غيبوبه

غيبوبه ~ الجزء الثاني الحلقه 6

#غيبوبه 6.الجزء الثاني

نبيل:عيونه حممممر وقرب علي هنادي
هنادي:نبيل خيرك فهمني ليش حالتك هكي وكيف سيبت عروستك؟!
نبيل:لوح القرواطه وقرب عليها حضنها ويبوس فيها
هنادي:تحاول تقاوم...نبيل بعددد
نبيل:وجها قريب لوجها....مش انتي مررتي وحلالي
هنادي:اي لاكن مش بي الطريقه هاذي هاذي نبيل انت مش في وعيك فيق
نبيل: دافن وجها في رقبتها....خليني هنادي خليني
هنادي:تباعد فيه اكتر واكتر وهوا يحاول يرقد معاها بلغصب ....نبيل خلالااص
نبيل:جبدها من خصرها ولصقها فيه وماسكها بيديه الزوز وكان في عالم تاااااني وهنادى تحاول تباعده لكن بدون اي فايده

طق طق طق
هنادي:الباب يطق امشي شوف مني
نبيل:خليهم....تعالي معاي الدار
طققققق طططططق
هنادي:الباب يخبط بقوه شوف منو وتعالا نراجي فيك
نبيل:طلع متنرفز فتح الباب وهنادي طووول لي غرفة نومها وسكرت الباب بي المفتاح

__________
نبيل:تفضل؟!
معمر:كيف تسيب عروستك وترجع هنايا؟!
نبيل:حتى هاذي بتدخل فيها انت؟؟
معمر:تكلم بي اسلوب احسن من هكي بوك انااا
نبيل:سكت وولع دخانه
معمر:رتب منضرك وتحرك ارجع لي مرتك ادخل عليها بلا حركات فروخ
نبيل:ويلي داخل امتى بنطلقها؟!
معمر:ابتسم بي ارتياح....والله ع راحتك والوقت يلي يناسبك لاكن سرع روحك لان المصاريف زادو عليا
نبيل:لوح الدخان....الاحد الجاي لا يلي بعده بنرمي عليها الطلاقد
معمر:طبطب علي كتفه....هكي نبيك قوي مش ضعيف
نبيل:رجع خذي مفاتيحه وطلع من الحوش ....ركب السياره ويفكر....اكيد اكيد لما نطلقها خلاص يتم كل شي ويختفي فجآه بنعيش حياتي مع العروسه الجديده والفلوس يلي بتقعد بي اسمي ....اي يانبيل كمل هكي وطز في كل شي يوقف في طريق سعادتك

هنادي؛طلعت من الدار بعد ماتأكدت ان نبيل طلع خلاص ..خشت الحمام ادوش تحس بي القرف من كل لمسه كانت منه وكل بوسه خذاها منها..طبعا شعور اي بنت اتجاه حد تكرها 💔

__________
رجع نبيل لي شقته فتح الباب وخش اول شي داره لوح روحه ع الصالون بتعب وكان مش تعب جسدي بس حتى عقلي 💔

هناء:اخيرا رجعت كنت خايفه عليك
نبيل:اموري طيبه مدوري شي
هناء:قعمزت جنبه وتعمدت تحط رجل ع رجل عشان ينفتح الروب ...شن رايك تخش ترتاح داخل بدل الرقده هنايا
نبيل:عادي متريح...وسكر عيونه
هناء:مسكاته من يده وبدلع....غير جرب الرقده داخل متأكده تعجبك
نبيل:شبحلها وفهم نضراتها وحركاتها ...ناض معاها وهيا يمشي بي ملل وهيا ماسكه في يدع واجبد فيه لدار لين خشت وسكرت الباب
نبيل:يفتح في بطم سوريته
هناء:خليك مرتاح تو نفكهم انا ....واضح علي وجهك تاعب هلبا
نبيل:استسلم ليها ولي رغبته گ راجل رغم ان كل شي فيه كان يبي هنادي ❤️
مهما كان الراجل حقير ديمه علاقة السرير مع الانسانه يلي يحبها متتقارنش بي علاقته مع الف غيرها

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥