قدري مكتوب

7

وره شهرررر
هازال:- حبيبتي زوزه طبت بشهرها وكاعدات نفكر اني وياها شنسمي الولد وتراويني الغراض الشترتهن
طبعا حاولت انسى احمد لان مره ثانيه ضربني وعلي ماقبل يرجعني وحقه لان احمد كلش تغير وياي وبس يضرب ويصيح واكيد كله من وره سلوى المهم ندك الجهاز مالت زهراء
زهراء:- الووو منوو
الولد:- اختي صاحب الرقم سوه حادث
زهراء:- شنووو وين بيا مستشفى
هازال:- شبيج منو بل مستشفى
زهراء:- علي 😭😭
هازال:- ههذا كان اصعب يوم بحياتي رحنه للمستشفى كوه سانده امي وزهراء كلشويا ادوخ طلع الدكتور
الدكتور:- اسف ماكدرت انقذ حيات المريض البقيه بحياتكم
هازال:- كانت صدمه عمري لا مستحيل اخويييي يموووت كمت اصيح  لا علييييي عايشش مستحيل يعوفني ولك اكعد علييي شوف مرتك وامك كلنه منتضريك حضنته حسيت خسرت ابوي وسندي مره ثانيه باوعت زهراء وكعت اخذنها الممرضات
هازال:- هاا بشري خو مابيها شي
الدكتوره:- لا الحمد لله مابيها شي بس خسرنه الجنين
هازال:- 😭😭😭😭ياربيييييي ساعدني امي كلبها وزهراء خسرت ابنها واخوي توفى ارجع ياعلي شوف شصار بينه بدونك بلكوه طلعونه اجه احمد بس كارهته كلش لكينه نسوان بلبيت عماتي وخالاتي وعياالي صعدت الغرفتي كعدت بلزاويه واحجي وي نفسي لا علي مايموت لا مستحيل يعوفني يريد يسوي بيه مقلب اعرفه يله علي تعال شوف شصار بينه بدونك ولك من بعدك نعيش بلذل اجه نسرين كومتني جابوا التابوت زهراء موو اقل من حالتي ملخت روحهااا اني ذبيت نفسي علتابوت اكعد يعمري اكعد يروحيي ليش عفتني ياحبيبي نته مو وعدتني ماتعوفني وكتلي اني اصيرلج ابووو ليشش عفتني ملخت نفسي بس اريد احد يكلي هذا حلم خلصنه ٣ ايام بس بجي رجع بيتنه هدوء بس مايخلا عن الحزن والبجي وكلما تندك لباب زهراء تصيح تكول بلكي اجه ونكعد نبجي طبعا خالتي ام احمد رادت ترجعني بس ماقبلت
♥♥♥♥♥♥♥♥♥♥♥♥♥♥♥
اليوم الاربعين مال علي بس لسه مامصدكه مات ولا اصدك راح اعيش بلذل من يموت
كعدت زهراء كومي حبيبتي راح يجون الناس طبيت اسبح واسمع زهراء اصيح رجليه ماتن بس اريد اطلع اشوف شكوو
زهراء:- رحت يم ماما كلتلها ماما يله كومي ماما لا لا ولجججججج ماما فدوااااا كوووومي هازال تعالي شوفي حتى ماما عافتنه
هازال:- لا امي ماتموت ماما فدوه اروحلج اكعدي لاتعوفيني وحدي ياربي اخذني يمه لا تعوفيني اخذيني وياج حبابه 😭😭 يمه المن خليتوني محتاجتج كلشش رفعت راسي وصحت باعلى ماعندي ليشش علي اخذتهااا ليشش اني بحاجتها والله 😭😭😭 عزلت نفسي بلغرفه كلما وحده تكولي البقيه بحياتج اتخبل عليها حتى للتابوت مانزلت شفته كاعده واعاتب بيهم بلصور
ليشش هيج ياعلي ليش عفتني انته مو كتلي اني سندج منو بعدك يسندني ليش اخذت ماما جنت بحاجته ليششش حرام عليكم وماسامحكم والله عفتوني وحدي كلكم رحتوااا 😭😭
♥♥♥♥♥♥♥♥♥♥♥♥♥♥♥
هازال:- خلصت الفاتحه وندكت الباب عبالي احمد  طلع اخوو زهراء الجبير كتله تفضل كال اريد زهراء بعد شعدها يمكم اجت زهراء ختلت وراي لا فدوا لا تخلي ياخذني شو هذا سحلها وضربها شعدج باقيه هنا ساقطه خمس دقايق تلمين ملابسج وتجين بسرعاا وزهراء شبعت بجي واني حاضنتها ونبجي جانت سولفلي من توفوا اهلها اخوها ومرت اخوها مخليها خدامه وبس يبسوطها راح ترجعين للذل ودعتها رحت بدلت وسالت علا الوادي وصلوني يم الوادي قريت الفاتحه لبابا رحت يم علي شفت يخوي شصار بينه بلياك رجعت زهورتك للذل نته الماتقبل عليها كلمه وحده رجعت للكتل نذلينه من بعدك يروحي ياسندي كمت اصيح بعلووو صوتي اخذونيي وياكم والناس تباوع واباوع بعيونهم الشفقه شفت ياعلي هزولتك كاموا يباوعولها بعيون الشفقه واني الجنت امشي بشموخ رحت يم كبر ماما اي اجيت اعتب عليج ليش عفتيني والمن عفتيني احلفج بكل غالي عندج اخذيني وياج ماعرف اخلص حياتي بدونكم يمه جنت اذا ابجي علي يكلب الدنياا شوفي دموعي كليله خلي يجي يسمحهن الي ونتي مو جنتي تحضنيني اذا ضايجه منو بعدج يحضني منو بعدج يسمح دمعتي يمه اليتيمه بهل زمن تنذل بشهر واحد عفتوني كلكم ولكم البيت مابي طعم من وراكم
رجعت للبيت بعد ماملخت نفسي من البجي احمد ماطلكني خلاني معلكه ههذا لو جان علي موجود هيج سوه الله يرحمك ياحبيبي ثاني يوم تكسرت الباب فتحت لباب
كرار:- باعي لج تلمين غراضج وتجين يمنه فتهمتي ونفس واحد ماسمعلج
هازال:- ومنو انتهه
كرار:- كرار ابن عمج جاسم
هازال:- بصدمه هذا كرار كلت بكلبي علي جان يكول عليه نذل وكلب
كلت واذا ماجي  شو ههذا لزمني من الشال وركعني بلحايط
هازال:- 😭😭😭وينك يااااعلي شوف شسوو بختك من وراك
كرار:- كوومي لج ودفرتها
هازال:- لميت غراضي وطلعت ورا كرار بس ماجنت متوقعه اشوف الذل بعيني بيت عمي وصلت لبيت عمي نزلت لكيت مره اكبر من امي
مرت عمي:- هاي هازال
هازال:- اي اني
مرت عمي:- الكبررر لفج يافكر موتي العائله ونتي بعدج عايشه باعي نفسج واحد ماسمعلج تشتغلين بسكوت وياويلج وياسواد ليلج تحجين شي  فاهمه ودفعتني جنت مهضومه اي صدك فكر ليش لسه باقيه مامتت كمت احجي بهضمه ليش هيج ديصير وياي ولكك علي محتاجتك اريدك محد غيرك سندني وكف وياي
بقيت اشتغل ليل ونهار طبعا حملي كلش تعبني اجت مرت عمي:- يله لجججج كومي
هازال:- فدوا عمه والله مريضه وماكدر شو هاي سحلتني من شعري ودك دفرات بيه حسيت بطني طكت والدم نزل مني مثل الشلال واني بس ابجي جوه رجليها لا فدواا عمه ابني راح يموت وهيه تكولي وموتتهم طب كرار من شافني انصدم
هازال:- كرار فدوا امك كتلت ابني بس هذا الباقيلي بلدنياا 😭😭😭 عليك الله انقذه شالني وركض بيه للمستشفى كالوا خسرنه الجنين
لا لا ابنييييي اريده فدوا اريد اشتم ريحته لا تحرموني منه
كرار:- كافي فدوا الله يرحمه الاعمار بيد الله هسه يله حسيت علا نفسي شلون جنه ضالميها جنه يوميه نكتلها حتلو مامسوياا شي
هازال:- لا امك كتلته جان المفروض هسه عندي ولد 😭😭😭😭😭😭 الله ياخذكم رجعت للبيت حالاتي تبجي الصخر وعمي ومرته ولا يمهم كام كرار يداريني اجه كالي هاي ورقه طلاكج ماهتميت ولا بجيت وقعتها واطيتيهيا واخيرا خلصت من احمد لو ادري مامزوجته
كرار:- هازال اني قررت
هازال:- شقررت
.....................................................................
ياترى هل قرار كرار راح يكون من صالح هازال لو ضدها