الحمد لله الأحد جاا على الأقل اطلع من الجو ده، محمد وصلني ومشى
رغم اننا كنا ماشين كويس، بس بعد اليوم داك رجعنا لنقطة البداية
وصلت الشله وكالعادة كلهم قاعدين يتونسو ويضحكو سلمت عليهم وقعدت.
فجأة وعد قامت وجرتني معها مشينا بعيد شوية وقعدنا
اها جو العرس كيف؟
قالت وهي بتغمز وبتبسم بطريقة غريبة
والله ما عارفة أقول ليك شنو؟؟
ردت بعد مسافه وهي بتعاين لي
قولي اي حاجة، مالك حاساك م طبيعيه
ضحكت وقلت ليها
كيف يعني؟ لا لا م في شي
حمرت لي
في شي، انا من ضحكتك بعرف انو في حاجة، اتكلمي احسن ليك
بالجد م كذبت لما قلت عنها البست م زول بعرفني زيها، لينا سنين صحبات وكل مرة بحس انها اكتر من اخت
ح تسرحي ولا تحكي لي، يلا انجزي
ده كان صوتها القطع افكاري
حكيت ليها من البداية تصرفات محمد ألم مفهومه لحدي قبل يومين وقت جاا يبرر لي
انتي غبيه ليه م خليتو يكمل كلامو انتي هنا غلطانه
رديت عليها
لكن هو اتجاهلني من البداية يعني انا اسكت ليو واخليو يعاملني ذي م عايز
سكتت مسافه
بس هو جاا وحاول يبرر ليك انتي كان مفروض تكوني أعقل
رديت بانفعال
انتي ليه بتدافعي عنو هو الغلطان م انا
انا م دافعت عنو وبعدين هو م براو الغلطان وانتي كمان غلطانه هسي المفترض انك تبقى عاقله وتصلحي العملتيو
هزيت راسي بمعنى حاضر
شاطره، يلا قومي عندنا محاضرة واحدة بس
ضحكت وهو بتربت على راسي زي الشافعه
خلصت محاضرتنا
وعد مشت وانا منتظره محمد يجي عشان امشي وبفكر اقول ليو شنو
ابدا من وين
دقائق محمد جاا طلعت العربية عاينت ليو وهو مركز في الشارع كأني م معاو اتحمحت عشان الفتو وفعلاً عاين لي
محمد معليش اسفه عشان م سمعتك اليوم داك
قلت كلامي بتوتر وسرعة
ابتسم غصب عنو
حصل خير م مشكلة
بعد الكلام ده ماف زول فينا اتكلم لما وصلنا انا خاته راسي في شباك العربية ومغمض عيوني وم انتبهت انو وصلنا
