للقمر وجوه كثيرة

المقدمة{تعريف عن الشخصيات}🔥❤

『✦﷽✦』
                 『••✎نــور الــشــريــف••』
           『روايــة#لـلـقـمـر_وجــوهـ_كــثـيـرة』
                         『❖الـمـقـدمـة❖』

                ❋・────━【❆】━────・❋

"اهلين بيكن حبيباتي هذي خامس رواية ليا وبإذن الله تكون ممتعة وتعجبكم كلكم والرواية حقيقية وواقعية مية ف المية بجد ونا نعرف صاحبة القصة معرفة شخصية.."

                      ━────── •●• ──────━

{ملاحظة:غرضي من الرواية مش الشهرة..غرضي هو العبرة والحكمة وأنه نوصل لأي بنت انها تكون نفسها متقلدش غيرها في اي شي تخلي عندها ثقة من نفسها وتكون قد الثقة الي حاطينها هلها فيها لما سلمولها تلفون وشفرة ونت وغيره وغيره..وتكون صاينة نفسها وصاينة صاحبتها واختها لما تقعد صاحبتها تدزلها ف صورها تحافظ عليهن وتكون قد الثقة ال حاطتها صاحبتها فيها مش تمشي تبعتهن لفلان وعلان وتتقمص شخصية صاحبتها وتلعب باسم وصورة صاحبتها..واعرفي وتأكدي انه في الاخر حتنكشفي وحيكرهنك صحباتك وقريباتك وحيقعدن منقرفات منك.حتقعدي زي النكره في المجتمع..حتقعدي مكروها حتى من اهلك من خواتك من عيلتك..حيقعدو الناس كلهم يخافو من ناحيتك معادش حد يوثق فيك معادش حد يامنلك..بوك حتغير معاملته تجاهك..امك حتقعد تسمع وتنجرح وتنكسر بكلام النساوين ع بنتها الي تعبت وهي تربي فيها وتشريلها وتجيبلها ومدلعتها وفي الاخير شن تدير بنتها المصونه؟؟تلعب بالشباب وتكون مهووسة علاقات..خوك حيقعد مواطي راسه بين الشباب وبين الناس واصحابة،كيف اخته الي ميخليش في حد يفتح فمه عليها حتى بلزينة وواثق بانه اخته شريفة وطاهرة وانسانة كويسة ومخليها ع راحتها فاتحة فيس وغيره تمشي تلعب بالشباب وتقعد مهووسة علاقات لا مسيبة الرزين ولا الخفيف ولاالصايع في حالة..كل الشئ هذا مش حتحسي بيه انتي إلا لما تجربية وربي لايذوق اي حد الي عاشاته سارة بطلتنا،، توا أكيد انتو مستغربين من كلامي هذا وليش نحكي فيه...و الرواية مش رومانسية الرواية اجتماعية وتحكي ع بنت عندها هوس العلاقات وتقمص الشخصيات الحقيقية وشخصيات قريباتها صديقاتها...هوس علاقات؟؟كيف؟وليش؟؟وتقمص شخصيات شن؟؟...اي هوس علاقات..وضحك ولعب بالشباب وتكلم فيهم وقعدن العلاقات بالنسبة ليها إدمان،ولكن نهايتها كانت صادمة وبشعة...طولت في الشرح عليكم خلي نعرفكم ع الشخصيات المهمة في الرواية وبإذن الله الحلقة الأولى حتكون بعد يومين من المقدمة هذي..ويلا نبدوو.}

"💜نــور الــشــريــف💜"

                      ━────── •●• ──────━
            『◈تـعـريـف عـن الـشـخـصـيـات◈』

سارة:مواليد 2000 تقرا كلية اقتصاد عندها 2 خوت ومعندهاش خوات ابدا...طبعها.بنت لسانها طويل ومنافقة وعنفاونية ومسمومة بدرجة لاتوصف وكان حكيتي معاها بعفوية حترد بعنف..شكلها.حنطية ودبدوبة ورموشها طوال وشفايفها صغار وورديات وخدودها كبار عندها غمازة وشعرها اسود طويل وقصيرة ولبسها كله ماركات وقصير وضابط ومكياجها اوفر حتى في الكلية...
                      ━────── •●• ──────━
خوها الكبير:رواد مواليد 1993 يخدم دكتور اسنان واستاذ في كلية الطب..خاطب دكتورة زميلته وعن علاقة  وعن قريب عرسهم..طويل ونقشة ع الاسود عنده لحية خفيفة شعره كثيف وشخصيته غامضه وميحبش يضحك واجد وميحبش الجمعات والازدحام هلبا...
                      ━────── •●• ──────━
خوها الثاني:ايهم مواليد1999 يقرا ف كلية الهندسة سنة ثانية وانسان تافهة حياتة كلها ضحك وهياجة وبنات الجامعة كلهن مصاحبهن عشان يغششن فيه في الامتحان وهك😂😂..ومرتبط ب ميس صديقة سارة المفضلة ويحبها وكم مرة شاداته مع بنات ولاكن تفوت ويضحك عليها بكم كلمة..شكله نفس خوه بس نقشة عالاشقر وعيونه خضر ...طريف ياكبدي😢😂