طفلة أحلامي

52

البارت الثاني و الخمـسون 

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,

في مزرعـــــه الشيخ سالم

عنـــــــد السهره

البيـان:عمـي ويش سالفه الذبح قول لنا..

أبو قيس لف لأبو يوسف وقال وهو يتذكــر إلي صار:كنا زمان نتناوب فالجلسه فالبيت إثنين يروحوا المزرعه وإثنين يجلسوا علشان طارق أبوي كان مانع إنه يطلع علشان كذيه ما نأأمن نخليه برووحه حتى لو كان خواتي هناك لأنه ربشه وخوف يسوي شئ وما يقدرن يتصرفن,, أذكر ذيك الفتره كان أيام عيد وبرع يذبحوا إحنا لاحظنا إن طارق كل إلي يشوفه على طول يطبقه,,

ولف لأبو سالم :وكان دور فيصل لأن أنا وعبدالله كنا نشرف على الذبايح,,هو غافل فيصل وطلع فوق كعادته وجلس يشوف الأوادم يذبحوا قال لازم نوبه أجرب,,

لف لأبو يوسف :كان عبدالله ولين الحين يعرف ويش تفكير طارق لذلك قال :البراء لا تخلوه بروحه..

وأكمل أبو قيس:خالتي كانت تجي الصبح وتخليه ينام فالغرفه لأنه صغير بعده ويروح ذيك اليوم طارق وشله(أخذه) وسدحه قريب المغسله كان تقريبا عمر طارق سنتين ونص وراح يجيب السكين هو مضبط كل حاجه,,وسبحان الله كأن عبدالله حاس وقالنا يله نرجع ما أأمن طارق بروحه والبراء هناك,,نزين دخلنا تصدقوا كيف شفناه ماسكنه والسكين فرقبته المنظر كان غريب يعني لو متأخرين شويه بيروح فيها البراء ..

أبو سالم:وشفتوا الحين كيف صاروا ما شاءالله عليهم ما يتفرقوا..

إبتسم البراء ولف لطارق :مهما إلي سوى بيظل القلب..

صفر الشباب:خطيـــــــــــر..

صلوا على الحبيب المصطفى

البيــان:زيــن والحين ليش درس هو برع..

أبو يوسف:لأنه من ثاني يوم فـالمدرسه هنا إنفصل من المدرسه ككل وهو بعده فالصف أول ما واحى,,كل المدارس فـالسلطنه خلاص ما بتقبله بسبب إلي سواه لذلك أضطرينا ندرسه برع ومن حسن الحظ فيصل كان يدرس هناك ،،هو هناك بعده بدايه الأسابيع محد سلم منه كسر معلمه دفرها من الطابق الثاني علشان ويش يجرب كعبها(النعال, أوالصندل),,

مسك الكل ضحكته

وكمل أبو يوسف:وفالنهايه تعقر به لأنه كان صغير وعطاها ذيك الكرخه السنعه إلي فتقت لها رأسها هذا غير الباقي بس بعد فتره عقل شويه وتميز فدراسته..

البيــان لف لطارق:يبـــــــه كل هذا مسونه وما مخبرنــي أفااا ليش ما طلعت مثلك عيل..

طارق:لا أرجوك,,عاد من شفتك ربشه قلت هذي حوبه أخواني معذبنهم كنت وجيت أنت وجننتني..