برنامج # تعرف ع كاتبك
إعداد و تقديم : AMINE MOHAMMED
حلقة : 22
مساء الورد والياسمين ❤ اليوم ضيفتي كاتبة من اجمل الكاتبات ليبية وعن نفسي نحبها و رواياتها حلوووة و فيها عبرة ومن روايتها الحلوة ❤ ؛ من الحب ماقتل ❤ ؛ نِسمة ✨ ؛ عرُوس البَحر ؛ وغيرها من روايتها الجميلة ❤
والي هيا ضيفتيي الكاتبة المبدعة # ميرا ياسر ، تكلمت عن ميرا وتو خليني نعرفكم عليها اكثر 🤗 ❤
الاسم : اميرة ياسر
العمر : م 98
بداياتها عام : 2015 ❤
الحالة الاجتماعية : عزباء
اماني : نبدوا حلقتنا جاهزة ؟
ميرا : اي جاهزة نبدوا حلقتنا ❤
اماني : اسم اميرة هل هذا اسم الشهرة ام اسمك الحقيقي ؟
ميرا : اسمي الحقيقي
اماني : بدايتك ككاتبة ؟
ميرا : بدايتي كانت اني كنت نعدل لصاحبتي ف رواياتها قبل لاتنزلهم وبعدين لقيت روحي نزيد ف مشاهد من عندي ونكتب واكتشفت ان عندي علموضوع هههه جربت ندير رواية بروحي ومنها إنطلقنا ❤
اماني : تخصصك ؟
ميرا : طب وجراحة الفم والأسنان
اماني : اول رواية ليك ؟
ميرا : من الحب ماقتل ❤
اماني : هل تعتبري نفسك كاتبة محترفة او مبتدئة ؟
ميرا : اني منعتبرش ف روحي كاتبة من الاساس لان مصطلح كاتب كبير شوية وليه معايير ومقاييس ❤ اني نسمي روحي كاتبة يعني اني نساوي ف روحي بكُتّاب عالميين منزلين كتب ع هلبا مواضيع ودارسين الأدب واللغة العربية بدقة و حرفنة ، اما الي ندير فيه اني مجرد نألف في قصص باللهجة العامية ويكون في هدف وعبرة بس ❤
اماني : ميرا واخدة حقك في الشهرة ؟
ميرا : اني مش من النوع الي يعدل عالشهرة هلبا ومنشوفش ف روحي مشهورة اصلاً اني عندي بنيات زي العسل وناس راقية يحبو يقرولي ونكتب ع خاطرهم وهدا الي يهمني ❤ من اني باش ننشهر ❤
اماني : من اقرب الناس بالنسبة ليك ؟
ميرا : اقرب الناس امي
اماني : أفضل كاتبة في وجهة نظرك ؟
ميرا : الدكتورة حنان لاشين ، عاشِقة ليها ولكل رواياتها وأمنيتي نترجم كل اعمالي بالفصحى باش نبدا زيها وتوصل لأكبر ناس❤
اماني : هل سبق لك وعملتي في عمل تطوعي ؟
ميروا : عمل تطوعي لا للأسف بسبب ضيق وقتي مع أني نتمنى الحق
اماني : هل سبق لكي ان ربيتي حيوان وهل اعتنيتي به بنفسك؟
ميروا : نعم .. القطط
اماني : لو عاوزين نعرف الجانب الانساني اللي كتير من المتابعين
مايعرفش عنه حاجة هتقوليلنا ايه؟
ميروا : الجانب الإنساني انا انسانة عفوية جداً ف كلامي وتصرفاتي منحبش نتقيد ف تصرفاتي مع حد ف ديما واخدة راحتي مع الكل سواء عيلة اصدقاء متابعين كلهم زي بعض ♀️
نحب الاطفال جدا اكتر شي ممكن يأثر فيا نشوف طفل مريض او يعاني بأي شكل من الاشكال
ومنحبش نكون شخص ثقيل على حد وفي نفس الوقت منقدرش نشوف حد محتاج مساعدة ونوخر نحب نساعد اي حد ب اي شكل من الاشكال
