هي مسلمه

الكلمة 🌹

       " ورب جرح كلام أوجع من ضرب الحسام "

كتير مننا بيسمع كلام بيضايقه و بيأثر في نفسيتك
في كلمه ممكن تأثيرها يشعل حماسك فاتنجز مهام و اعمال كتير جدا وانت مبسوط وفي وقت قليل، وفي كلمه تحبطك وتنزع شعله الامل والنشاط من قلبك

وفي كلمه تقدر منها تخلي الناس تحترمك،وكلمه تقلل من شأنك ومن احترامك
كلمه تحبب الناس فيك، وكلمه تخلي الكل ينفر منك.
         * من لانت كلمته , وجبت محبته *
مش شئ لطيف خالص انك ترمي دبش لاي حد مهما كان درجه قربه منك في وسط هزار وتفكر نفسك روش مينفعش مثلا انك تسخر من طول، قصر او حتي تخن و رفع شخص مش روشنه لما تتريق علي شخص بنضاره او لون بشرته، شكله، جسمه.....
انت اكيد بتجرح مشاعره حتي لو هو مبينش دا

تأثير الكلمه عظيم، لدرجه انها مرتبطه بدرجه ايمانك، واحساسك بغيرك.

في حديث عن الرسول بيتكلم فيه عن تأثير الكلمه وان ممكن بسبب كلمه تتحرم من رضوان الله
( إن أحدكم ليتكلم بالكلمه من رضوان الله ما يظن أن تبلغ ما بلغت فيكتب الله له بها رضوانه الي يوم يلقاه، وإن احدكم ليتكلم بالكلمه من سخط الله ما يظن أن تبلغ ما بلغت، فيكتب الله عليه بها سخطه إلي يوم يلقاه).

" من علامات العاقل حسن سمته وطول صمته"

ولا تقلل من تأثير الكلمه ممكن بالكلمه تقوم حرب، يهدم بيت، ممكن تصل الي القتل في مقوله مشهوره للعرب وهي " تكلم كي اعرفك "

الكلمه قادره إنها تبني و تنهي اي علاقه، عشان كدا لازم يكون عندنا فلتر بينقي الكلمه والفلتر دا هو القلب و العقل يقيمها و يشوف اذا كانت تأثيرها هيكون سلبي او ايجابي.

قلوب ونفوس الناس مش لعبه نجرح ونكسر و نحطم فيها بكلمنا.

الكلام اللين يلين القلوب التي هي اقسى من الصخور , والكلام الخشن يخشن القلوب التي هي أنعم من الحرير.
*********************