احمد: كون متأكد اولدي بلي مغاديش تندم والبنت انا لمشيت تال عند باها ودويت معاه امامشيت حتى تأكدت بلي هياا البنت لغادي تناسبك ولي غادي تلقا فيها جميع المواصفات لبغيتي فزاوجة ديالك وانا متأكد غتكون زاوجة مثالية ليك ومغاديش تندم معليك اولدي الا توكل على الله اميكون غير الخير
انا شاد راسي وتنسمع ليه افهاد لحظة جات فبالي حتى نطقت بلا منقسد: واخاا انا موافق وغانشفو هادشي ديالكم فين غيوصلنا
عثمان: الله ارضي عليك اولدي را بغينا نشفو ولدنا حتى حنا بوليداتو بغينا نشفو حفايدنا ونلعبو معاهم محدنا فالحياة اولدي
انا نضت وقفت: صافي الواليد متبقاش تقول ديك الهدرة
كنزة: يلا اولدي ومتعطلش فالعشية باش نمشيو نشفو البنت
انا غمضت عنياا بالمازيد من صبر وخرجت معصب بلا حتى كلما هزيت لوطو ديالي وزت الشاريكة وانا تنفكر فهادشي لوافقت عليه وافقت لاعلا وعاسة تزال من تفكيري وصلت الشاريكة بلاصيت لوطو وزت ندخل حتى تيتزدح معايا شي حد قدام الباب
سناء تتويل: احم مسيو هيتم كنعتادر مشتكش
انا نزلت راسي بانت لياا نفس البنت لي تتكون معاها ولاكين هاد المرة بلباس اخر فأخير مرة شفتهم فالمطعم كانت لابسة المعري تجنبتها ودخلت بلا منجاوبها طلعت الفوق فين كاين المكتب ديالي بانت ليا بلاصتها خاوية
لوهلا تعجبت كانت ديما تتسبقتي كنت ديما تنلقاها فالبيرو ديالها بقيت تنتسأل مع راسي تسمعت المصعد تحل تلفت نشوف شكون لقيتها هيا خارجة من المصعد تتبقشش مصاكها باينة مشافتنيش داكشي علاش حنحنت: احم حم
ضحى هزات راسها شافت فيه خلعها مع مكانتش متصورة تلقاه واقف تم
ضحى: السلام عليكم
انا ولاوال مرة انرض عليها سلام: وعليكم السلام
ضحى: سمحلي تعطلت بدقيقه بسباب زحام لكان فطريق
انا: ماشي مشكيل وجدي لياا قهوة تكون قاصحة وجيبيها لياا البيرو ديالي
ضحى: اوكي مسيو
دخلت المكتب ديالي هزيت باكية دكارو حليتها وهزيت منها واحد شعلتو وتقابلت مع زااج لكان تيطل البرة تنكمي على الله غير تبرد العافية لشاعلة فياا وتنحاول نتقبل فكرة اني فالعشية انكون خاطب لاا بزاف ضحكت بسوخريا سمعت دقان فالباب عرفتها هيا لغتكون جايت ليا القهوة لوصيتها عليها
انا: دخل
ضحى دخلات لقاتو عاطيها بدهرو اريحت الكارو فالمكتب: احم مسيو هيتم قهوتك واجدة
انا ضرت لعندها: حطيها تم
ضحى شافت فيه اشافت فالكارو لبين يديه حطات القهوة فوق المكتب يللا دارت تخرج اهيا ترجع العندو
ضحى شافت فيه:التدخين من الخبائث، ولا ينكر ذلك إلا زائغٌ في عقله، وقد قال الله تعالى: (وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ)
إنّ في تعاطي التدخين إلقاءٌ بالنفس إلى التهلكة، وقد حرّم الإسلام إيذاء النفس بأي شكلٍ من الأشكال، قال الله تعالى: (وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا)وفي الحديث الصحيح: (ومَنْ شرِبَ سُمًّا فقتَلَ نَفْسَهُ فهو يتحسَّاهُ في نارِ جهنَّمَ خالدًا مُخَلَّدًا فيها أبدًا)والمتعاطي للسجائر يقتل نفسه بموادّ سامةٍ مهلكةٍ فإنْ مات بسببها كان قاتلاً لنفسه
انا بقيت غي تنشوف فيها كفاش تتنصحني عن بعد: نفهم من كلامك بلي تتنصحني نبعد من التدخين
ضحى حنات عنيها: اه حيت تدخين مضير لصيحة افنفس الوقت حرام
انا جلست فالكرسي ديالي: منين تنكون معصب هو الوحيد لتيهدني
ضحى رجعات طلعات فيه راسها: عطا الله الطروق اتخليك تهدن من غير..
هزيت راسي نخرج تاتنلمح الباكية دالكارو مليوحة فطارو بتاسمت وخرجت هزيت صاكي ونزلت دزت عند سناء هو لول عاد خرجت شديت طاكسي قدام شاريكة ووصلني لدار وصلت دقيت مع نسيت مخديتش معايا سوارت حلات لياا ماما سلمت عليها ودخلت بدلت حوايجي ومشيت عند أسماء الكوزينة نعاونها
أنا لقيت عليها التحية: السلام عليكم
أسماء عنقاتها: وعليكم السلام ختي
انا شفت فداكشي لتتصايب: اشتاديري
أسماء: تنقاد الغداء ومنين نتغداو نبداو فتوجات
أنا: اه واخا امتا رجعتي من الخدمة بعدا الا كاع ممشيتي
أسماء: ممشيتش اليوم عيط ليهم علمتهم بلي اليوم مغنكونش اوافقو
أنا رجعت عنقتها بإبتسامة واسعة وتاهيا بدورها بادلاتتي العناق
أسماء بصوط منغنغ: انتوحشك بزاااف منين تمشي
أنا: حتى انا والله
أسماء: راكي ختي الواحيدة وعزيزة علياا بسيف منتوحشك اتوحشيني
