صوت زغاريت وضرب سلاح وناس مبسوطة وصاحباتي بباركو وخالاتي وعماتي
وشوية كده ابوي دق الباب ودخل والناس طلعو خلونا برانا
رنا بتي الصغيرة كبرت و بقت احلى عروس
سكت مسافه وعيونو رقرقن وحضني وكمل
اريت لو امك كانت معانا كان ح تفرح بيك زيي واكتر
حضنتو شديد وبديت ابكي مرت أكتر من سبعة سنين على وفاة امي وللان فاقدها كأنها اتوفت أمس كل دقيقة
متزكراها وعمري م ح انساها
خالك طه جاي يبارك ليك
زحيت منو وقشين دموعي خالي جاا داخل
اتفضل ادخل
وقف قدامي مبتسم
رنا بتي من زمان وهسي بقيتي أقرب من بتي م تخاف ي أحمد بتك مشت لابوها التاني
باسني في راسي
خلاص م تبكي عشان م تبقي شينه يوم عرسك
من يوم امي اتوفت وللان ابوي وخالي طه م خلوني احس اني براي كانو دايماً معاي
والليله اتزوجت محمد ود خالي عشان وصية امي الله يرحمها
السيرة طالعة وقفت قدام ابوي وبكيت صعب اني ابعد عنو حضني وبكينا سواا
عاينت آخر مرة للبيت آخر مرة ح اجي راجعة جرري لي ابوي واحكي ليو عن يومي وهو يسمعني
ركبت العربية ومشيت مع محمد وصلنا بعد نص ساعه نزل ونزلت بعدو
دخلت البيت م قدرت اشوفو كلو عشان دخلت الغرفة
من دخلت محمد م عاين لي ولا اشتغل بي اصلا
دخلت الحمام وطلعت طوالي نمت بس قبل كنت قاعده افكر كده حياتي ح تكون كده
و مع البني آدم ده
في الصباح صحيت ومحمد لسه نايم جهزت الشاي اكيد م ح اكون نايمه من اول يوم
صحى وم كلف نفسو يقول صباح الخير لكن ده م بعني اني م اقول
صباح الخير
عاين لي وبعد مسافة رد
صباح الخير
قعدنا شويتين ومنو طلع وانا حمت جووا البيت شكلو ظريف بس اتمنيت انو اسكن عند ناس خالي
وفي المسااا
السلام عليكم
وقعد
عليكم السلام والرحمة
رديت عليو ابتسامة عكس ملامحو الباردة
اتصلت علي صحبتي وعد وقعدت تتافه فيني وانا ساكته ومتحمله
لكن ف النهاية ونستني وغيرت لي جو
مر قريب الأسبوع ونفس الحال كلامنا م بتعد اكتر من السلام زيي الغربه
جانا خالو طه عشان يسلم علينا ويسأل مننا
اها ي رنا بتي محمد كيف معاك؟
عاينت ل محمد واتبسمت
أكتر من كويس معاي
لا لا الحمد لله اطمنت عليكم وم اوصيك عليها يلا السلام عليكم
قام ماشي
اقعد شوية عليك الله
قمنا معاو
لا لا انا جيت اشوفكم وخلاص وامشي يلا ودعتكم الله
وصلنا خالو الباب ورجعنا
كنت ماشه ادخل الغرفة بس هو وفقني بكلامو
شكراً، لانك م قولتي ل ابوي حاجة
عاينت ليو وقلت
لا لا عادي م بيناتنا
ومشيت دخلت الغرفة
باقي الايام مرت زي م هي كم كلمه بالحساب ولكن التغيير انو بقى يتبسم وده مؤشر كويس
تعالي عايزك ف موضوع
لحقتو وقعدت من غير م اتكلم
سكت دقائق وبعدين قال
ما عارف ابدا ليك من وين ولا ابرر ليك تصرفاتي معاك
ماف داعي تبرر
قلت وانا بعاين ف نص عيونو
انتي براك ال قولتي كده صاح
يلا اتحملي
وقام مشى دخل الغرفة
دخلت بعدو لقيتو راقد مديني ضهرو م ركزت معاو كتير واتقطيت
حاولت انوم بس ماف فايدة
يعني هو يتصرف ذي م عايز ويتجاهلني وفجأة يرجع عادي جداً
اكيد بهظر هو قايل نفسو منو يعني
حاسه راسي جايط والزاد الطين بله الأحد الجاي ح يبدأ السمستر الجاي
على الأقل اطلع اشوف الشله م أتوقعت اقول كده بس اشتقت ل جامعة والطلعات، نمت بعد م تذكرت الايام الحلوة ديك
