ ﻳﺼﻴﺮ ﻭﻫﻞ ﻳﻘﺪﺭﻭ ﻳﻘﻨﻌﻮ ﺍﻟﻘﺎﺿﻲ ﺑﺒﺮﺍﺋﺘﻬﻢ ﺍﻭ ﻻ
ﻓﻲ ﺍﻟﻤﺤﻜﻤﻪ :
ﺍﻟﻘﺎﺿﻲ : ﺍﻟﻘﻀﻴﻪ ﺭﻗﻢ 21 ﺗﺘﻔﻀﻞ
ﺍﻭﺱ ﻭﺍﻳﻬﺎﺏ ﺧﺸﻮ ﻭﻭﻗﻔﻮ ﻓﻲ ﻣﻜﺎﻧﻬﻢ ﻭﺑﺪﺕ ﺍﻟﻤﺤﻜﻤﻪ
ﻗﻌﺪﺕ ﺣﻮﺍﻟﻲ ﻧﺼﻒ ﺳﺎﻋﻪ ﻓﻲ ﺍﻟﻘﺎﻋﻪ
ﺍﻭﺱ : ﻛﻴﻒ ﻣﻴﺒﻮﺵ ﻳﺴﻤﻌﻮ ﺍﻗﻮﺍﻟﻨﺎ
ﺍﻳﻬﺎﺏ : ﺗﺴﺤﺎﺏ ﺭﻭﺣﻚ ﻓﻲ ﻣﻜﺘﺐ ﺗﺤﻘﻴﻖ ﺑﺎﻟﻠﻪ ﻋﻠﻴﻚ
ﺍﻭﺱ : ﺷﻦ ﻳﻌﻨﻲ
ﺍﻳﻬﺎﺏ : ﺑﻨﺴﺒﻪ ﻟﻴﺎ ﺍﻧﺎ ﺑﻌﺖ ﺭﻭﺣﻲ ﻭﺑﺎﻳﻊ ﺍﻟﺪﻧﻴﺎ ﻃﺰ ﻓﻲ ﻛﻞ ﺷﻲ ﺣﺘﺎ ﻳﺤﻜﻤﻮﻧﻲ ﺍﻋﺪﺍﻡ ﻣﻌﺎﺩﺵ ﺗﻔﺮﻕ ﻋﻨﺪﻱ
ﺍﻭﺱ : ﻓﺠﺄﻩ ﺑﺪﻳﺖ ﻧﻘﺘﻨﻊ ﺑﻲ ﻛﻞ ﺷﻲ ﺗﻘﻮﻝ ﻓﻴﻪ
ﺍﻟﻘﺎﺿﻲ : ﻫﻞ ﻟﻠﻤﺘﻬﻤﻴﻦ ﺍﻱ ﺍﻗﻮﺍﻝ؟
ﺍﻭﺱ : ﺍﻧﺎ
ﺍﻟﻘﺎﺿﻲ : ﺗﻔﻀﻞ
ﺍﻭﺱ : ﺍﻧﺎ ﻧﻄﺎﻟﺐ ﺑﻲ ﺗﺄﺟﻴﻞ ﺍﻟﺠﻠﺴﻪ ﻻﻧﻲ ﺑﺮﻳﺊ ﻭﻻﺯﻡ ﻧﺘﺒﺖ ﺑﺮﺍﺋﺘﻲ ﻣﺶ ﻣﻌﻘﻮﻝ ﺍﻟﻌﺪﺍﻟﻪ ﺗﻐﻴﺐ ﻓﻲ ﻗﻀﻴﻪ ﺯﻱ ﻫﺎﺩﻱ
ﺍﻳﻬﺎﺏ : ﺻﺢ ﻛﻼﻣﻪ ﺍﺳﺈﻟﻨﻲ ﻟﻴﺶ ﺍﻟﺸﻴﻄﺎﻥ ﺿﻌﻴﻒ ؟
ﺍﻟﻘﺎﺿﻲ : ﻟﻴﺶ 🤨
ﺍﻳﻬﺎﺏ : ﻻﻧﻪ ﺍﻟﺸﻴﻄﺎﻥ ﺭﺟﻴﻢ 😂😂
ﺍﻭﺱ 😂😂:
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨
ﺍﻟﻘﺎﺿﻲ : ﻃﻖ ﻃﻖ ﻃﻖ 🔨🔨 ﺣﻜﻤﺖ ﺍﻟﻤﺤﻜﻤﻪ ﻋﻠﻲ ﺍﻟﻤﺘﻬﻢ ﺍﻭﺱ ﺧﺎﻟﺪ ﻭﺍﻟﻤﺘﻬﻢ ﺍﻳﻬﺎﺏ ﻋﺰ ﺍﻟﺪﻳﻦ ﺑﺴﺠﻦ ﻟﻤﺪﺓ 5 ﺳﻨﻮﺍﺕ ﺑﺘﻬﻤﺔ ﺗﻬﺮﻳﺐ ﻣﺨﺪﺭﺍﺕ ﻗﺪﺭﺍﻫﺎ 25 ﺟﺮﺍﻡ ﻣﻦ ﻟﻴﺒﻴﺎ ﺍﻟﻲ ﺗﺮﻛﻴﺎ .... ﻳﺘﺒﻊ
