نور: اييي كون منوضتكش هكا راكي مزلتي راقدة وتحلمي بفارس الأحلام لي عمرو مايجي يا لبايرة 😂عندنا عامي في الترك وما حكمتي حتى واحد نروحوا لشكوبيستان لي يشوفك يهرب🤣🤣
فريال:واحد زوج 😑😑 ( بحح هربت ملقاتهاش قدامها 🤣)
---------------------- أحممممم علابالي ماراكم فاهمين والو حبسوا نفهمكم انا نور الزلة الباهية المسرارة لي مكاش كيفي وهذا وبشهادة من عند فرفر صاحبة الوجه القبيح لي عايشة معايا بلاكو راكم حايرين كيفاه وحدة زلة كيفي تشوفها تقول جاية من ليسبان عايشة مع وحدة اكرمكم الله احمم بلا جراحة المشاعر
فريال/اوو واقيل تحوسي نكسرلك فمك 😒🔪🔪 خلاص خلاص بلعي نزعق برك والله غير زلة الله يبارك بصح شكارة رقاد الحاصول حنا زوج زلات كلاس بهيونات زينوشات عاقلات حشامات وكل الصفات الشميلة ابار شخصية جعفر لي طاغية علينا ولا على فريال علابيها ملقاتش فارس الأحلام تصدقوا يا سادة عامين في الترك وهي تبحث عليه ملقاتوش هادا قلتلكم من شخصية جعفر المنصور لي منعرفوش هربوا منها كامل🤣 باسك لي يغلط يسلك مرا ونص وراجل وخمسة وسبعين😆 فريال/😒😒👡👡 خلاص اسكتي والله مانزيد نفضح نخلي لبير بغطاه صاي انا ختك😅😅 المهم نكمللكم انا وفر توأم يعني ماشي توأم اما توأم روحي😅نتشابهو غير شوي ابار اني قلتلكم انا شابة عليها (التواضع لوكان جا بنادم 😌😌علابالي بلاما تقولولي) احمم نكمل لا تقتلني حنا بنات العم متربين مع بعض قد بعضانا في العمر عندنا 20 سنة خلصنا عامنا الثاني في الجامعة انا من بكري متربية معاها هي وخوها أسامة كثر منا ب5 سنين عندو بوتيك تاع قش هو الممول الرئيسي لخزانتنا😌 رباني عمي ومرتو ولا نقول بابا وماما باسكو والديا الحقانين ماتوا بآكسيدون هكا قاتلي ماني خداوج 😘 منعرفهمش كامل حتى وجهم منعرفوش 😢تمنيت نشوفهم ونحضنهم وماما تمشطلي شعري 😢اما الموت فرقتنا هذا قضاء ربي وقدرو وانا قابلة بهاد الشي الحمدلله على كل حال جدي وماني وعمي ومرت عمي لي تعتبر ماما باسك رضعتني كي كنت صغيرة ماراهم منقصين عليا بحتى عفسة😊 عندي ختي فرفر وخويا بيبيشو ربي يحفظم جوزت الباك انا وفرفر وجبناه بموايان مليحة وبتوفيق من الله قررت العائلة الكريمة بعد تحلال وتدماع دام 12 شهرا يعني قبل الباك وحنا معولين نقراو في تركيا أنهم يبعثونا نقراو عامين☺ودك رانا راجعين باه نكملو قرايتنا في شكوبيستان🇩🇿🇩🇿 الحبيبة💞 انا جاية زينة شعري وعينيا ماغون طولي متوسط ووزني متوسط وفرفر تاني تشبهلي من غير هي بشرتها جاية خمرية شوية وجاية طويلة عليا وعينيها جايين في لڨري (رمادي) علابيها تعيطلي بينازة 😒كي نقلقها وانا بسلامتي حاكمة فمي لي وعاقلة نعيطلها بوطو بلا خيوط😌نعم ياصقيقي كما تدين تدان ايه نسيت نقللكم متحجبين والحمدلله حنا مدايرينوا ملي كنا في السيام يعني درناه وحنا نقراو 2 متوسط وليوم رانا راجعين لبلدنا الغالي الجزائر💘 صح الغربة واعرة بصح لقينا صحاباتنا هنا دعمونا كيما إليف وأصليهان هوما صحباتنا تاع الصح --------------------- فريال: عسلامتك بينازة 😑هدرتي كلش مخليتيلي والو الله عليك 😑
نور: والله ياخيتشي محبيتكش تعيي روحك لأنو بما أنك بوطو الله يبارك راح ترفدي سواشي كثر مني😀
فريال: ايه انا راني واجدة ونتي مزالك تقصي في قصة حياتك مشاء الله دك نخرج ونخليك وحدك علابالك بلي 6 تاع العشية نقلعوا منا تحركي نروحوا كاش مانشريوا لتاع الدار حاجة حاجة الدراهم راهم يسلمو عليك
