هلو حبيباتي شونكم
طبعا كلش مريضه وضروف ادعولي تنحل
#منقول😂😂😂
عندي ثنين خوات توأم مواليد 86 توأم متطابق نفس الشكل نفس الجسم نفس الطول نفس الشعر نفس الصوت
الاختلاف فقط بشغلتين
وحده فقيرة كلش اليتعارك وياها تبجي متعرف تحجي والثانيه وكحه الى ابعد الحدود مينكدرلها والوكحه عدها بزرها نساوة عنكود عنب صغير
بحيث ابويه ميفرق بيناتهن لليوم الوكحه متزوجه محافضات والفقيرة يمنه بغداد
طبعا تصير مواقف بين التوأم هوايه احجيلكم شكم موقف للاستمتاع
١_ فديوم اختي الوكحه راحت هي وزوجها للعمرة كنالها عوفي جهالج يمنه وروحي وعدها ابنها 3 سنوات كنالها هم عوفي روحي غيري جو والله راحت شو ابنها فضحنه فضيحه بالبجي بس يصرخ يبجي موتنه اخر شي اخويه ب11 جاب اختي الفقيرة اول مشافها ركض عليها وسكت 😁
2_ عدنه اختي الوكحه تزوجت قبل الفقيرة فديوم رادت تنخطب الفقيرة فعود يردون يجون اهل العريس يشوفوها وصبحت عينها كارصتها بكايه وبقت دك وتلطم جانةطلعنالهم الوكحه 😁 ولليوم ميدورن هي اختها الطلعتلهم مو العروس 😂
3_ فديوم اخويه سوة حادث وسوينه عزيمه على سلامتة جان اجتنه اختي الوكحه هي وزوجها وعمتها جان اختي الفقيرة شايله ابن الوكحه وتغسله ع المغسله واجت عمت الوكحه هم تغسل جان تكلها عمه خو ماكلتي الاهلج على رجلج باع الذهب عيب جان اختي الفقيرة كالتلها لا ماكتلهم 😂
تكول استحيت افشلها واكلها اني مو جنتج اختها
4_اختي الفقيرة زوجها يدرس بالهند وعيالها طردوها علمود مشكله ع الجهال وهي جيبي الجهال وتعالي وتبجي تخاف منهم وبنفس اليوم عود اجتنه اختي الوكحه خطار وفرحانين بيها 5 اشهر ماجايتنه
جان امي تكله امشي العب بيهم طوبه ماتقبل
امي اخذت اختي الوكحه وراحت اختي لعبت بيهم طوبه وجابت الذهب وملابسها وملابس الجهال
عمتها تكلها ها حجو براسج اهلج طلعلج اللسان
كالتلها اي بعد مو عبالج اني ذيج الفقيرة التاكلوها 🤣 ولليوم ميدرون هي مو جنتهم الراحتلهم اختها 😂😂😂
طبعا هذا موقف شفته بلفيس منقول وحبيت اضحككم😂😂😂😂😂
احبكم
جاو
