『✦﷽✦』
『••✎نــور الــشــريــف••』
『روايــة#لـلـقـمـر_وجــوهـ_كــثـيـرة』
『❖الـحـلـقـة_الـثـانـيـة❖』
❋・────━【❆】━────・❋
"تفاعلن ع الحلقة ورايكم بدون ملصقات...ويلا نبدو في الحلقة منعطلش عليكن"
━────── •●• ──────━
"💜نــور الــشــريــف💜"
"صباح جديد على بطلتنا⛅"
"سارة عندها كلية وهي راقدة لانها كالعادة قعدت سهرانة للصبح مع الشباب الي تكلم فيهم"
امها:سرو..سروو بنتي نوضي هيا مش عندك كلية اليوم
سارة بعصبية:اوففف باهي باهي اهو نضت بلاش نفاخ"للاسف سارة كانت مزاجية في معاملتها لأمها وامها مسكينة صح تزعل وتنجرح بس متحمله معندهاش متدير في الاخير هيا أم"
امها:حاضر ماشية نجهزلك فطورك علي ماغسلتي وجهك ودخلتي للحمام"اكرمكم الله"
سارة:باهي باهي اطلعي بس"الناس الي زي هذي دائما مش مقدرين نعمة الأم...قدرو نعمة آلام لانه في غيركم فاقدها و محتاجها💔💔"
امها هزت راسها بأسف ودمعتها تحجرت في عينها غمضت عيونها وبصوت مخنوق:حاضر...وطلعت برا وقعدت تبكي بلعبرة كيف بنتها الي من لحمها ودمها إلي غير شن تبي وحاضر هكي تعامل فيها المفروض انها تهزبها ولا تضربها ولاتدعي عليها بس مش قادرة لانها أم في النهاية💔💔.
━────── •●• ──────━
"سارة بعد طلعت أمها صبت بكسل وهي تمتم وتسب وتلعن ع الصصبح بدل ماتستغفر ربي وتصلي ركعتين💔."
دخلت سارة للحمام"اكرمكم الله"دوشت ونشفت شعرها وطلعت فتحت دولابها ووقفت عليه تختار شن تلبس
"💜نــور الــشــريــف💜"
سارة متكنطية:اووففف شن نلبس....نلبس هذي...لا لا هذي شافنها عليا الاسبوع الي فاتت"انسانة مظهرية ومتكبرة ع لاشي💔."...طلعت سروال تجينز مع قميص ابيض فوق الركبة بشوي وتجاكة تجينز ع طول القميص ووقفت عالمراية فتحت شعرها واستشوراته"تحساب روحها ماشية لصالة افراح الانسة😂😂😂"حطت مكياج اوفرر بكل ولبست وشاحها وطلعت نص شعرها برة خذت الشوز الزهري والشنطة الزهرية تاعها ولبستهم وطلعت من غرفتها عشان تفطر.
━────── •●• ──────━
سارة:صباح الخير
امها:صباح الورد على بنيتي السمحة...تعالي تعالي افطري غذي جسمك باش تقدري تركزي على محاضراتك ودراستك
سارة ف خاطرها"واكك بدت في النفاخ عاد...الصببرر بس":هي جيت و وتيلي قهوتي في مق القهوة متاعي عشان ناخذها معاي
امها:حاضر هي قعمزي افطري بس..ومشت تجهزلها في قهوتها
سارة:فتحت هاتفها ودخلت عالواتس لقت صحباتها الي هذي منزله صورتين ثلاثة لها عالستوري...ضحكت ع جنب وقالت:جيتن وجابكن ربي..ودارت سكرينات للصور وقصت الاسم الي عالصورة وجت بتصبي بتتنسخهم في الابتوب عشان تحذفهن من جهازها صحباتها يمسكن فيه اصلا"لاعبتها صح الفالحة😂😂"جاء خش رواد خوها عاودت جلست ف مكانها
رواد:صباح الخير
سارة:صباح النور...توصلني للجامعة
رواد:باهي هي نشرب قهوتي قبل...ع خشت امه
امها:صباح الخير اوليدي...ربي يحفظك ليا وليدي الغالي ورد بالك من روحك وانشالله نشوفك عريس ونشوف صغارك ياوليدي
رواد ضحك:انشالله يما..وانشالله نروح بكري اليوم عشان نمشو العصر لحوش عمتي عشان ننحددو موعد العرس ياغالية
امها:هذا النهار المبارك ياوليدي...انشالله حتى ايهم يحط عقله في رأسه ونخطبله ونسقد سارة باش نتهنى عليكم ياصغاري
سارة برفعة حاجب:شن قاعدة ف حوش الي خلفك باش تسقديني بتفتكي مني بسرعة ها حوش بوي وفلوس بوي مش ع حسابك عايشة
رواد تكنطة وشاف لاخته:احترمي نفسك واحكي مع أمك بأدب احسن مانجي نخربلك وجهك...اعتذري من أمك بسرعة
سارة رفعت خشمها ومن فوق نفسها:باهيي...اسفة ياامي
امها بحزن:عادي ياولدي اكيدة متوترة لانه عندها امتحان هي اليوم وضغط دراسة مش قصدها"هي لاعندها امتحان لا شي غير تدافع عليها قدام خوهاوهي مش دايرتلها اي اعتبار💔"
رواد:حاضر تمام يما...هي انتي الاخرة قدامي
سارة بتكشيخ:هياا طالعة نستنى فيك في السيارة...وطلعت ركبت في السيارة وهي متكنطية
أنت تقرأ
للقمر وجوه كثيرة
Ficción Generalرواية منقولة للكاتبة نور الشريف🔥🔥❤ الرواية تحكي ع بنت عندها هوس العلاقات وتقمص الشخصيات الحقيقية وشخصيات قريباتها صديقاتها...هوس علاقات؟؟كيف؟وليش؟؟وتقمص شخصيات شن؟؟...اي هوس علاقات..وضحك ولعب بالشباب وتكلم فيهم وقعدن العلاقات بالنسبة ليها إدمان،ول...
