رواية لي دمرتني

الفصل التاسع

تاني يوم الصبح في الساحل كانت نور واقفة ادام البحر
فرح:القمر سرحان في اي
نور:مافيش يا فروح انا بس بحب البحر اوووي
فرح:وانا كمان بحب البحر يا نور ممكن احكيلك سر
نور:طبعا سرك في بير
فرح:انا اه بنت الصرفي بس انا مش غنية زي ما الناس فاهمه
نور:مش فاهمه
فرح قعدت علي الرملة ونور قعدت جنبها
فرح:كريم مش بيحبني يا نور كريم متجوزني صفقة
نور:ازاي يعني هو انتو مش ولاد عم
فرح:اه بنت عمه بس اتجوزني علشان ينتقم مني
نور:لي يا فرح ينتقم منك
فرح بدموع:بابا السبب هو صغير شاب كان طايش وخلي عمي يسفارو وبعد ده كلو نسي عمي الله يرحمو ولم بابا مات وانا رجعت كريم اخدني البيت عندو واتجوزني غصب مقابل انو مش ياذيني بس هو بينتقم فيا بطريقتو
نور اخدت فرح في حضنها:كريم بيحبك يا فرح انتي مش بتشوفيه بيعاملك ازاي كفاية نظرة عنية
فرح:بيتهيالك يا نور
نور:لا لا هو بيحبك
فرح:انا بحبو بس هو بيظلمني كتير يا نور
نور:طب اهدي وصلي علي النبي كده
فرح:عليه افضل الصلاة والسلام
نور:تعالي نرجع الفيلا وتنامي شوية
فرح:طيب
ورجعو وطلعت فرح تستريح شوية ونور طلعت قعدت علي البحر تاني وبتفتكر لحظه شهر العسل لم صالح وقف يعترفلها بحبو ادام الناس
فلاش باك
نور:صالح نفسي انك تقف في النص هنا وتقول باعلي صوت انا بحبك يا نور العطار
صالح:من عنيا
ووقف صالح في نص الرمالة وقال وباعلي صوت:انا بحبك يا نور العطار بحبك والمصحف بحبك يا مراتي يا حبيبتي يا بنتي يا اختي بحبك والله بحبك
نور:وانا كمان بحبك يا صالح
وجريت نور عليها وحضنتو وهو بدلها الحضن ولف بيها
صالح:مبسوطة كده
نور:اوووووووووي بجد ربنا يخليك ليا يارب
صالح:ويخليكي ليا يارب
انتهي الفلاش باك
ونزلت من نور دموع علي كل لحظة حلوة وفضلت قاعده تشتكي وجعها للبحر صديقها الوحيد وبعدين حست بتعب بسيط قامت ودخلت الفيلا وهي جوه فجاة وقعت من طولها وفضلت مغمي عليها ساعة
فرح:نور نور انتي فين
وهي بتنزل لقيت نور مغمي عليها
فرح:نور مالك يا نور ردي عليا
مستنتش وسندتها وودتها علي اقرب مستشفي
وفي المستشفي
اخدها وكشفو عليها وبعدين خرج الدكتور
الدكتور:مبروك المدام حامل في الشهر الاول
فرح:بجد حامل شكرا يا دكتور شكرا اقدر ادخلها
الدكتور:اه اتفضلي
ودخلت فرح لنور
فرح:مبروك يا نور
نور:الله يبارك فيكي يا حبيبتي عقبالك
فرح بضحكة وجع ومردتش
نور:طب يلا نروح الفيلا
فرح:يلا
وسندت فرح نور وخرجو وركبو العربية وطبعا فرح اللي سايقة ورجعو الفيلا
وهناك وفرح بتركن لحظة عربية كريم
نور:في اي مالك
فرح:كريم جاية
نور:طب مالك بس
فرح:مافيش
ونزلو من العربية
وهم دخلين من البوابة سمعت فرح صوت كريم
كريم:كنتي فين يا فرح
فرح:كنا بنتمشي شوية
كريم:طب تعالي عايزك
فرح بصت لنور
نور:روحي يا فرح
ومشيت فرح ودخلت نور تستريح
في الفيلا التانية دخل كريم ومعاه فرح
وفجاة وبدون اسباب ضرب فرح قلم ومن شدة القلم وقعت فرح علي الارض
فرح:اه يا كريم بتضربني لي
كريم وطي لمستوي فرح ومسكها من شعرها
كريم:اي اللي خرجك
فرح بتتالم:كنا مخنوقين شوية يا كريم
كريم بيشد علي مسكتو لشعرها:انتي مفكيش اي فايدة كذا مرة بنبه عليكي
فرح:اسفه اسفه بس ونبي سيبي شعري
شد كريم شعرها وقومها من علي الارض
فرح بصتلو بدموع وجاية تخرج مسكها من دراعها
كريم:رايحه فين
فرح:رايحة الفيلا التانية
كريم:لا انتي هتباتي هنا
فرح لسا هتعترض
كريم:خلاص قولت هنا يعني هنا
سابها وطلع فوق
فرح قعدت علي الارض وفضلت تعيط
فرح:انا بحبك يا كريم لي بتعمل كده
كريم وقف لم سمع كلامها ولف وبصلها
كريم:انتي اي بتحبيني
فرح:اه بحبك يا ابن عمي يا جوزي بحبك بس انا مليش زنب في اللي عملو بابا والله يا كريم انا بحبك اووووي
نزل كريم ليها ووطي في مستوها وبص لعيونها ومسح دموعها
كريم:سامحيني يا فرح انا بحبك بس كنت مفكرك بتكرهيني
فرح اترمت في حضنو وعيطت
كريم:خلاص اسف متعيطيش بقا
فرح فضلت حضنها وبس ومش بترد
كريم شالها وطلع الاوضة ودخل وحطها علي السرير وباسها وقفل النور عيب بقا نسبهم
وفي القاهرة كان صالح بيلف بعربيتو ومروحش فضل يوم بليلة بيلف
صالح:ياتري فينك يا نور انا مخنتكيش والله انا بحبك اوووووي ياعالم فينك دلوقتي يارب يارب احميها يارب
وفي عمارة العطارين
في شقة احمد العطار
حولت سلمي ترن علي اختها مش بترد اخر محاولة ردت
نور:الوووو يا سلمي
سلمي بلهفة:الوووو يا نور فينك
نور:سافرت بغير جو شوية انا هقفل
وقفلت نور قبل سماع رد سلمي
سلمي:نور يا نور
وفي الساحل خرجت نور وقعدت علي البحر وحطت الهندفري في ودانها وبتسمع اغنية نهاية عادية
عمال بتوجع في قلبي ليه💔يعني اللي بينا ده نهايته اي💔لو مش حاببني مفهاش كسوف ابعد وشوف ناوي تعمل ايه💔اعمل ب عشرة وحاجات كتير💔كان بردوا بينا احساس كبير💔عاوز تبيعني ب شياكة بيع وانا مش هاضيع ولعله خير💔لو جالي يوم ابعد عنك💔مش ده الي بستناه منك💔بعد اما عشت اطمنلك💔هتسيبني سيب ومتجرحنيش💔خلي الوداع بحنية💔وكفاية ب ذياده اذية💔دانا نفسي في نهاية عادية💔توجعني بس متكسرنيش💔
عادي اما تمشي ياما مشيوا ناس💔راح الي بينهم ونسيوا خلاص💔بس الحكاية سيبني في هدوء وانا💔بكرة افوق💔زي الي فاق💔
ومسحت دموعها
نور:يمكن لسا بحبك بس انت خنتني يا صالح ياه لم كنت بترقص معايا وبتحضني واكنك بتقول للناس دي بتاعتي ملكي مش حد يقدر ياخدها مني يمكن غلطت لم رقصت مع الغريب ده بس انت وجعتني لم رقصت مع ريهام وسبتني قاعده كده هنا اذن الفجر قامت نور ومسحت دموعها ودخلت اتوضت وصلت وبعد مخلصت دعت ان رينا يصلح حالها وقامت تنام
في فيلا كريم
فرح:ربنا يخليك ليا يا كريم
كريم باس راسها:ويخليكي ليا يارب يا فروحه مش يلا ننام بقا
فرح:اقفل النور
وقفل النور ونامو
ومر شهر علي الكل من دون ما يعرفو نور فين ونور دلوقتي في الشهر التاني في حملها ولسا معرفتش حد
واهل نور قلقانين ميعرفوش هي فين وصالح حالو اتشقلب خالص ومش بيروح اصلا ومحدش يعرف هو فين سلمي وحسام حالهم حلو خالص
وفي عمارة العطارين
في شقة احمد العطار
فكرت سلمي تكلم فرح
ورنت عليها وكلمتها
سلمي:الوووو ازيك يا فرح
فرح:الحمدالله يا سلمي اخبارك اي انتي
سلمي:مش كويسين خالص يا فرح نور مختفية
فرح:بصي انا هقولك حاجه نور عندي هنا في الساحل
سلمي:بجد يا فرح
فرح:اه
سلمي:طب انا هاجي انا وحسن اخويا ونشوفها
فرح:تمام العنوان.......
سلمي:تمام
وقفلت سلمي مع فرح وقامت غيرت ومسكت الفون ورنت علي حسن وحسام وفارس كلهم مكالمة جماعية
حسن:الوووو يا سلمي في اي
فارس:منعرفش اول مرة ترن مكالمةجماعية
حسام:يمكن في حاجه
سلمي:يا جماعة اهدو في خبر حلو بس لازم احنا اللي نعرفو وبعدين العيلة تعرف
الكل:ها
سلمي:انا عرفت مكان نور البسو وخلصو وانزلو خدوني واتحججو باي حجه
حسن:تمام
وقفلت سلمي واستنتهم ينزلو
ونزل حسن وفتح الباب
سهير:اي يا حسن
حسن:انا خارج انا وفيروز والباقي وهاخد سلمي
سهير:ماشي يا بني
حسن:يلا يا سلمي
وجت سلمي ومشيت مع حسن
ونزلو يركبو العربيات
سلمي مع حسن وفيروز في عربية
وفارس وسارة وحسام في عربية
واتجهو علي الساحل
وبعد ساعة ونص  وصلو علي فيلا اللي فرح قالت عليها
ولقو عربية حسن هناك
سلمي رنت علي فرح وخرجت ليهم
وسلمت فرح عليهم
حسن:فين نور
فرح:نور قاعده عند البحر من وقت ماجينا هنا وهو صاحبها الوحيد تعالو ورايا بس بشويش
وفعلا دخلو وراء فرح ولقوها قاعده علي البحر وحطها في ودنها الهندفري
حسن شال سماعة من سماعاتها
نور:فرح بطلي رخامة
حسن:طب مش ينفع حسن
نور بصتلو وقامت حضنتو
نور:وحشتوني اوووووي
حسن:وانتي اكتر يا عمري
فارس راح وحضنها
فارس:كده متساليش عن اخوكي الكبير ولا ابن اخوكي اللي قرب يجي الدنيا
نور:اسفة بس كنت مخنوقة وقولت ابعد
وسلمت سلمي علي اختها بحضن كبير
وسلمو كل من سارة وفيروز علي نور بحرارة
حسام سلم علي نور
حسن:لازم ترجعي معانا
نور:مقدرش مقدرش
حسن:لا تقدري ولو علي صالح فهو مختفي
نور:اي مختفي ازاي يعني
حسام:اه مختفي من وقت مسبتي انتي البيت
نور:يعني مش بيرجع
سلمي:لا يا نور محدش فينا عارف هو فين
نور راحة علي الفيلا ولمت حاجاتها
نور:يلا نمشي
حسن:يلا
وجهزت فرح وكريم حاجاتهم وركبو عربية كريم
حسن وفيروز وسلمي في عربية حسن
وفارس وسارة وحسام في عربية فارس
وركبت نور عربيتها ومشيت وراهم
وفي القاهرة
صالح قاعد في ديسكو وعمال يشرب علشان ينسي كل اللي مر بية و صاحب الديسكو يعرف صالح فمسك صالح وسندو واخدو علي عربيتو وركب صالح وساق بيه لبيتهم
وبعد ساعة وصل ادام عمارة العطار
البواب:مين سيادتك
صاحب الديسكو:انا عامر انا صاحب صالح بية بس هو تعبان ونايم اهو تعال نسندو ونودية شقتو
وفعلا البواب وعامر سندو صالح ودخلوة علي شقة سليم العطار ومشي عامر بعد ماساب مفاتيح عربية صالح
وعلي المغرب وصل كل من عريية نور وعربية حسن وعربية فارس وركنو ونزلو نور بصت لقيت عربية صالح
نور:عم جابر
جابر:ست نور حمدالله علي سلامتك يابنتي
نور:الله يسلمك هو صالح جاه
جابر:جاه الصبح وكان نايم بس في حد جابو ودخلنه شقة سليم بية
نور:ماشي يا عم جابر هات الشنط من العربية
جابر:حاضر
ودخلت نور وكل اللي معاهم علي جنينة العمارة ولقتهم كلهم قاعدين
سهير:نور جيتي يا حبيبتي
نور راحة لمامتها وحضنتها وكذلك بابها
احمد:فينك يا بنتي
نور:كنت بستجم شوية انا وابني
احمد:ابنك انتي حامل
نور:اه يا بابا داخلة علي ٣ اهو
سهير:يا منتي كريم يارب الحمدالله
نور:فين عمي سليم وعمي زين
احمد:في الشقق بتاعتهم
نور:انا هروح لعمي سليم
احمد:روحي يا بنتي
وطلعت نور من شقتهم لشقة عمها سليم
وخبطت
في الجنينة
احمد:مين اللي عرف مكان اختكو
الكل شاور علي سلمي
سلمي:اه يا كلاب
فارس:بصي احنا مش هنتعاقب خليها عليكي يا صغنن
احمد:لي مش قولتيلي يا سلمي
سلمي:سوري يا بابا كنت عايزه اعملها مفاجاة
احمد:احلي مفاجاة وحضن سلمي
سلمي طلعت لسانها لاخواتها
والكل ضحك
وفي شقة سليم اتفتح الباب
مريم:نور حبيبتي كنتي فين
نور:كنت بتسجم شوية يا طنط فين صالح
مريم:جوه نايم
نور:وعمي
مريم:خرج
نور:طب هدخل لصالح
مريم:ادخلي يا حبيبتي
ودخلت نور اوضة صالح لقتو متبهدل وقربت علية وحطت ايدها علي راسو حس صالح بايد حد وحاول يفتح عنية وبيبص لقي نور
صالح بصوت واطي:نور
نور:ايوة يا حبيبي
صالح:وحشتيني
نور:وانت كمان وحشتنا
صالح:اي وحشتكو انتو مين
نور وحطت ايدها علي بطنها:البيبي
صالح:انتي حامل يا اجمل خبر في الدنيا
نور قاعدة جنبو علي السرير ونامت وصالح حضنها ونام تاني ونور حست بالامان معاه ونامت
نكمل الفصل الجاي
By:Nouran Ahmed