انقاذ حياتي جعلني اعشق

بارت 31

يقول: "فحضنتها حُضن الضعيف
و بكت، كم حزنًا مر عليها وما اشتكت،
ما بعمرها حتى على الجـدار اتّكت، تضحك منذ عرفتها واليوم أبكتني حين بكت "🥺💔

هلاوو حبايب

يلا نكمل 🤭

شفت مرام على حافه الحايط
وتروح وترجع اصيح عليها ولاتسمعني
اجو اهلها  كتلهم جيبو بطانيه بسرعه
ولزموها جوه
وصعدت اني وابوها  نحجي وياها ومترد
تغني مدري تحجي وتروح وترجع
وشويه شويه مشيت ليمها ولزمتها
من ايدها سحبتها عليه
وكعت بحضني حضنتها وكلهم
اجوو عل سطح
ونزلناها جوه بديت اقرا عليها وهيا نامت
وكلنا نرجف خوف عليها
لو مملحكينا يمكن توكع وتتأذه
حجيت ويا اهلها كتلهم لازم ناخذها لكربلاء
هنا مخليتو احد مااخذتوها يمو
مقبل والدها بس اصريت

جلال خل ناخذها بلكت نلكيلها
علاج ميصير تبقه هيج

عبدالله اي وني هم اكول
لازم نعالجها هل مره لحكناها
يمكن مره ثانيه منلحكها

زمن لعد باجر نطلع من الصبح
عل برود

جلال ماشي

مرام اريد اكل جوعانه

عبدالله ماعاش الجوع
سوولها اكل شتريدين نسويلج

مرام اريد شاي وزيتون ولبن

جلال بسرعه سوولها

مرام ماما اريد اسبح
دااحس جسمي مكسر

يلا لعد
هسه هدير ساعدج

ماشي ماما ورحت وياها
وطبت للحمام  هدير ساعدتني وياها مرت
اخوي سلام  فتحت شعري
وفتحت الدووش مالي خلك هدير غسلت شعري واني مغمضه اخاف لاافتح واشوف شي
مع انو كنت اسمع اصوات وصريخ وضحك بأذني بس اسمع صوت زمن يقرا وأقرأ ورا
لحد محسيت شي ديمشي علا كتفي
وفتحت عيني وفاجئه
شفت واحد لابس اسود وشكله يخوف واكف
بالزاويه وراي وبيده خنجر كله دم وصرخت

هدير بسم الله شبيج
مرام  ماكو شي
ومرت. اخوي تقرأ ايه الكرسي

ومكدرت اسيطر علا نفسي وبديت
اصرخ زممممنننن جلااااال

رادوو يطبون هدير
مخلتهم كلتلهم مو لابسه
وني حاضنه مرت اخوي لازكه بيها
جابت روب الحمام ولبسته
الي وطبو جلال
زمن وحضنته كبل كتله بالزاويه
خلني اطلع
وطب زمن هم بس جلال كله اطلع مقبل
كال مرتي ومااطلع

بقه زمن هم مخلي ايده علا راسي
ويقرأ وكال هلاص فتحي عينج
ولاتخافين

مرام مكدر اخاف من شكلهم 😭

زمن شكتلج مو كلت خلي ايمانج بالله قوي
ولاتخافين من شي غير الله

مرام مكدر دااحاول مكدر 😭

زمن خلاص لاتخافين هسه فتحي عينج
شوفي شنو تشوفين

مرام فتحت مشفت شي
بقيت اتلفت ومشفت شي