تصويت بليز❤️
نصيب .. يا بناات تعالن بنسيقوا السور
فرح .. واااو واني الي جيت بنقول انديروا نسكافيه
ليبيا .. ههههه نستاهلي (علت صوتها) حاضر اهو جايين
ونزلن البنات لنصيب وبدوا ف تسييق السور"اللايده"
❤️كتابات بنت مصراته ❤️
عند فارس{منعرفش ندوي تركي لدلك مشوها بالجو🙃💔}
فارس .. لو سمحتي هل يمكنك مناداة الطبيب
الممرضه .. بالتأكيد
فارس ..اسف للإزعاج
الممرضه .. لا بأس
فجأه فتح الباب
الدكتور .. اهلين فارس كيف حالك
فارس .. تمام احسن من امس
الدكتور ..فارس بنخبرك بشي
فارس بإستغراب ..انشاءالله خير
الدكتور ..الرحله تأجلت ومرواحك بهد اسبوعين
فارس بصدمه ..ليش
الدكتور ..هدا امر من بوك واني ما نقدر انخالف طلب ولي امر المريض
فارس مزال مصدوم .. اها... لا عادي مفيش مشكله
الدكتور ..سامحني عارف انك تبي اتروح فأسرع وقت عشان اختك بس هادا القانون
فارس .. به مقالكش ليش
الدكتور ..
❤️كتابات بنت مصراته❤️
عند البنات
ليبيا فورح ايسيقن و نصيب ادير ف ناسكافيه شوي فتح باب الكنشيللو (الباب الكبير الي ع الشارع احني هكي انقولوله وانتم مشعارف🤷)
البنات شهقن .. هيييي وهربن ورا الباب
امل .. دخلت راسها لداخل وبرقت فيهن .. وععع
فرح ..صرفقتها كف بالبصاره ..يا بقره رعشتيني
ليبيا .. الناس تتصل قبل ما تجي وانت هاده تقول محرره فلسطين
امل مشتلها حضنتها .. وحشيتي اوي يا حبيبتي
ليبيا ..هههه وانت كمان يا عمري
فرح ..واني انمص الليم
ليبيا .. في نص ليمه من عام جدي يعاكس فحنتي ف باب التلاجه عدي خوديها
امل وفرح ..
نصيب ..اهلين بالسمحه اللي جتنا
امل مشت سلمت عليها ..هههه كيف حالك خويله
نصيب ..الحمد لله كيف حالك انت وكيف حال اهلك
امل ..كويسين كلهم
فرح .. هي حبيبتي شمريلي سريويلك وتعالي سيقي معانا
امل .. هههههه تفو
فرح .. علي وجهك هيا
❤️كتابات بنت مصراته❤️
ف مكان تاني بعيييد علينا
صدام .. تو اتشوف كان ما خديتها باهي
امين .. رد بالك يا صدام ما تخشش في الحاجات هادي معرفتكش هكي اني
صدام ..بغضب .. يا امين صدام الي زمان مات ماااات خلاص توا معاش في حد حيعيشني ف الذل "تغيرت نبرة صوته لحزن وعيونه دمعوا" خلاص يا امين اني قاتل اني قتلت عمي بيدي
امين بحده .. لا يا صدام مديرش ف روحك هكي انت ما قتلتش هادا اسمه دفاع عن النفس
صدام بحسره .. القاتل قاتل يا مينو "وبحده وشد راسه بين ايديه" القاتل معناها كفر معاناااها خرج عن الاسلااام
امين .. هدي روحك يا صدام هديي رووحك
صدام بغضب.. معاش تدويلي يا امين ولا نطربقلك راسك
امين بحده ..صدام خلاص اسكت شد اعصابك
صدام ..توا معاش تدولي لين نهدا لأنك حتسمع كلام كبير
امين ..لا حول ولا قوة الا بالله
❤️كتابات بنت مصراته❤️
عند فارس
فارس.. باهي مقالكش ليش
الدكتور .. لا بس قال اجلوا المرواح لين يتحسن كليا وو
فارس تنهد .. ااه وشن
الدكتور ..وميروحش علي ليبيا طول قولوله ينزل للتونس
فارس بغضب ..تي كيف هكي
الدكتور ..اني نستأذن واسف
طلع الدكتور وفارس خدا تليفونه
يتصل ب بوه ميردش ومرتين يسكر عليه
فارس حدف التليفون ..استغفر الله العظيم
❤️كتابات بنت مصراته ❤️
في ليبيا جي اليل🤷
البنات يحطوا ف العشي
طق طق طق
ليبيا .. منووو
..... اني ثائر
ليبيا ..جايه هي وفتحت الباب
ليبيا ..اهلين ثائر كيف حالك
ثائر ..اهلين لولي
ليبيا ..تفضل لداخل
ثائر ..لا والله جيت بنسأل علي فارس ميردش عليا
ليبيا ..والله الحمد لله مروح بعد تلات ايام
ثائر .. الحمد لله
نصيب .. تفضل وليدي خش تعشى
ثائر ..والله مستعجل يا خالتي
ليبيا ..كذاب ديما يقول هكي ويروح يرقد مايدير ف شي
ثائر ..هههه تو من قالك ان اليوم ما عندي شي
ليبيا..اني نعرفك غير خش للمربوعه بش نكلموا فارس قبل ما يرقد
ثائر .. تمام
نصيب.. تفضل تو نحطلك عشي
ثائر ..زيد فضلكم
خش ثائر وتعشى وكلموا فراس فيديو
ليبيا..هياا رد
فارس ..الو لولي
ليبيا ..اهلين فارس كيف حالك توا
فارس ..والله شن بنقولك
ليبيا ..خيرك في شي ثائر يسأل عليك
ثائر ..اوو فارس شجو
فارس ..تمام كيف حالك انت
ثائر ..اهو كويس
ليبيا ..اني بنطلع حدا البنات باي
طلعت ليبيا
فرح ..كيف حاله راجلي
ليبيا .. هههه حاله باهي الحمد لله
امل ..الحمد لله
ليبيا ..ميمي بتباتي
امل ..مشعارفه
ليبيا .. لا اني منسألش فيك
امل .. والله! واهلي ؟؟
ليبيا ..اهلك خليهم عليا اني وفرح من امس قلت لخويله نصيب قالتلي باهي
امل ..وينهي فرح هيا
ليبيا .. ااااخ🤦🤦
امل ..خيرك
ليبيا .. شوفي الشباك
فرح ترقب من الشباك علي ثائر وفارس😂🤦
امل ..😂😂
ليبيا يتهامسن ..تي انزلي وانت متكعبشه ف الشباك كيف البوبريص
فرح ..بالله عليك شوفيه مش طرف🤤💗
امل .. ترا وروني😂
فرح علت صوتها شوي..تي يا ثائر يا هم ارفع شاشة اللابتوب طشه
ثائر سمعها ..فارس انوريك حاجه
فارس..شنو
فرح .. لا بالله عليك لا هوا بننزل وين السطل الي ركبت عليه
امل وليبيا ..😂😂
فارس ..خيرك شن بتوريني
ثائر ..لالا خلاص خلاص
فارس .. اسمع ثائر
ثائر.. نعم
فارس.. اعلق السماعات ترا
ثائر علق السماعات .. علقتهن هوا
فارس ....
❤️ كتابات بنت مصراته❤️
يتبع ...
ملاحظه : الحلقات الاولى مفيش احداث مهمة
