الفصل 26
ليالى الزين
بقلم رباب احمد
تانى يوم الصبح رجع زين و لى لى الفيلا يروحها ويغير هدومه وينزل على الشركه عشان ينتهى من موضوع نسرين وابوها ويقدر يعلن جوازه من لى لى ويفرحها داخلين وهما بيضحكوا وفرحانين وزين حضنها من خصرها ومش عاوز يبعدها عنه لقوا جدهم قاعد فى الرسبشن
لى لى بفرحه
جدو حبيبى حمدالله علة سلمتك وجريت لحضنه وفضلت تبوس فيه وتحضنه
وزين واقف بيبتسم بس غيران عليها حتى من جدها وبصوت حاول يكون طبيبعى مش كفايه بوس بقا
لى لى ببراءه جدو وحشنى يا زين
ايمن بخبث
وانتى كمان وحشتنى يا قلب جد تعالى هاتى بوسه كمان
زين بضيق
جدو خلاص احنا فتحنها مبوسه
ايمن
انت مضايق ليه جد وحافيته انت مالك
زين
مهو مالى طبعا دى مراتى ملكيه خاصه حتى لو عليك انت وبابا وكمان اخوها
ايمن بابتسامه
طب تعالى حضن جدك انت كمان
وراح زين حضن جده واول مره يحضن جده الحضن الدافى ده وجده حس بيه وكان فرحان جدا وبعد زين عنه وصوت هادى شكرا يا جدى
جده فهمه وهزله دماغه
لى لى
بتشكر جدوا على ايه
زين بابتسامه
حاجه سر
لى لى
طب يا جدو حطلع اغير هدومى وانزلك هوا وطالعه لى لى تجرى بسرعه على السلم
زين نادى عليها
لى لى براحه انت ناسيه انك حامل
لى لى لفتله وبابتسامه
حاضر يا زينى
زين وقاعد جمب جده ومتابع طفها
يالهوى على ال هتجننى بدلعها ده اطلع اكولها
ايمن الجد
هههههه ولا اتلم انا قاعد
زين
طب اعمل ايه جننتى خالص حفيتك دى ناويه على خلاصى حاجه تخبل
الجد
يا رب بس تكون مشرفنا مش كلام وبس
زين بثقه وغمزله
عيب عليكى يا جدى ده انا الزين دى حملت من اول مره وصدقنى بعد كده هخليها تجيب بتوأم
الجد ههههه حرام عليك هتهد حلها بالخلفه
زين بهدوء
تعرف يا جدى بجد انا نفسى اجيب منها عيال كتير وكلهم يبقوا شبها عشان طول منا ماشى فى الفيلا اتكعبل فيهم واشوفهم كانها قدامى شكرا يا جدى انك هدتنى الهديه دى لى لى اجمل حاجه حصلتلى
الجد وبيطبطب على كتفه لدرجه دى بتحبها
زين
واكتر انا بقيت مجنون بيها لى لى عامله زى نسمت هوا هاديه وجميله مرت عليا وانا فى عز الحر فى الصحرا
ايمن
الحمد الله اقدر اموت دلوقتى وانا مطمن عليكوا وانى سلمتها لراجل يقدر يحافظ عليها
زين
لى لى فى قلبى وروحى قبل عنيا المهم انت جيت امتى
امبارح بليل محدش كان يعرف عملتها مفجاه بعد مهاب مكلمنى وبلغنى خبر حمل لى لى
زين اه يا جدوا هيبقالى ابن من المجنونه دى تصدق وحشتنى اما اطلع اشوفها واغير وانزلك على طول نفطر سوا
الجد بابتسامه وخبث
هتنزل على طول مظنش البت جننتك
زين
انت بتقول فيها جننتنى انا مش مصدق نفسى وحاسس انى واحد تانى غير زين بس متقلقش هاخد تصبيره بس وانزلك على طول لانى رايح الشركه
طلع زين وفضل الجد يضحك ويتمنالهم السعاده ونزل مهاب وقعد مع بباه وناديه بتحضرلهم الفطار وشويه نزل سيف ومى وكانو قاعدين يبصوا البعض والكل فرحان بيهم
وبعديها نزل زين وهو حاضن لى لى والكل اتجمع على الفطار
لى لى
احنا لازم نحتفل ان جدو وصل بسلامه
مى بحماس
صح يا لى لى نعمل حفله صغيره النهارده
ناديه
تمام انا هجز كل حاجه بليل وبصت ل زين وخلى نادر ونهى يجوا نحتفل بجوازهم
الجد
هو نادر اتجوز
مهاب
اه يا بابا هبقى احكيلك بعد الفطار
سيف
احم بما ان فى احتفال النهارده انا بستاذن منكم انى اجيب المؤذون واكتب كتابى على مى
مى اتكسفت جدا ولى لى فرحت وصقفت
الجد بابتسامه
ماشى يا سيف نكتب الكتاب باليل
والجد شاف ان ده صح لانه قاعد فى البيت معاهم وحس انهم بيحبوا بعض جامد
ناديه بفرحه
وانا هعملك حفله النهارده محصلتش والكل فطر وزين نزل على الشركه واتصل ب نادر وعرفه بالحفله
ونادر وصل نهى الفيلا عند مى ولى لى عشان تكون معاهم وتجهز للحفله معاهم وطلع على الشركه ل زين
زين ونادر فى المكتب
ايه الاخبار طمنى صارحت نهى
نادر بفرحه
كله تمام طلعت بتحبنى زى مابحبها
زين
طب كويس الحمد الله المهم رفعت راسنا اصلك بقالك كتير معتزل الملاعب
نادر هههههه
لا يا خويا لسه محصلش حاجه رفضت امبارح انها تفضل فى الجناح بتاعى ولسه بجهز جناح جديد
زين
طب ليه حصل حاجه يعنى ولا هو مش عاجبها وعوزه تغيره
نادر
لا ابدا بس عشان ده كان جناح مريم وحكى لزين كل ال نهى قالته
زين بابتسامه
انسانه عندها ذوق والله ربنا عوضك بيها يا نادر
نادر
فعلا ربنا عوضنى بيها انسانه هاديه ورقيقه وكفايه معملتها مع مريم معتبرها بنتها تصور الصبح مخلتش الداده تقرب منها وهيا ال خدتها وخلتها اخدت شور وغيرتلها وسرحتلها شعرها وفطرتها واى حاجه عوزاها مريم هيا بتعملها وكمان خدتها عندكم الفيلا معاها ورفضت تسبها مع الداده
زين
ربنا يوفقك يا صاحبى المهم بقا خلصت الورق المطلوب
نادر
كله تحت السيطره والنهارده هنفذ
زين
خلاص اول ما نسرين تجى دلوقتى هطلب الورق تجيبه عشان عوزها تشوفه
نادر تمام
وفضلوا يتكلموا فى شغلهم التانى الاصلى وشويه والباب خبط ودخلت نسرين
صباح الخير
زين بابتسامه خبيثه
صباح النور وبص ل نادر وكمل كلامه ونسرين واقفه جمبه خلاص كده انا حطينا جميع البنود ال عوزنها فى العقد مع الشركه الفرنسيه
نسرين ركزت اوى عشان تفهم الصفقه دى
زين مكملا حديثه
طب يا نادر ابعتلى العقود اخر مره ارجعها قبل ما ابعتلهم الرد
