قدري أنت ❤رواية حقيقيه بكل تفاصيلها ❤

قدري انت ❤

#رواية_قدري_أنت ❤
#الحلقه_الاولي❤
لمقدمه..
انا اسمي مها  خاشه قبل عمري يعني كاسبه سنه  نقرا 3 ثانوي تخصصي طب
مواصفاتي مش طويله ومش  قصيره طولي عاد بيضااء شعري اسود طويل
عيوني لونهن اسود وكبار وهنا لي ميزاتني يعني عيوني حلوات بكل
رموشي طوال وكثيفات وعيوني كبار
عندي اختين وحده اكبر مني متجوزه اسمهاريما عمرها 25 عندها ولدها
اديب عمره 3 سنين وتوا حامل
واختي الاخري مروه عمرها 15 تقرا 3 اعدادي

عندي خوياعمر 11 سنه
ومازن 13 سنه
وماما وبابا طبعا.......
عمي يونس ..محمد ومرام عمرها 14 سنه
عمي مختار..محمود واسماء ومعتز
عمي..عماد وفاطمه
عمي علي..اماني وعبدالله
عمي يوسف..مهند  وانس
عمي اخالد..ياسمين ونسرين وايمان

.........
انا..ريما
ريما..مها كلمه هيا
انا..اففففف
ريما..اوعديني
انا..نقدرش
(انا متعرفه ع واحد اسمه اسامه  في يوم هلي
وعرفو بعلاقتنا ونا من يومها معش حكيت معاه والقصه هذي لها شهر)
رريما..كان يحبك راه دورك
انا..هه وكيف تبيه يدورني وهلك واخذين مني فوني
ريما..وهضاافضلك مش قلتيلي اخر فتره قعد معش معبرك
انا..هوا يعني
ريما..صح ولالا
انا..صح
ريما..معنااها انسيه
انا..حاولت

ريما..حتنسيه
انا..
ريما...اسمعي هضا مش حب هضا بس لانك مازلتي صغيره واول شاب حاكا معاك
حبيتيه وفتحتيلا قلبك بس صدقيني مع الايام حتعرفي انه مجرد اعجاب
انا..لما نفكر فيه نحس فيه كانه مش حب حب بس نحس في روحي ناقصه
حاسه بحاجه ناقصتني من دونه
ريما..بس لانك تعودتي عليه..به نسألك هوا حبك كيف ماحبيتيه متأكده يعني
انه يحبك
انا سكتت
ريما..هاليش ساكته
انا...ماه هنا المشكله متأكده انا حبيتها اكثر من هوا حبني
ريما..قتلك هضامش حب مجرداعجاب وفتره وتمر بس معقوله انتي العاقله
تحكي مع شاب
انا..هههههانا بروحي ماتوقعتهش مني يلاغلطه وصارت
الباب يدق
ريما..عصام جاء
(عصام راجلها)
عصام...اووووو مها
انا..ياهلا
عصام...شجو
انا..الحمد الله كيف حالك
عصام..الحمدالله واللهي
عصام..كنه الحوش هادي غريبه
ريما.اديب راقد😂
وتليفوني رن
عبد الله ولد عمي
انا..ايوه
عبددالله..هي انزلي
انا.هي
وسكرت
انا...هي مع السلامه
عصام..خليكي ليش مستعجله
انا..ههههاين مستعجله الساعه 10 توا انت طولت
عصام..ومن جايك
انا..عبد الله
عصام..سلمي  عليه
انا..يوصل
انا..سلام
هما..مع السلامه
......
ونزلت لقيت عبدالله ومعاه  صاحبه
ركبت السياره
انا..سلام
هما..عليكم السلام
عبدالله..ها ياست الحسن للحوش ولا تبي مكان اخر😑
انا...لوو تقدر تشيلني لباريس شويه مانقولش لا😂
عبدالله. للحوش اه سادك اليوم تعبتيني معاك😂
انا..للحوش يااستاذ😑
...........
..ف طريق
عبدالله..واخير بكرا اخر يوم💃
صاحبه.. ع شن
عبدالله..ع توصيل الكلبه هذ😑
انا..الفاظك يااستاذ😑
عبدالله..تبي كف
انا..لا خليه عندك😑
صاحبه..ليش توصل فيهاغصبن عنك
انا...هههههه😂😂
عبدالله..احسنلك
انا..هههههه خخلاص سكتت
عبدالله.كنا مدايرين رهان وكان انه كان فازت هيا نوصلها لمده
اسبوع لأي مكان تبيه بدون اعتراض ومعش نهزبها لمده اسبوع😂
صاحبه..وهيافازت😂
اانا..هههههه😂😂😂
عبدالله..مهااااا😑😑😑😑
انا..ههههه خلاص خلاص😂
ووصلنا
عبدالله..انزلي هي
انا..بكرا  7الصبح نلقاك قدام الحوش اخر يوم امتحانات بعدها نريحك
عبدالله..عدي ارقدي
انا..ههههه سلام شوفيري
عبدالله..خلي الرهان ينتهي بس
.....
خشيت للجنان لقيت ماما وبابا مقعمزين
انا..شجو
ماما...مزال بدري
انا..سلم بنتك تبي تسافر الحوش كله فوق راسي دبشهاكله لميته
ماما..حرام مريضه
بابا..ها امتاه مسافرين
انا..يمكن نهايه الاسبوع الجاي
بابا..يوصلو طيبين
انا..ان شاء الله
ماما..خششي السفره واغسيلها وارقدي بدري
انا..به بابا عبدالله بكره بيوصلني تريح
بابا..ههههمزال ماكمل ارهان😂
انا..ههههمزال😂
ماما...بهدلتي الراجل وراك
انا...يستاهل هضا نهاية لي يجري ورا صاحباتي هي تصبحو ع خير😑
هما...قدامك الخير
خشيت ضميت المطبخ وركبت لداري درت حمام ولبست توته
وخشيت سريري
قعدت نفكر ف اسامه وكيف اني مرايفه عليه بس نفس الوقت حاسه
انهم لما خذوفوني مني كان في وقتها لان مش عارفه ان كان يحبني
او لا لان ف اخر فتره اهملني واجد ويومها قررت اني ننساه حتي لو ردولي
فوني معش نحكي  معه#يمكن🤦‍♀️
..
ثاني يوم
نضت الصبح ولبست وطلعت
لقيت عبدالله
ووصلنا للمدرسه لقيت صحباتي نوال ولولي
درنا امتحانا
وطلعنا
ع جيت عبدالله
انا..هي سلام بنات
هنا..سلام
........
ركبت السياره
ووصلنا للحوش
ومر روتين يومي عادي
..............